Lúcas 4:41 - Dupade Uruode

⁴¹ Enga chijócãre Satanás utocaidode iji ejnaretade uñéngo to. Ga Satanás utocaidode ore tibidája daquigode ga ore chósi te: –Cachi Dupade abipísi u ua arĩ́e.– Mu Jesús pojna ore enga chaquĩ́ra ore ome ore pijnane. Uje Jesús qué ipoguiete re iji darasade ujade. Chamáñaje Satanás utocaidode chiraja uje judíode ore ijnati Crísto u.

Lúcas 4:41 Iomraidhean Croise

Matéo 26:63

Mu Jesús jé que cho chimíñimi go. Jé u uje judíode eduguéjna cuchábi chojningame: –Ujetiga ũré ua enga bangureni jé u Dupa uecai, enga baru ũréningo pijoque. Ãrarare. ¿Dupade utocaidi Crísto jé u ua ya?–

Matéo 4:3

Jecute Satanás sose Jesús yui ujetiga chequetingare uté enga chojningame: –Ujetiga jé ũré enga Dupade abipise ua enga apésu cucaranenie udire enga nóña jne enga arurécho jne.–

Matéo 8:16

Enga uje e dejaque enga ore chijna darása ejnaretade, jé aja Satanás utocaidode píode ayoréo aja Jesús ujetiga chiqueta ore. Enga uásejna ore. Gusu Jesús arecujátaque chojmára ome Satanás iroque sijnángone, mu jé chijócãre ore. Enga chiquetápo dequejnareque uñane isagode ore jnese to rĩ.

Matéo 8:29

Jé u uje ore chinguíra dabijnanone aja Jesús enga ore chojningame: –Jesús á, Dupade ujnacari ua ya, ¿gotique gu a uje bapota jeta ajocase yoque? Mu cáma deréjnai u go ujetiga ajṍcarome yoque.–

Matéo 8:4

Enga jé u uje Jesús chojningame jnani: –Ca angoma báringai piquetágaja erámi jne. Mu bope bádi aja judíode yocangaránone sacerdote uñénguiji Dupade iguíjna cuchábi ajei. Enga bebi Moisés áyipie quigode ome báringai piquetaque enga ẽramája Dupade jne ome cuchisórique. Enga a imoi tu jne ujetiga ore cho ayoré ijõre iji ua.–

Márcos 1:25

Mu Jesús jĩrique tagu dejode ome Satanás utocaidi iji jnani tuté. Ga chojningame: –O paraque. Be ga ajnime ua iji jnani tuté.–

Márcos 1:32

Uje e chise dejai rĩ, mu ayoré dipeséode qué ore di darása ejnaretade údi aja Jesús ujetiga chiquetape ore to. Jé aja Satanás utocaidode ore isagode ore to rĩ.

Márcos 1:34

Enga Jesús chiqueta ejnaretade ore jnese iji uague uaté ujade. Uje ore ejnaréngone cha ñane yúode. Ga uté chatapója Satanás utocaidode isagode rĩ uje chiqueta ore. Mu chaquĩ́ra darade ome Satanás utocaidode uje chiroque ore aja guesi iji ore isagode ayoré. Chamáñaje ore chiraja úringai Dupade ujnacare gu.

Márcos 3:11

Mu Satanás utocaitígo pírigo uñéngo déji ore gari to. Uje ore isocai tu uje ore tibágui Jesús ga ore chichaga dagataidie iji Jesús iquei. Ga jé u uje ore tibidi dejode ga ore pijnacaraichi uje ore chojninga: –¡Yirajágo báringai Dupade ujnacaripise!–

Lúcas 4:39

Enga e Jesús tajia yui enga jé u uje chijócãre uaté ejnarei. Ga jĩrique uaté údode cho jnánguiji. Enga jé úringa ueca jogadi tu. Enga jé u uje niji iji damochápi ga pésu ore posode.

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Santiágo 2:19

Banguretigai déji ujetiga angureta uje Dupápisi déji, enga que dupa uñeque déji siñeque. Mu que cuchadatépise udore go. Chamáñaje Satanás irógode changureta udore to, enga pisadodéringai déji ore to ome Dupade yui.