Lúcas 5:1 - Dupade Uruode

¹ Mu chise deréjnai uje Jesús déji yote quedéjnai pijnanai uje yote quedéjnai tuté i tu Genesaret. Enga ayoréburique ore chise Jesús iji to. Ga chacate ore iji mu ore chapédugu yote quedéjnai pijnanai. Mu ore ajegaidi tu ujetiga ore chudute Dupade ujnomei to.

Lúcas 5:1 Iomraidhean Croise

Matéo 11:12

Ayorébuode ore jnusi rágome ñane nanique uje Juan chacate ore iji taningai ujetiga ore chacája Dupade gari ujeta cho darása iji ore to. Enga jé ate jec aja deréjnane unojo uje jnani dicaséode ore chejna rángaja ujeta ore chise dáringáringo Dupade urása.

Matéo 14:34

Uje ore chiramísara yote quedéjnai uéchamitó enga jĩraque ore chise ducuniri iji uéchai uje i tu Genesaret.

Márcos 3:9

Uje Jesús chimo ayorébui uje ore bese ga todo ujetiga ore chajo aja. Jecute Jesús chiroque dacadigode aja cucórique ujetiga dimane ome ujetiga chacárasaja ome dacajnaquéode.

Márcos 4:1

Chise dire uñeque enga Jesús qué chacadápo ayorébui ore gaté rĩ iji yote quedéjnai edúdi. Uje uásejnapise ore uje ore chamáta ñane aja yote quedéjnai edúdi. Jecute Jesús chacája cucoi enga chácariji dayaridi uté ome dacajnaquéode ome ayorébui iji yote quedéjnai edúdi.

Márcos 5:24

Enga Jesús jĩrique nóna jnani uté to. Mu jé chopo ayoréburique rĩ, uje ore nóna ore to. Jecute ore chapédugu Jesús dosadode iji dajei.

Márcos 6:53

Uje ore chijocásapo dabi cuco rĩ ga ore chaquesu yote quedéjnai enga ore chise ore uniri uje i tu Genesaret. Ga ore chigaru dabi cuco iji yote quedéjnai edo gai iji te.

Lúcas 12:1

Mu udojo quigade ga ayoré dipeséode ore yore aja Jesús ejode ujetiga ore tangári acajnaquéode to. Ga ayorébui udore que ore edóraque cuse. Jecute ore chinguíra raja ñane iji daquigode. Uje cáma ayorébui ore déji jnese, mu Jesús catecã́ri dacadigode ore bajaque ga chósi tome ore: –Ajusópise uaqueo ome uacasocade ga ca beyoi fariséode ore jmapiedie to jne. Chamáñaje táquechoquí ore ome dáringane Dupade irócho gu.

Lúcas 5:2

Mu Jesús chimo cuco gárerigo uje déji yote quedéjnai iberoi. Mu cucode gachisórone que ore déji ajei gotique uje oyite gaisórone ore, enga qué ore churu oyídode gajnenie dorárigui dachímeno.

Lúcas 8:22

Mu chise dínique uje Jesús acadigode ore chacája cucórique ga Jesús chojningame ore: –Boyo, yico ga yicagobíji yote quedéjnai uéchamitó.– Ga jĩrique ore chicáji uéchamitó.

Lúcas 8:23

Mu qué ore déji yote quedéjnai ajei uje qué ore chaquesu mu qué Jesús mo. Mu úyujna cucháberaque choji ore iji yote quedéjnai ajei. Ga yodi chĩreta cucoi uté ajei ga cási jno cucoi údi aja yote quedéjnai údi.

Lúcas 8:33

Jecute Jesús jocarane udore doi guesi iji jnani ga ore chacája yãcoré quedéjnanie ajéode. Ga Satanás utocaidode udore pésu ũrusodie iji yãcoré quedéjnanie ga yãcoré quedéjnanie idája ore iji jnumi mu jé ore basíji cucarani gaté ga ore tṍra raja yote quedéjnarique uje a ca toc ujeta piqueta uñáraque.

Lúcas 8:45

Enga jé u uje Jesús catecã́ri ayorébui ore. Ga chojninga: –¿Goto a iji uaque ujetiga goto chijocase yu que a?– Jecute ayorébui ore chósi tome: –Yocacadisṍri á, que pijocayaque ua arĩ́e.– Mu Pédro jorane ore chojningame Jesús: –Bamo ayorébui uje ore chinguíra ua aja ñane ga ore chijocase ua aja tijode. ¿Gotique gu a uje bacué bajocayasónique a?–

Juan 1:40

Andrés u jnanione udore uñai uje ore chajna Jesús gu Juan ojñane. Enga Andrés uté u Simón Pédro jõrai.

Juan 6:1

Udojo quigade enga Jesús jno enga chicáji yote quedéjnai uéchai uje íode gare: Galiléa u i uñai, jé basa ga Tibérias u i uñai.

Hebréos 13:7

Ajnusináño uacangaránone ore adode ome uaque. Uje udore ore u uje ore chatata Dupade uruode quigode ome uaque nanique. Ajnusináño ore adode, ore anguretigade to, enga acãcho uágaja uacangaránone udore to.

Josué 12:3

Ga uté gajnepídi erãpe chise atétadie jnese iji tiédaté Jordán ejode uje atétadie udire chise tié ajécatadé to nanique uje i tu Cineret iji casaque garani yui jé aja ajécatadé uña to rĩ uje uaté i tu Pitoringai Gajneto, jé aja ore idai Bet-jesimot, jé aja cucarani Písga údipísi to iji umusoi garani yui.

Josué 13:27

Ore gajnéone upo hesbóngosode eduguéjnai Sehón idáyode amirone to rĩ uje udore déji atétadie ajei to uje ore íode u udojo nanique: Bet-aram, Bet-nímra, Sucot, Zafón ore. Ga jé u nanique uje gádgosode ore gajnepídode jnupe erué uñai chujé raja yote quedéjnai Jordán edógai iji guedé garani yui. Jé basa ga erué uñai chise gajño Cineret uécha uñai iji umusoi garani yui to.