Lúcas 4:23 - Dupade Uruode

²³ Enga Jesús chojningame ore: –Ísega abóyoja yu jõ. Ga a ojnichome yu jne: "Daijná, be ga aqueta ua, jé aja barasade uyoque." Uje yuniri u udé ga a ojnichome yu to jne rĩ: "Yudúco uje baqueta ore iji ore idai Capernaúm diríca, jé go ca aqueta barasade ore iji banirípisi udé to."–

Lúcas 4:23 Iomraidhean Croise

Matéo 13:54

Enga chacate judíode ore iji te iji ore aquiningaméone. Enga Jesús irajatigade chajuque ayoréode agutedie uje chacate ore. Enga ore chojningame ñane: –¿Jé uté irajatígadatéi tṍra iji rique a? ¿Jé cho píringome ipesute cucha pitijádode udore rĩ a?

Matéo 4:13

Chajmita darasade ore iji Nazaret. Mu diga chácariji ore idai Capernaúm uje déji gajño Galiléa pijnanai. Capernaúm uté idógosiji pachaminone Zabulón, Neftalí ore to.

Matéo 4:23

Enga Jesús diguiji Galiléa údode. Enga chacate judíode ore iji ore aquiningaméone udore, udore, udore. Enga omío atatagode ome ore. Uje chingo ore uje idógosi ujetiga Dupade cho darásaji danguresórone ore to. Chiquetápo ore ejnareque ponáyone jnese to rĩ.

Márcos 6:1

Uje Jesús chejna dapesudode udojo guesi ga chajníja daniri. Enga acadigode ore nóna to.

Lúcas 2:39

Uje José, María ore chejna Dupade áyipiedie quigode guesi, enga jé u uje ore chajni aja dedáipisi uje i tu Nazaret uje déji puniri Galiléa.

Lúcas 2:51

Mu udojo quigade ga nóna ore aja dajei uje ore chajni aja Nazaret. Enga jecucha ga tangaripísi ore. Mu daté que chicadígui cuchade udore iji dáyipie.

Lúcas 4:16

Diga Jesús chajnésara dedáipisi uje i tu Nazaret uje dayode ore chimánaja gaté iji guidai uté. Enga Jesús chacate ore iji ore aquiningamei iji dire puyátique, uje adébeque gu uje chicáji ore aquiningaméone iji dire puyade. Mu jĩrique Jesús chague iji ore ajei uje imoi tu gu ujetiga naráraja Dupade urusarane.

Lúcas 4:31

Jecute Jesús jnopo rĩ ga chicai ore idai uje i u Capernaúm uje déji ore uniri Galiléa. Mu jé adi tu dadi uje chacate ayoréode ore iji ore idai uté iji dire puyai.

Lúcas 4:35

Mu Jesús pojna Satanás utocaidi iji jnani uté ajei ga chojninga: –O paraque. Be guesi iji jnani uté ajei.– Mu Satanás utocaidi chinguíra jnani aja jnumi. Enga ayoréode ore pañaji jnese. Mu doi guesi iji jnani ga que pésu cucháringome gotique.

Lúcas 6:42

¿Gotique gu a? uje ojningame bajõrai: "Be ga yijnime bedo jogonórami pasique." Mu que ajire bedo jogonóri uje suépise uté edo jogonóri gai. Táquechoquí ua uje chiese areguipise ua ome bajorane. Cucha arei u ujetiga ajnime pocoro querua iji bedo bajaque. Enga quene jogadi u ujetiga ajnimape bajõrai edo jogonórami.–

Juan 4:28

Uje Jesús acadigode ore chise enga chequé noñome darané enga chicapoi ore idai rĩ ujetiga tibidi darasade.

2 Coríntios 5:16

Jecute que yimíningacópo ayorérique rĩ ujetiga cuchadaté, jeoga ayoré gajnareque iji erámi tudé. Mu iji taningai enga yedugo yocáyipie ayoredie ome Crísto to nanique, mu e yiyágo yocáyipie ayoredie udire ome.