Lúcas 4:4 - Dupade Uruode

⁴ Mu jé u uje Jesús chajnai Satanás uruode ga chojninga: –Dupade urusarane déji ga quigode chósi te: "Que gusu cucha pibotique go jeta ayorérique eca ome. Mu yiquecágo gu Dupade uruode uje yoco cucha pibotíji."–

Lúcas 4:4 Iomraidhean Croise

Éxodo 23:25

Eduyo uacangureni Dupapísi uyu yúringai picatecãraite enga a yatapísaja uaque jne ga a yisi ome yodi ome uaque jne jeta ójiyo, jé aja cucha pibotígo to jeta acho. Ga a yipésu uaque jne enga jé ca ejnarétacapo uaque to jne rĩ.

Matéo 4:4

Mu Jesús que doi Satanás áyipiedie mu chajnai uruode enga chojningame: –Dupade uruode déji enga chojninga: "Que gusu cucha pibotique jeta ayorérique ecame. Mu yiquecágo to gu Dupade uruode uje yoco cucha pibotíji."–

Matéo 6:31

Yuruode qui tu ujetiga ayáyo uaquedójnaringuéone ome uacacuegode cucha piboso, uacajótigo cucha ore. Jé chopome uacaguidedie rĩ.

Lúcas 22:35

Jesús cho quique darógode ga chósi tome ore: –¿Ga ajnusináño to a uje yiroque uágaja erámi nanique? Ga yojningame uaque nanique: "Ca ajnócho uaquepétique, ga jé aja uacaplátaraque. Jé aja uacachiétigo uñane ujetiga boyo yujnomei údi." Uje uacaboyo nanique iji uacajesui tuté erãpe ¿ga cuchárique chona uaque a?– Mu ore chojningame: –Úngare, que cuchárique chona yoque gotique.–

Lúcas 4:10

Enga chijna jóroga Dupade uruode ome enga chósi tome: –Dupade urusarane déji to arĩ́e uje chojninga: Dupade a chisi ome dajopié ome darótique jne ujetiga chirote ua.

Lúcas 4:3

Enga jé u uje Satanás chojningame: –Ujetiga jé ũré ua ujetiga Dupade abipise ua enga aroque cucaranenie udire aja, ga nóña ga arurécho.–

Lúcas 4:8

Mu Jesús chajnai uruode enga chojningame: –Satanás, acai sañeque iji yejode. Uje Dupade urusarane déji ga chósi te to: "Gusu Dupade ujetiga angári. Ga gusu uté ujetiga be iroquéode rĩ."–

Efésios 6:17

Enga Dupade gueranone cõráchaque uñai qué déji to ujetiga asayópo to rĩ, enga uacatarode gãrésõri u. Enga uacáringane piquetacho jé upúsu uacatarode gãrésõri uté. Jecute ome uacasocai uté uje e uacadotáyo uáguiji uacáringane piquetacho ome Dupade, enga yacãra uágaja soldátique uje chimate daquetangóri guebégaja datoi, uje chãraque dataroi gu; enga que todópo dejórique rĩ iji dagaidi pocaninga uté jmainie. Ga cuchadatei tu uacõráchaque uñai to, ujetiga ajnáño to. Enga Dupade Ujopié Espíritu Sánto gueranone Dupade urúo u. A jecucha dimánerase uaque gatuaque ujetiga achome Dupade Uruode udore iji uacajnéone pocaninga ome Satanás. Chamáñaje Dupade Uruode udore gajnui tu quesérique iji uacajmainie ujetiga acásoi uté.