Lúcas 4:2 - Dupade Uruode

² Enga déji erãpetarei tuté iji díningo uje guejnáringui ayoré gare. Mu Satanás chetingare Jesús iji charidi uté. Enga Jesús cho dayágome re ome dejnane udore dire. Mu dirode udojo quigade ga quene chejnáreque dayaguhei.

Lúcas 4:2 Iomraidhean Croise

Génesis 3:15

A yipésu jne enga chequé, uhua uacamajo ñane. Jé cho uaté ape disi ejórique, bape disi ejórique, a ore cho damajo ome ñane to jne. A chise dínique to jne ujetiga uaté ape disi ejórique chĩro batoi ome dajadia te jne. Jé basa ga a agu uaté ape disi ejoi guídogoróraque to jne.–

1 Reyes 19:8

Ga jé u uje Elı́as nijiápo rı̃ enga e tagápo dabosode rı̃, ga chójiapo yodi te rı̃. Enga atigai uté chisı́ome uajatiguei ome Elı́as uté, enga jé u uje jnome cucarani yui uje i tu Horeb, uje i uñai cuse to uje i tu Dupade Gajnenguipı́si Cucarãte. Ga Elı́as guejnane dire chise 40 nanique iji daqui uté yui ome dariguı́tigai, mu que tagápo dabotique rı̃, uje que chaguhénique chejna Elı́as iji cucarani uté yui ga uajádaja dajesúode nanique.

Ester 4:16

Ga jé u uje chojningame daroi: "Bopo yuruode údi ome Mardoquéo rĩ ga ósi tome baruode jne: Mardoquéo á, a yiji baruode jne. Ga amáta yocujode judío ore aja ñane jnese iji yoquidai Súsa údode jnese. Enga yocurasade judío uaque acatecãchoi Dupade iji dejaque gadiógode, jé aja dire gadiógode rĩ, enga oyo uacayágome uaque. Ga uacagaidi tu jeta Dupade tangaripísi uaque. Enga a jé cho yiróguedie uyoque iji de. A yoco yocuyágome yoque to jne enga a jé yicatecãcoi Dupade jne ga jé yoquejnane dire jé u uaquejnane dire ome Dupade jeta yicatecãcoi to. Ga a yejnángo yoquicatecãraitigade aja guesi jne, ga jé u jne jeta yẽra yu ome yoqueduguéjnai Asuéro enominone jne, jé aja iquei ore. Enga chujé yu, ga jé chujé yu jne."

Éxodo 24:18

Moisés choru cucarani uté ga chacája gue abuja utatájna iji darasade israélgose ore edominone enga chácariji uté ga guejnane dire chejna ayoré gáredie, jé aja dejade uje chejna ayoré gáredie to.

Éxodo 34:28

Moisés chácariji Dupade gari iji cucarani ójo uje i tu Sinaí ga guejnane dire chejna ayoré gáredie, jé aja dejade uje guejnane ayoré garapo rĩ. Ga que tagu dabotique iji uté, ga que chójiapo yotíguiji uté rĩ. Ga Moisés churúsãre cucarãte uejájnane iji uté, ga urusarane u Dupade áyipie pirosobádejnanie iji udore uje chejna yijmanáyone Dupade áyipiedie udire quigode.

Jonás 3:7

Enga ore eduguéjnai tuté chiroque dojodie dacasuté cuchábedie aja guidáidaté údode jnese ujetiga ore chaquĩ́ra guidai idaisórone ore jnese. Ga ore jno nanique, ga ore chósi tome guidai idaisórone: "Ca achópo uacabotique to jne rĩ jé aja uacachidode cuchiso to jetiga ca aningachópo ore to jne rĩ.

Matéo 21:18

Iji dire uñai enga Jesús jnoji Betánia enga chicáji Jerusalén. Mu chaguhei chejna aja dajei.

Matéo 4:2

Mu Jesús cho dayágome re iji dirode, dejade ore jnese uje guejnanie ayoré gare. Iji unojo quigade enga quene chejnáreque dayaguhei.

Lúcas 4:3

Enga jé u uje Satanás chojningame: –Ujetiga jé ũré ua ujetiga Dupade abipise ua enga aroque cucaranenie udire aja, ga nóña ga arurécho.–

Juan 4:6

Ejopié déji uté uje Jacob u nanique uje chijócha. E idógosi guedé gatócoro uje Jesús chise ejopié uaté. Ga Jesús eyúguiji dajei nanique jecute chácariji ejopié uaté ejoi.

Hebréos 2:18

Enga uté jé u uje chejnáreque dáringai petingarãque to nanique, jecute chosõripise yoque to uje petingaquéode chise yoque. Enga chiraja to ujetiga chijnime yóguiji petingaquéode jmainie.

Hebréos 4:15

Enga Yocangarádejnai uté que dojnóngaja yoque uje que urénga yoquetotiguérique cuse iji yocujuredie jmainie. Chamáñaje ayoré uté to nanique gu uje déji erámone unojo nanique. Enga chiraja cuchade jnese uje chetingare ayoréode uyoque, mu que pésu pisijnaringuérique to go nanique.

1 Samuel 17:16

Jecucha Goliat uté tṍraji filistéogosode ore irengúi ga basája guesáringai ome israélgosode gatuaque iji durasedie, jé aja guedéjnoringáne ore gatuaque. Ga dirode e chejna ayoré gáredie uje Goliat basája guesáringai ome israélgosode ore mu que picasite ome ore gotique.