Lúcas 6:8 - Dupade Uruode

⁸ Mu Jesús chiraja udore ore áyipie quigode ga chojningame jnani uje jmanai cacoque: –Be ga ayague iji uté ore ajei.– Ga jnani uté jĩrique doi Jesús uruode ga chague iji ore ajei.

Lúcas 6:8 Iomraidhean Croise

Sálmos 44:21

¿ama ca Dupade uté chuchẽri cuchade udore iji guesode a? uje uté chirajapise páyipie pipoguiédedie udire quigode jnese.

Matéo 9:4

Jesús e chiraja ore áyipiedie quigode. Jecute chojningame ore: –Gajnarénguei uacáyipiedie ome yu.–

Márcos 3:3

Jecute Jesús catecã́ri jnani uté uje jmanai caco enga chojningame: –Boji te ga ayágueji yocajei udé.–

Lúcas 13:12

Mu uje Jesús chimo chequé tuaté ga tibidi, ga chojningame: –Chequé á, angarami yu á. Uje e bejnaréngone cha ua.–

Lúcas 5:22

Mu Jesús chiraja udore ore áyipiedie quigode. Jecute chojningame ore: –Chamáña uacáyipiedie quigode ome yu.–

Lúcas 6:9

Mu cáma Jesús jnátu ayoré jmana cacoi gotique ujetiga chiqueta jmanai. Uje qué catecã́ri ayoréode udore bajaque. Enga chojningame ore: –¿Jé déji rique Moisés casica áyipiedie quitígo a? ¿Ujetiga piquetaque ayorérique iji dire puyátique jeoga pijnari jetiga toi? Mu a yo yiba ujetiga ca yipésu cucha arétiguiji dire puyátique. Mu cucha arei tu ujetiga yiqueta ayorérique uñénguiji.–

Juan 2:25

Uje Jesús e iraja aro ore áyipiedie uje cáma ore chingome, uje chiraja cuchade iji ayoré chojmarai áyipie.

Juan 21:17

E gadioc uje Jesús chingo Pédro ujetiga jec ũré ome ijnoraquei enga chojninga: –Simón á, Jonás abi á, ¿jé ũrepise ua ome barasitigade ome yu a?– Mu jnusiétaque Pédro uje Jesús catecã́ri ga gadioque eti jé ũrepise ome irasitigade. Enga jé u uje Pédro chojninga: –Yangaráni á, baraja cuchade jnese. A baraja to uje jec ũré yu uje yirasique ua.– Jesús chojningame: –Be enga ajusípise yanguresórone ore guio uje ore gajnunie u áyasadie.–

Juan 9:4

Uje qué dire enga yajéode u ujetiga yejnape yiguesi jne ome yirósõri iroquéode. Chamáñaje qué dire gu. Mu uje e dejaque enga que togome ayorérique ujetiga chisa dejode iji dejai.

Héchos 20:24

Mu que yo yáyugu yu ome yajnéone cucha dacate gajnarécho udore gotique. Ujetiga ore chujé yu mu que cucha to ome yu. Uje yigaidi u gu ujetiga yejna yu aja Yangarádejnai Jesús iroquéode enga yimate udore aja guesi jnese. Uje chiroque yu aja erámi nanique gu ujetiga yatatame ore jnese pujnomé ueradi uté uje Dupade chijnorapise ore enga pota chiqueta ore to.

Héchos 26:26

Eduguéjnai Agrípa uté u uje chirajapise cuchade udojo quigode. Jecute que yagutu yu ome yojñane iji gari. Ise ga jec ũré yu uje eduguéjnai Agrípa chiraja udore uje que pipoguiécho Jesús adode gotique nanique.

Filipénses 1:28

Enga ca amóño pisadodéringárique ome uacamajosórone ore. Chamáñaje ujetiga ore chimo uacacasitigai enga a jĩraque ore chiraja jne uje Dupade iquetade a u uaque jne, jé basa ore quique obiréjnai a u Dupade ujuyaquei jne.

Hebréos 4:13

Que togome yoque ujetiga yipójo cuchárique ome Dupade. Chamáñaje Dupade ipesute cuchade gu, enga chimo cuchade udore jnese iji ore jogadode. Enga chirajápo cucha dacadode quigode jnese rĩ. Enga Dupade uté u jne ujetiga yingongo yoquipesudode cucha aja jnese.

1 Pédro 4:1

Uacarajáyo uje Crísto chejnáreque re nanique ome uaque. Enga e uacajnei tu ujetiga dimane uaque to ujetiga ejnárecho uaque to ome uté adode. Uté gosi uje chejnáreque re ome Crísto adode pijoque uje e cha date bajaque gajnaréngone.

Apocalípsis 2:23

Enga a yujé uaté abode to jne rĩ. Enga yanguresórone ore chiraja jnese jne uje que yeruojmárique cucha cuse ujetiga ca yiraja. Yirajápo ore áyipie pipoguiédedie jnese to rĩ. Enga a chise deréjnai jne ujetiga yajiripise ayoréode ore adode aja quigode jnese. Enga jé u jne ujetiga ore gajneque dapesudode cucha oréraque.