Lúcas 3:22 - Dupade Uruode

²² Enga jĩrique Dupade Ujopié Espíritu Sánto doi jnumi ga cho cucujnadatei aja jnumi. Enga basája Jesús gai. Enga jĩrique darade tṍraji gaté yui ome Jesús, uje chojninga: –Yape yedójnari tu ua uje yinína yu ome ua.–

Lúcas 3:22 Iomraidhean Croise

Sálmos 2:7

Yujúdi a u Pangarádejnai arecujaidie quigode jne. Uje Pangarádejnai uté chósi tome yu: –Yabi tu ua, ga bayé tu yu iji deréjnai tudé.

Matéo 12:18

Yajegaidi u yiroi uté. Yijnorai upo rĩ enga yirasique yu ome. A yijmare Yujopié Espíritu Sánto aja uté jne. Enga chacate erámone jogosórone ore ome yadode jne.

Matéo 17:5

Uje cáma Pédro chejna daruode unojo guesi mu gue abuja nanganatágueraque díji ore. Enga chaco udore ore gai. Enga ore déji gue abuja uaté ajei. Enga ore chudute darárigo iji gue abuja ajei uje chojninga: –Yape yijnorai u uté enga yirasique yu ome. Angachopísi.–

Matéo 27:43

Jé urúpio diríca uje angureni u Dupade diríca. Chiese Dupade abipísapo diríca rĩ ome. Dupade que doi gojni enga chiqueta gojni.–

Matéo 3:13

Diga Jesús tṍraji Galiléa enga chise tié uje i tu Jordán uje Juan charidi tu. Enga catecã́ri Juan ujetiga chaca edodie iji tié.

Matéo 3:16

Uje Jesús doi guesi tiji tié, enga gaté chuchẽre dabai. Enga uté chimo Dupade Ujopié Espíritu Sánto uje doi jnumi. Enga cho cucujnadatéode aja jnumi. Enga basája Jesús gai.

Matéo 3:17

Jé u uje ore chudute darade uje tṍraji gaté yui. Enga chojninga: –Yimeserãi yape u uné.–

Márcos 1:11

Enga uté chudute darade to uje tṍraji gaté enga chojninga: –Yape yedójnari tu ua uje yinínapúsu yu ome ua.–

Márcos 1:9

Uje qué Juan chacate ore ga Jesús chise ore to iji dirode udore. Enga tṍraji ore idai uje i tu Nazaret uje déji ore uniri Galiléa. Enga Jesús chise Juan ore ga Juan tṍra Jesús aja yodi iji tié to uje i tu Jordán.

Márcos 9:7

Jecute ore chunina mu gue abujáraque chaco ore gai. Mu jĩrique ore chudute darárigo uje tṍraji gue abuja uaté. Uje darade udore chósi tome ore: –Yedójnari yape uté. Beyoi uté jne enga angachopísi to jne.–

Lúcas 2:14

Enga ore chósi te: Picotaguipise opejã Dupade iji idai iji gaté. Jé basa ga a cho sere jnumi jogosórone ajéode jne uje a ore nínapúsu raque jne uje ore chimo Dupade osongaquédatéi ome ore gu.

Lúcas 4:21

Jecute Jesús chajnerame dacajnaquéode ome ore ga chósi te: –Yajirigode Dupade urúo ome uaque e tocade ome uaque, jé iji de gajneri.–

Juan 1:32

Juan qué jno daruode údi enga chojninga: –Que yiraja uté to iji taningápisi. Mu yirósõri Dupade u uje chiroque yu aja ujetiga yaca ore edodie iji yodi enga chojningame yu: "Jogadi tu jne ujetiga araja yutocaidi gosi: ujetiga amo Yujopié Espíritu Sánto ujetiga doi jnumi iji gaté enga cháji jnacari uté ójo gai enga a araja jne uje yutocaidi jé u ujetiga chĩreta ore áyipiedie ome Yujopié Espíritu Sánto." Enga e yimo Espíritu Sánto uje doi jnumi iji gaté enga cho cucujnadatei enga basája jnacari uté ójo.

Juan 12:28

Enga Jesús catecã́ri dayé enga chojninga: –Yapá, be bajéningo ome yu ujetiga diga picotaque opejã ua ome ore.– Enga jé u uje ore chudute darade uje tṍraji gatajnoquei. Uje chojninga: –E yise yúringai picotaque que, enga diga picotagapo yu jne rĩ.–

Juan 5:37

Mu cuchiyi tupúsu yirósõri yai Dupade uje narare yibai. Mu que ayorérique déji uacajade ujetiga chimópise Dupade ome dedodie enga chududipise urúpisode.

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.

Colosénses 1:13

Cho ujetiga Satanás suru yoquibai iji ijnangununie ajei nanique, mu Dupade e chijnime yóguiji ijnangununie enga e chicha yógaja dírecaringuéi ujetiga yoco yoqueduguéjnai iji ujnacari Jesucrísto, uje Dupade ijnoranguipísi tu dajnacari tuté gu.

1 Pédro 2:4

Átayo uágaja Yocangarádejnai Jesucrísto. Uje Yocangarádejnai gajnua tu cucarané uje ueca. Mu jnanione ore chetaque enga ore tṍra. Jé basa Dupade chisa dajegaidé cucarané uaté. Chiraja gu úringa orerẽ́.