Lúcas 3:16 - Dupade Uruode

¹⁶ Jecute Juan chojningame ore jnese: –Que potigayaque uje uyu u uje yṍra uágaja yodi ome bautísmo. Mu que yugúsiji cuchárique. Uje uñai qué déji yiquigade uje suépise yibai ome dajopiéjna. Uje ujopié gajnunie u pioi ocaraidie. Uje que cuchárique déji iquénique. Ga a uté di iji uaque jne ga a jé u ujetiga chĩreta uacajéode ome dajopiéjna Espíritu Sánto ome bautísmo uñai jne.–

Lúcas 3:16 Iomraidhean Croise

Provérbios 1:23

Beyoi enga angachopísi yu uje yo uacaquique ome cucha dacadode. Enga a páyuquetotiguédatérique déji uaque jne. A yujuéga ome uaque jne ujetiga arajáyo yáyipiedie quigode jnese.

Matéo 3:11

Juan qué jno dacajnaquéode údi enga chojninga: –Yaca uaquedodie iji tié ome bautísmo uje imoi tu uje e uacayáyo uacate bajade. Mu Dupade utocaidi uñeque a chise uaque jne uje suépise yibai ome cutejma ujopié enga a chĩropise uacasijnaringuéone jne. Enga a chĩreta uacajéode ome Dajopié Espíritu Sánto ome bautísmo uñai jne.–

Matéo 3:12

Mu Juan qué chacãrápo Dupade isocade aja utácai adode rĩ enga chojninga: –E oidi pite déji jmainie ujetiga chujé dacade iji jnumi. Enga cãra ajñunie jogadi ga cãrapo itabidode jogadi rĩ. Chuse adie guio. Mu chãru itabidode gai. Mu pioi uté uje Dupade ipesute ome ayoré sijnángone ore que eruénique cuse ome ore jne.–

Juan 1:26

Juan chajnai ore uruode enga chojninga: –Jé ũré uje yaca ore edodie iji yodi. Mu a Dupade utocaitique uñeque di jne iji yiquigade uje e déji uacajade mu cáma arajáyo.

Juan 1:27

Bajaque yu mu que yipijoque. Mu uñai di iji yiquigade enga ibijoguipísi u uté. Que yugúsiji cuchárique go mu cuchadatei u uté uje chise uaque iji yiquigade.–

Juan 7:38

Uje Dupade uruode chósi te: gosi ujetiga changureta yu enga gajnui u sibíjnai uje yodi chayóji enga pésu re enga tié. Uje yodi uté yote ueca.–

Héchos 1:5

Juan casicaite chaca uáguiji yodi ica, mu e idógosi jeta Dupade Ujopié Espíritu Sánto chacája uaque.–

Héchos 10:44

Uje qué Pédro chacate ore ga Dupade Ujopié Espíritu Sánto basája ore gai jnese uje ore tangári acajnaquéode.

Héchos 2:33

Jecute Dupade chiringare Jesús enga sosi iji gaté enga e déji Dupade ãrachua iji gaté. Enga jogadi u to uje Dupade chisi ome Dajopié Espíritu Sánto ome Jesús ujetiga chajnerame danguresórone. Chamáñaje Dupade jé chajo raja nanique gu ujetiga chisi ome. Enga cucha dacadode jnese uje uacamóño jé aja uacadudigode cucha iji de diri garani u uté.

1 Coríntios 12:13

Enga Dupade Ujopié Espíritu Sánto chojmára uje chacája Dupade anguresórone uyoque yocajéode jnese ujetiga Jesucrísto uyoque yitojmárango iji jnumi. Jeoga judío yoque, jeoga purása quedéjna yoque, jeoga ayoré ataque yoque, jeoga ayoré gajnareque yoque, mu jé yitojmárango iji jnumi jnese uje pacaque yoquedodie iji yodi gu yocanguretigai ome Jesucrísto. Enga Dupade Ujopié uaté chĩreta uyoque jnese.