Lúcas 4:25 - Dupade Uruode

²⁵ Jé ũrepise yu uje chequé ecadie uásejna nanique iji ore uniri Israel. Enga Dupade angúromei proféta Elías déji ore uniri uté to nanique uje que begapo rĩ iji sequeré gadióguedie, mu nóna peque uñai. Jecute chaguhéode socárome ore iji ore uniri uté údode jnese.

Lúcas 4:25 Iomraidhean Croise

1 Reyes 17:1

Chise diri nanique uje proféta uñai uje i tu Elı́as tibágui israélgosode ore eduguéjnai Acab uté jeta chatatame uté uje a ca begapo jne rı̃ iji ore uniri uté. Enga Elı́as uté idai upúsu ore idai Tisbe nanique, uje déji ore uniri Galaad uté. Enga Elı́as cho dáñiejname Acab uté yui, uje chósi te: –Pangarádejna Uecai uté irógode uñai uyu, uje israélgosode Yocudupade jé upúsu uté. Enga yingome ua uje a jé ca begapo jne rı̃ iji puniri udé, enga que gusu ujetiga guéode ca chisápo erámi rı̃, mu pocadi a jé ca chisápo jnacarade to rı̃. Enga Pangarádejnai ujuyaquéode udojo a jé chuságaja siqueré uñanie iji yoquiquéode jne. Mu a quene guéode chisápo erámi rı̃ ome yuruode, ujetiga yutṍrapoi Pangarádejnai ome rı̃.–

Matéo 20:15

¿Ma ca araja to a uje yiplátai enga jé tiógara uje yiji yajéode ome? ¿Jeoga aratáyime yúringai caniraque ome yu?"–

Lúcas 10:21

Jecute Dupade Ujopié Espíritu Sánto irágupúsu Jesús ajei enga irasiguipise re. Chicotapise dayé Dupade ga chojninga: –Yacaranguipísome ua, Yapá, uje bajnué gateminórone ore gai jnese, jé aja jnutiminórone ore to. Yacaranguipísome ua to uje bapógu badode udore ome ayoré dicotárechoquíode, ayoré irajatade ore rĩ. Mu que apógu ome udore ore gotique uje qué garósi ore irajatigade. Jec arec uje báyipie ueradedie udire e tocade ome ore.–

Romános 9:15

Uje Dupade uruode chósi tome Moisés casicaite uté nanique: "Uyu u uje a yi yáyipiedie ome gosi jeta cho dajnéngu yosongaquéode jne, enga a yosõre gosi jne jeta yajéo."

Romános 9:20

Mu ujetiga baruode urásu udore ome yu ga, a yichajnárasi baruode ga yojningárasa: "¿Jé ua gosi a, jnani chá, uje banguíra babijnani aja Dupade ome babotaquéode udore? ¡Que bajnei tu gotique jetiga abotare Bamanisṍri uté! Uje jé tiógara ujetiga doi dajéode ome dajegaitique cucha." Ga a jé adi tu co orangónique uje chirórase dacóbia, mu a ca toguírase jetiga uté orátaque dacope doi ga botárirase dorangóri uté, jeta chojninga: "¿Cuchárique u gu a uje bósi tome yu?"

Efésios 1:11

Uje Crísto jé yitojmárango ga qui jé u to uje Dupade cho dajnenguíji uyoque. Enga pésu dáyipie jetiga yoco yocajnéngu uté gajnéone cucha oreránguejna jne ome yocúringane uté abío. Chamáñaje Dupade jé ajegaite aro yoque gu iji erámi taningane iquéode. Enga uté isocai ome yoque jé chajna áyipie iyajmenie jnese iji jnumone, uje Dupade jecucha ga chimate dajegaidode cucha jnese aja guesi gu.

Efésios 1:9

Ga udore ore jnese chajnapise uté áyipie iyajmenie iji jnumone. U gu uje Dupade érãtique chirajaque dasocárique ome dajequigode cucha uñeque. Jecute ueracho udore quigode jnese ome uté. Jé ũré uje Dupade áyipiedie uñanie pipoguiédei nanique, uje cáma Dupade uté pota ujetiga chuchẽri iji guesode nanique gu. Mu iji deréjnane udojo ga Dupade e chijnime dáyipiedie udire ome danguresórone uyoque. Enga e choqui guesi uje Crísto jé upúsu Dupade utocaidi uté ome ajequigode udore úringane pimanicho aja guesi jnese. Enga cucha dacadode udore jnese tocachúringai a jé upúsu jne ujetiga e chise Dupade ajegaitique dire uté. Enga a quene Dupade cháta damaningone cucha uásejna aja ñane, jé iji gaté, jnumi ore jnese jne. Gaidi tu gu ujetiga udore jnese ijocayasṍri chojmarápisiji jnumi, enga Crísto u jne.

Santiágo 5:17

Uacarajáyo jnani bajai Elías uje jé yocujo ayorépise nanique, mu catecã́ri Dupade ujetiga ca begapóji jnumi te rĩ. Enga Dupade chudute icatecãraitigade. Enga que begapo rĩ enga sequeredie gadioque mu guedosíode chojmára iji ti rĩ uje que begapo iji jnumi te rĩ.

Apocalípsis 11:6

Enga a pujopié déji Dupade ipijogúsorone udore ore jne ujetiga ore chaquĩ́ra guéode jé iji dirode udore uje qué ore doi Dupade iroquéode iji jnumi. Enga a udore ore ujopié etotiguei cuse to ome yodi ujetiga ore chinoningase enga nóña enga diquiyojna. Enga a udore ore ujopié etotiguei cusapo jne rĩ ome erámi ujetiga ore cho daru noñángone ome jnumi. Enga a jé ore doi dajéningome dajopié cuchabé uaté jne ujetiga tocade ome ore gatuaque.