Lúcas 5:2 - Dupade Uruode

² Mu Jesús chimo cuco gárerigo uje déji yote quedéjnai iberoi. Mu cucode gachisórone que ore déji ajei gotique uje oyite gaisórone ore, enga qué ore churu oyídode gajnenie dorárigui dachímeno.

Lúcas 5:2 Iomraidhean Croise

Matéo 4:18

Jesús diguiji gajño Galiléa pijnanai enga chimo jnacare gáreode uje ore jõra ñane. Chojmarai i tu Simón uje i uñai tupo Pédro rĩ. Jõrai i tu Andrés. Oyite gaisõre ore enga qué ore tṍra doradie chímeno aja gajño uje Jesús chise ore.

Matéo 4:21

Jesús jnoja daquei, mu chimópo jnacare gáreode uñane rĩ. Enga jé ore jõrapo ñane rĩ. Jacóbo, Juan ore u. Enga ore déji dai Zebedéo gari iji uraque dachidi cuco ajei. Uje qué ore chuga uraque dachímeno daquesupídode. Jé u uje Jesús catecã́ri ore ujetiga ore nóna to.

Márcos 1:16

Enga chise dire uñeque uje Jesús chajna yote quedéjnai Galiléa edúdi. Enga chimo jnani iji te uje i tu Simón. Enga uté desai déji gari to uje i tu Andrés. Enga jochagaisṍreméque jnanione udore. Mu uje Jesús chise udore ore ga qué ore tṍra dora dachímeno aja yodi.

Márcos 1:19

Mu Jesús e jnome daquei mu jé isocai tu ome jnacarode uñéngo uje chise ore iji ore gachitique cuco ajei. Uje qué ore chuga dachímeno. Ga uñai i tu Jacóbo. Jé basa uñai i tu Juan. Enga Zebedéo ujnacarode u udore.

Lúcas 5:1

Mu chise deréjnai uje Jesús déji yote quedéjnai pijnanai uje yote quedéjnai tuté i tu Genesaret. Enga ayoréburique ore chise Jesús iji to. Ga chacate ore iji mu ore chapédugu yote quedéjnai pijnanai. Mu ore ajegaidi tu ujetiga ore chudute Dupade ujnomei to.

Lúcas 5:3

Mu diga Jesús chacája cucode udore uñeque uje cucoi gachisṍri i tu Simón. Ga chojningame Simón: –Bope yocúdi aja yoquiquei. Uje ayoréode ore chapédugu erámi gu.– Ga jé u uje Jesús chácare iji cucoi ajei enga chacate ayoréode iji yote quedéjnai edúdi.

Juan 1:40

Andrés u jnanione udore uñai uje ore chajna Jesús gu Juan ojñane. Enga Andrés uté u Simón Pédro jõrai.