Lúcas 6:2 - Dupade Uruode

² Mu fariséode uñéngo ore chimo Jesús acadigode ore uje ore chise ore acade adie udire ga ore chojningame ore: –¿Ga ca arajáyo to a uje dire puyaque udé deréjnai ome cucha pisagode udore?–

Lúcas 6:2 Iomraidhean Croise

Éxodo 22:10

Ujetiga bojórique ayoré noñome dachitique cuchiso iji bari ga gachidi uté toi iji quigade, jeoga ore toria, jeoga cucha ajnangoque, mu a ca o oré jne. Chamáñaje que bamo gu uje cucha dacadode udore tocade ome uté gachidi, enga que bojórique ayoré uñeque chimópo rĩ ujetiga chatata cuchade udore quitígo. Ujetiga burica quedéjna uté gachidi, jeoga aquirájna, jeoga áyasa, jeoga cuchiso uñeque, mu jé ate, a ca o baba gotique.

Éxodo 31:15

Asayo cucha pisagode jnese aja dire chojmaráitía, mu iji dire garitia ga oyo uacajñare iji diri uté gatuaque jne iji semánanie jnese. Enga angaráño dire garitia ome yu ujetiga uacáyipiedie jecucha chejna raja Uacangarádejnai Dupa Eyúgojma uyu iji uté. Qué yogotápo rĩ: jeta gosi chisa dejode iji yojningai dire puyaque udé jne ga gosi cachodi a jé u jne jeta pimanique gosi aja pitoringai.'

Éxodo 35:2

A jé asayo uaquejode aja dire chojmarai iji tia jne mu iji dire garitia ga a ayáyo cucha pisagode iji jne ga a oyo dire puyáguiji uté jne ome yu. Enga iji dire puyai uté ga oyo yajnenguíji uté jne jeta ajnusináño yu iji uté uje uacoyo cucha pisagode uja iji diri uté. Ujeta gosi chisa cucha pisatíguiji uté jne ga ajéyopise gosi jne ga a amácho gosi aja jnumi jne.

Matéo 12:2

Mu fariséode uñéngo chimo Jesús acadigode uje ore chisa ore acade ade enga jé u uje ore chojningame Jesús: –¿Ga ca araja to a uje dire puyaque uné? Mu bacadigode jé ore chisa cuchade iji.–

Matéo 15:2

–¿Gotique gu a uje bacadigode que ore doi yocayode jnani bajácho ore jmapiedie to? Uje yimóngo bacadigode gu uje que ore churu dajmainie gatuaque go ome dabosode.–

Márcos 2:24

Mu fariséode uñéngo ore chimo Jesús acadigode uje ore chimochẽre ore acadie adie. Jecute ore chojningame Jesús: –¿Ga jé ca amo bacadigode ore uje ore chimochẽre cucha pacade adie udire iji dire puyai udé a?–

Lúcas 5:33

Moisés urusarane atatasórone, fariséode ore qué ore dojnóngapója Jesús rĩ. Ga ore chojninga: –¿Gotique gu a uje Juan acadigode cho dayágome raque ujetiga ore catecã́ri Dupade? Jé chopome fariséode ore uyoque rĩ. Mu bacadigode que isoca to go ujetiga ore cho dayágome raque.–

Juan 5:16

Jecute judíode ore jmongarája Jesús enga ore pota chutígome. Chamáña gu uje chiqueta ayoré ejnaretade iji dire puyade gu.