Lúcas 3:1 - Dupade Uruode

¹ Iji dirode udore ga Tibério e chise sequeredie uje chejna yirídai ome dáringai eduguéjna cuchape. Enga uté ipesute darasade ore úringanie dacasuté uje urasade ore ero tu gu. Enga chorei Póncio Piláto iji judéagosode ore ujetiga ore cho deduguéjna iji. Enga chorei Heródes iji galiléagosode ore. Enga chorei Heródes jõrai Felipe iji ituréagosode, traconítegosode ore rĩ. Enga chorei Lisánias iji abilíniagosode ore.

Lúcas 3:1 Iomraidhean Croise

Génesis 49:10

A ãrai bogué tiji gaté jne, enga obiréjna báringai eduguéjna cuchape ome bogué uaté. Enga a ca toc ujetiga pijnimé bogué tuaté iji bajmainie, jé iji bape disi ejode ore jmainie to rĩ, jé aja ujetiga bogué uaté gajnengoripísi di jne enga jé jogate uté jmanai iji deréjna pitade. Enga erámi unirisórone iji erámi údode jnese a ore cho deduguéjna cuchábi iji bogué isasṍri uté jne iji erámi údode jnese enga a ca ore chimoque iroquérique jeta ore dopísi quigode.

Matéo 14:1

Iji dirode udore nanique ga eduguéjna cuchábi Heródes chudute Jesús ipesútedatéode ujnoméone iji dajnepídi punire Galiléa.

Matéo 14:3

Juan uté u uje chaquĩ́ra ore eduguéjnai Heródes nanique gu uje uté chijna desai Felipe acotéragaja re uje uaté i tu Herodías, enga Moisés urusarane cucha puyácho chãraque pisocai uté. Mu Heródes que tangári Juan aquĩraquéode. Enga chisa Juan gu dacoté uje uté chaquĩ́ra ome. Jé u uje chigaru uté enga suru gai iji soldádode iguíjnai.

Matéo 14:6

Mu chise Heródes batiga sequeré nanique enga jé u uje uté pésu dajñamítedatériguiji nanique. Enga Herodías uro doi ore ajñamini to. Enga gapua uaté doi baile iji ore ajei nanique. Enga jé u uje Heródes irasépise dabejñua.

Matéo 22:17

Jecute angomome yoque ujetiga uerate ome judíode uyoque ujetiga yoco oré rómagosode ore eduguéjna cuchábi ome impuéstos, jeoga jé ca yoco oré.–

Matéo 27:2

Jé u uje ore chigaru Jesús jmanecade aja ñane enga ore jno údi aja Póncio Piláto, gobernador uté uje rómagosode ore eduguéjna cuchábi icháji jogadi.

Márcos 6:17

Juan uté bade u daquĩraquéode ome Heródes uje Heródes pota desai Felipe acoté uje i tu Herodías enga doi enga chijna iji gari. Jecute Heródes chachopise Juan aquĩraquéode enga doi ga chisa Juan ga chigaru, ga suruápo gai rĩ.

Márcos 6:21

Mu e chise piotiguei ome Herodías uaté uje ore pésu dajñamítedatérique uje Heródes batigai dire u nanique. Jecute pésu uraque dabose uneréjnane. Ga chimate ga jé u uje tibidi ore asutedie uje déji gobiérno jnese iji ore uniri Galiléa údode, jé aja jnani atade ore rĩ.

Lúcas 13:31

Uje Jesús cha chacate ore mu fariséode ore uñéngo ore catecã́ri Jesús. Enga ore chojningame: –Boji de uje ore eduguéjna cuchábi Heródes potapísa ujetiga chujé ua gu.–

Lúcas 2:1

Udojo quigade ga eduguéjnai Augústo pota cénso, jecute chiroque dáyipiedie aja erámi údode ujetiga ore chisecãru ayoréode iji erámi údode.

Lúcas 23:24

Ga jé jogadi tu uje tẽra Jesús ome ore ujetiga ore doi dasocáringome.

Lúcas 3:19

Juan isocai upo rĩ uje pojna ore eduguéjnai Heródes iji uté ore uniri. Uje gobernador Heródes uté chijna desai Felipe acoté iji gari gu, enga chequé uaté i u Herodías. Ga Heródes jé bade u date gajnaréngone uñéngo to rĩ.

Lúcas 9:7

Ore eduguéjnai Heródes chudute to Jesús ipesútedatéode ujnoméone jnese. Enga que Heródes chiraja dáyipieraque quitique ome Jesús. Chamáñaje uñane ore chaguhéta Juan el Bautísta Jesús gai uje ore jos eti Juan niji iji pitoringai.

Héchos 23:26

Enga urusarane quigode u udojo: "Eduguéjnai Cláudio Lísias u yu uje yurúsãre yurusarane ome ua, eduguéjna Félix. Eduguéjna cuchape ua enga yirasiguipise bei.

Héchos 24:27

Sequeredie gare mu jé ate udore. Mu udojo quigade enga Félix cha dáringai eduguéjna iji uté, enga Pórcio Fésto doi jogadi. Mu Félix noñome Páblo iji te uje ore suru gai. Chamáñaje que pota gu ujetiga judíode chetaque atique.

Héchos 26:30

Uje Páblo chejna daruode udore guesi ga jé u uje eduguéjnai Agrípa chague, jé aja Berenice, eduguéjnai Fésto ore. Enga ore garíjogonórone ore chague jnese to.

Héchos 4:27

Yoque Dupade, ore adi u icaite uje Heródes, Piláto, purása quedéjnane, israélgosode ore chamáta rágaja guidai udé ujetiga ore chimate dáyipie gajnarénguenie ujetiga ore chujé bajnacari Jesús. Ueque uté ome pisijnaringuéone múñi. Enga bajegaidi tu ome batoquéode.