Lúcas 3:11 - Dupade Uruode

¹¹ Mu Juan chajnai ore uruode ga chósi tome ore: –Uacuñeque ujetiga iguidérigui gare, ajuguína uñáraque ome uñeque ujeta gosi ca iguidéraque cuse. Ga jé cho ome cucha pibosode rĩ. Ujetiga uacabotígo cuse ga asíyo udore ore iji uje ore jmáta.–

Lúcas 3:11 Iomraidhean Croise

Daniel 4:27

Eduguéjná, jé yo baquique jeta angári yu ga a jé ca baricáidode cucha udore chimate ua aja jnumi jne. Ósi tome badode ga jé ca apésu cuchade uje gajnarécho, ga ajuse beo. Jeta abéro ua ome josipíerãi, ga áta cuchade aja jmatágode ore ga a ore chimo bosongaquei gajnetígo cucha to. Jeta be yojningane udojo cucha quigode ga a pajesereringai déji ua to jne, ga a jé bayarite bayaridi iji báringai eduguéjna uté.'"

Matéo 25:40

Mu ore eduguéjnai uyu a yichajnai ore enga yojninga jne: "Uacátegoningáne udore ome yijorane, ore gajnui urásu ujetiga jé yajnecho to. Ca uñeque ibijoque marínga, jé u."

Lúcas 11:41

Jecute ajuso uacáyipiedie guio uje asíyo uaqueranone ome ore ujetiga uacosõraquéode u ome ore. Enga quene uacáringane icha jogadi u ome Dupade.

Lúcas 18:22

Uje Jesús chudute jnacari tuté uruode ome re ga chósi tome: –Qué cucha amiri déji ome ua ujetiga ese báringárique Dupade urása. Be ga ẽra bagúchade jnese ga asi ome ayoré jmatágode iji bagúchade oredie. Ga a Dupade tẽrája ua ome bacaniratiguérique jne iji gaté. Ujetiga ejna badode udojo guesi ga be ga ajna yu to.–

Lúcas 19:8

Mu jĩrique Zaquéo chague ga chojningame Jesús: –Yocangaráni á, angarami yu to. Yirajapise uje sijnanguipise yu diríca. Mu a yẽramája ayoré jmatágode ore jne ome yajnepítique petique uje a yajuguína yugúchade ome ore jne. Ga ore gajnecho petígo. Mu jé isocai tu ome uñéngo, ujetiga yoria ore atique jeoga yaringaquéo. Mu ujetiga yaringaquérigo chojmára diríca mu a gagájni jne ujetiga yatire ore gáyode.–

Juan 13:29

Júdas uté u uje chañuru Jesús, acadigode ore iplátadie pié bólsa guio. Jecute ore jos eti Jesús uruode qui u ujetiga Júdas doi dajegaitígo cucha ome ore jnusinamáni dire yui. Jeoga chisi jmatágode ore iji dajnunguenie plátai.

Héchos 10:2

Jnani uté, jé aja jogasui ore jnese, ore cho dangureni iji Dupade enga ore tangaripísi. Uásejna Cornélio uté icaniratiguéode ome jmatágode iji judíode ujade, enga jecucha ga catecã́ri Dupade.

Héchos 10:31

Enga uté chojningame yu: "Cornélio á, Dupade chudute bacatecãraitigade enga chimo to bátegoningáne uje basi jmatágode iji baplátadie.

Héchos 10:4

Mu Cornélio todópisa ga toji Dupade utocaidi gai, enga chojninga: –¿Gotique a?– Enga Dupade utocaidi chajnai ga chojninga: –Dupade chimesẽre bacatecãraitigade. Enga irasique ua ome bátegoningáne uje basi jmatágode iji baplátadie.

Efésios 4:28

Ome ayorérique uje oriechoqui ica, mu yutṍri uté ujetiga jé ca toriapo cuchárique rĩ; chamáñaje e déji dáringai icha ome Dupade gu. A tagúome dajmainie ica ujetiga chisa cucha unejaque ponáyone udore, mu jé idé ga a tagúome dajmainie udire ujetiga chisarase dejode ome datrabajate ũré enga pimanique ome dasagode dejo udore. Enga que gusu uté ujetiga chagutíyame datrabajádi oredie udire arĩa, mu a jé chajuguína ayoré jmatágode udore ore to jne.

1 Timotéo 6:17

O ugucharane ore quique ujetiga ca ore cho dicotare iji re. Enga jé ca ore áyipieraque chejna raja dagúchade udore. Bamo uje cuchade unojo iji erámi tuné jĩrique íjnoque gu. Mu ueradi tu ujetiga ore changureta Dupa uecai. Dupa uecai uté u gu uje chisi ome cucha íbojnane ome yoque iji erámi tuné ujetiga yagutíñangome.

1 Timotéo 6:18

Enga angome ore ujetiga ore pésu cucha arégode gatuaque. Enga ca ore chajire re ome dacaniratiguéode uje ore chajuguína dagúchade ome dojode ayoréo.

Hebréos 6:10

Uje Dupade que chapúsaja dáyipierangome uaque gotique ome dapesute arégode ome uaque. Enga a ca chicadígapo uacapesudode cucha ome jne rĩ. Uje uacangoño uacajnoraquéode ome uacojode Dupade anguresóño, enga jecucha uacátayo cuchade aja ore ica. Enga jé qué uacagúsoji gai uje uacátayoja ore.

Santiágo 1:27

Pacajnaqué ueque omone, uje que diquiyaque iyoguérique ome Yocai Dupade, pijoque gu gaisórone ore isocade: ujetiga ore chatapísaja disijádode ore, jé aja abai toguedie ore to uje ore chejnáreque re ome cucha gajnaréngone. Enga u to uje gaisórone ore chãraque re ome cucha gajnaréngone to rĩ iji erámone unojo. Jecute ujetiga gosi adode u unojo enga obiréjna uje que cucha bisideque uté angureni gotique.

Santiágo 2:14

Yijorane uaque á, ujeta gosi chojninga: "Yangureta Jesús." Mu que pésu cucha arétique, ¿ma panguretigai tuté chiquetárase gosi te jne a?

1 Juan 3:17

Ujetiga cucha piquetangórone déji uñeque marínga, ca chosõre dajõrárique ujetiga jmáta ome cuchárique ¿jé chorási rique ujetiga uté gosi cho Dupade ijnorangore iji re?

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?