Lúcas 5:12 - Dupade Uruode

¹² Uje Jesús chise ore idáyode uñeque enga jnani ejnarétatique tibágui Jesús uje ejnarei i tu lépra. Uje chimo Jesús ga chichaga dagataidie aja jnumi iji iquei, mu chajire jnumi. Chijócha ajei údi enga chojninga: –Pangarádejná, ujetiga bajéo enga aqueta yu. Uje bajopié déji ome cuchade udore gu.–

Lúcas 5:12 Iomraidhean Croise

Génesis 18:14

¿Ama cucha ibiratique déji ome Dupade ujetiga ca pésu a? Enga a yĩriápo iji uaque jne rĩ iji sequeré ejo enga a amóño jne ujetiga bacoté Sára atique cus.–

1 Reyes 18:39

Ga ayorébui ore chichaga dacurutedie aja jnumone jnese uje ore pañaji cucha dacadode udore enga ore pijnacaraichi iji ejode. Ga ore chojninga: –¡Pangarádejnai jé u Dupapı́si uté! ¡Pangarádejnai jé u Dupapı́si uté!–

2 Reyes 5:1

Sı́riagosode ore eduguéjna cuchábi ichajapite darógode uñeque aja dasoldádode ore iquei jnese nanique ome dáringa asuté, enga jnani uté i tu Naamán. Ga eduguéjna cuchábi irasiguipise Naamán isocai ga chosi iji gaté gu uje Pangarádejnai átapi uté gatuaque aja ore jocaningane ome ore umajosórone ore úringane pejnacho. Uje dicasepise Naamán uté ome dáringai jõcarataque, mu jé chejnáreque dequejnarei uté lépra isagode ome re.

2 Reyes 5:27

Ga Eliséo qué jnopo daruode údi gaté rı̃ ome daroi uté ga chojningame: –Giézi á, jı̃raque Naamán uté ejnarei uté lépra a catája ua jne. Mu que gusu ua, mu a jé ca chimoque bape disi ejórigo uñeque to jne iji deréjna pitade jnese. Enga gose basocade udore.– Ga jé u uje Giézi jnoji Eliséo uté gari, mu e lépra isaque uté, ga cho chiẽc, chiẽque aoi iji gai ga cómejna isapı́dode údi.

2 Reyes 7:3

Iji deréjnane udore nanique ga lépra isagode jnanı́o chácariji ore idai Samária ujuyaquéode joride ejode iji guesi, enga gagájni ore nanique. Enga ore catecã́ri ñane nanique ome dayaguhéode quigode. Ga ore chojningame ñane: –¿Chimo jóroque re yoquiroditique cucha iji de? Uje gusu yiroco pitoringai yui.

Sálmos 50:15

Enga abichoi yu iji uacajnenie pujurei dire, ga a yijnime uáguiji udire jmainie jne, enga a jé u ujetiga asíyo yibai jne.–

Sálmos 91:15

A uté tibidi yu, ga a yichajnai uté jne; yugúsi uté gari iji gajnenie pujurei jmainie. A yijnime uté iji udore, ga a yijosi uté iji gaté jne.

Éxodo 4:6

Ga Dupade chojningápome Moisés rĩ: –Jé cajmare bajmanai aja baguidedie údi iji barobé.– Ga Moisés chijmare dajmanai aja daguidedie údi ga chijnimápo dajmanai tuqué rĩ mu chajire dajmanai tuqué ga jmanai cope, ga jé chopise dequejnarei isagode uje ore chojningame lépra.

Matéo 26:6

Quigade enga Jesús déji Betánia. Enga cháji Simón iguíjnai uje lépra isaque ica.

Matéo 9:28

Jé u uje Jesús chacája guiguíjnai enga edoparigode udore ore nóna aja ajei. Enga Jesús chojningame ore: –¿Ja jé anguretáyo yu a ome uacáringai piquetacho?– Enga ore chajnai Jesús enga ore chojninga: –Yocangaráni á, cachi yanguretágo ua.–

Márcos 5:23

Enga jnani tuté chijócha Jesús ajei údi ga chósi tome: –Jesús á, ajinama yu aja yiguíjnai jne. Uje qué yutṍri ua ujetiga aquetásiape yababía suaqué gajneri. Ujetiga achaba bajmainie aja suaté gai ga ejnarei a jnoji gajneri.–

Lúcas 17:16

Enga chisápo Jesús rĩ. Ga chichaga dagataidie iji Jesús iquei enga chacãripise gai uje chiqueta que. Mu jnani tuté que judíode jõra to go mu samáriagosode jõra.

Lúcas 5:13

Enga Jesús chisa jnani jmanai enga chojningame: –Yipota arĩ́e ujeta yiqueta ua.– Uje urúo udojo ga jé u uje jnani uté ejnarei chijnime re iji.

Hebréos 7:25

Ujetiga ayorérique pota tibágui Dupade enga doi enga changureta Jesús ome Dupade yui, enga Jesús ujopié cuse ome udore ore jnese ujetiga chiqueta ore. Chamáñaje eca Jesús iji deréjnane jnese gu enga jecucha ga chijócha Dupade ajei údi ome yoque.

Josué 5:14

Enga jnani tuté chajnai Josué tuté pijnane enga chojninga: –Que barása yu gotique to. Enga que betésõrapo yu rĩ. Mu yachaite ua iji dore ujetiga yicatecã́ri ua. Ga yarani u Dupade idai, ga uté irógode gaté unirísõre jõcaratáguebéode iji gaté uje ore doi Pangarádejnai Dupade iroquéode ore Eduguéjnai tu yu.– Enga jé u uje Josué chichaga dagataidie aja jnumi ga chichagápo dacuruté taja jnumi rĩ iji iquei. Enga catecã́ri, enga Josué chojningame uté: –Be ga angome yu baru quitígo, Yangarádejná, jeta yiraja báyipierigui quitígo aja yu uje bachai yu iji de, ga yiji bojningáringo cucha jnese.–