Lúcas 4:1 - Dupade Uruode

¹ Uje Jesús jnoji tié uje i tu Jordán, enga Dupade Ujopié Espíritu Sánto irágupúsu ajei. Ga Dupade Ujopié Espíritu Sánto choréji erãpetarei.

Lúcas 4:1 Iomraidhean Croise

1 Reyes 18:12

Enga Abdı́as chopósi tome Elı́as gaté rı̃: –Ujetiga yingongarárasa uája Acab uté, mu a yico jmı́ti, jmı́ti ome ñane iji de, mu que pimo jeta Pangarádejnai uté Ujopié chorei ua iji siñeque enga a ca piyagápo ua to rı̃ ome uñeque. Ga Acab uté ca chisı́rase ua, enga a jé yigachodi turásu ome uté jeta chujérase yu to. Mu a jé ca yitiógararasa yúringárique chuque arı̃a. Adójnanga uje baroi tuyu ga jecucha yajna Pangarádejnai uté quigade iji jnumone, jé iji yúringai disi.

1 Reyes 19:4

Jé basa ga Elı́as uté qué jnome daquei gaté ga chicáji erãpetarei uté ga chejna dire chojmarai ome dáringai urugu iji erãpetarei údode. Enga chisósi porataque nanique uje i tu retáma, ga chácariji porabia suaté uburúdabi. Ga Elı́as pota nanique jeta toi ¡paque! bisideque, uje cutame cucha dacadode gu. Ga ajei jochaquéode qui jé u ome Pangarádejnai, uje chojninga: –Pangarádejná, e gome yajnenie pujurei uje chise yu, ga be ga ajnime yucuecaringuei iji yu, ga yajna yáquiode ore to. Uje que yitiógara ujetiga yujnué ore gai ome yucuecaringuérique jeta umarejna iji erámi tudé.–

Matéo 3:16

Uje Jesús doi guesi tiji tié, enga gaté chuchẽre dabai. Enga uté chimo Dupade Ujopié Espíritu Sánto uje doi jnumi. Enga cho cucujnadatéode aja jnumi. Enga basája Jesús gai.

Lúcas 2:27

Mu e chise dínique uje Dupade Ujopié Espíritu Sánto catecã́ri Simeón ujetiga chicáji Dupade iguíjna cuchábi. Enga jĩrique Simeón jnome. Ga chicáji enga chise José, María ore iji uje qué ore doi Dupade áyipiedie ome raque.

Lúcas 3:3

Enga jé u uje Juan jno dacajnaquéode údi ome ayoréode idáyode uje déji tié Jordán edúdode. Enga acajnaquéode quigode u uje chojningame ore: "Ecãcho uacatígo enga ayáyo uacate bajade ga yṍra uágaja yodi jne. Enga jogadi u jne ujetiga Dupade chĩro uacasijnaringuéone."

Lúcas 3:38

Ga Cainán gatei dayé i tu Enós. Ga Enós dayé i tu Set. Ga Set dayé i tu Adán. Ga Adán gãrapi tu Dupade.

Lúcas 4:14

Jesús chajniápo aja daniri te rĩ uje i tu Galiléa. Ga Dupade Ujopié Espíritu Sánto irágu ajei. Ga ayoréode ore tujua uté iji punirone údode jnese.

Lúcas 4:18

Yocangarádejnai Dupade Ujopié déji yari. Uje imeserãque yu gu ujeta yiji uté ujnomei údi ome ayoré jmatágode, ayoré gajnaréngone ore to rĩ. Chiroque yu aja udé gu ujetiga yiqueta ayoré jnusietade, áyuguhebátade ore. Ujetiga yijnime udore ore iji ore isijnaringuéone ajei. Ujetiga yiqueta edoparigode ore enga ore chimópo cuchárigo rĩ. Jé upo ome ayoré pumajone rĩ ujetiga yijnime ore iji ore umajósoningo ore gari to.

Juan 1:32

Juan qué jno daruode údi enga chojninga: –Que yiraja uté to iji taningápisi. Mu yirósõri Dupade u uje chiroque yu aja ujetiga yaca ore edodie iji yodi enga chojningame yu: "Jogadi tu jne ujetiga araja yutocaidi gosi: ujetiga amo Yujopié Espíritu Sánto ujetiga doi jnumi iji gaté enga cháji jnacari uté ójo gai enga a araja jne uje yutocaidi jé u ujetiga chĩreta ore áyipiedie ome Yujopié Espíritu Sánto." Enga e yimo Espíritu Sánto uje doi jnumi iji gaté enga cho cucujnadatei enga basája jnacari uté ójo.

Juan 3:34

Jecute Dupade utocaidi uté chatata Dupade uruode. Enga Dupade chĩretapise uté áyipie ome dajopié Espíritu Sánto.

Héchos 1:2

Enga yingopo ipesute ejode jnese aja ua to rĩ uje pésu nanique uje cáma jnome gaté. Mu uje cáma jnome gaté nanique enga doi dajegaidode iji dacadigode ujade ujetiga chingo dáyipiedie aja ore enga ore doi iroquéode. Enga chĩ́care darógode 'apóstoles' aja ore. Enga Jesús garíjogoto u Dupade Ujopié Espíritu Sánto nanique uje pésu cuchade udore.

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.

Héchos 8:39

Uje ore doi guesi tiji yodi ga jĩrique Dupade Ujopié Espíritu Sánto jno Felipe údi. Enga eduguejẽ́ iróquegatéi que chimópo rĩ. Mu jno ga irasique re aja dajei.