Lúcas 3:3 - Dupade Uruode

³ Enga jé u uje Juan jno dacajnaquéode údi ome ayoréode idáyode uje déji tié Jordán edúdode. Enga acajnaquéode quigode u uje chojningame ore: "Ecãcho uacatígo enga ayáyo uacate bajade ga yṍra uágaja yodi jne. Enga jogadi u jne ujetiga Dupade chĩro uacasijnaringuéone."

Lúcas 3:3 Iomraidhean Croise

Matéo 3:11

Juan qué jno dacajnaquéode údi enga chojninga: –Yaca uaquedodie iji tié ome bautísmo uje imoi tu uje e uacayáyo uacate bajade. Mu Dupade utocaidi uñeque a chise uaque jne uje suépise yibai ome cutejma ujopié enga a chĩropise uacasijnaringuéone jne. Enga a chĩreta uacajéode ome Dajopié Espíritu Sánto ome bautísmo uñai jne.–

Lúcas 1:16

Enga a babi uté gajneque jne ujetiga chacate darasade ore ga a jiépisi israélgosode ore ujetiga ore chajni Dupade gai. Enga ore chopo dangaráni iji Dupade to jne rĩ ome uté acajnaquérigo.

Lúcas 1:77

Enga a angome yocurasade jne uje ore úringai piquetaque garani tu ujeta pĩroque ore isijnaringuéone jne.

Lúcas 4:1

Uje Jesús jnoji tié uje i tu Jordán, enga Dupade Ujopié Espíritu Sánto irágupúsu ajei. Ga Dupade Ujopié Espíritu Sánto choréji erãpetarei.

Juan 1:28

Jnanione udore catecã́ri Juan nanique iji ore idai uje i tu Betánia uje déji tié Jordán edógai iji guedé garani. Enga Juan qué chaca ayoréode edodie iji tié uaqué nanique uje ore chise.

Juan 3:26

Juan acadigode ore tibágui Juan enga ore chojninga: –Pacadisṍri á, jé ca adute to a uje jnacari uje chise ua iji tié Jordán uéchamitó e chaca ore edodie iji yodi to. Yocojningai u uté uje bacate yógome ica. Enga ore jnese e ore tangári uté.–

Héchos 13:24

Mu uje cáma Jesús di nanique enga Juan u uje chacate israélgosode. Enga acajnaquéode quigode u ujetiga ore chécãre dáyipie quigode ome Dupade ujetiga chaca ore edodie iji yodi.

Héchos 19:4

Jecute Páblo chojninga: –Juan tṍra ore aja yodi nanique uje ore chécãre dáyipie quigode, dadode ore ome Dupade. Mu chacadápo ore rĩ ome Dupade utocaidi uñeque uje a di jne iji Juan quigade ujetiga ore changureta uté jne. Enga ojningai u Jesús, judíode ore ijnati Crísto.–

Héchos 22:16

Jecute be enga ayague ga yico enga yṍra ua aja yodi jne ome bautísmo. Acha banguretigai aja yocangarádejnai Jesús to enga jogadi u jne ujetiga churu basijnaringuéone aja jnumi."