Lúcas 24:6 - Dupade Uruode

⁶ Uje uacacuei tuté Jesús e que déji de gotique. E ecápo que rĩ. ¿Ga jé ca ajnusináño uru casodica uje chósi tome uaque uje qué déji uacari iji uacaniri Galiléa ica ya?

Lúcas 24:6 Iomraidhean Croise

Matéo 12:40

¿Ajnusináño jnani bajai Jonás a? uje guejnane dire gadioque, dejade gadiógapo rĩ iji oyite cuchábi ajei. Uje a jé isocai u jne ome Dupade utocaidi uyu uje a yejnatígo dire gadioque jne, dejátigo a gadiógapo jne rĩ iji yitoringai iji jnumi údi.–

Matéo 16:21

Deréjnai uté enga Jesús cho dacadigode quique gatuaque ome dagachodi yui. Enga chatatame ore uje Dupade ajéo ujetiga chicáji Jerusalén jne. Enga chojninga: –A yumajosórone u judíode ore eduguéjnane, ore asutépisedie ore, jé aja Moisés urusarane atatasórone. Udore a ore socaripísome yu jne. A ore chimate yu aja jnumi jne rĩ. Mu yejnatígo dire gadioque jne iji yigachotique. Enga a jé u jne ujetiga yiquecápo rĩ iji yitoringai.–

Matéo 27:63

Enga ore chojningame Piláto: –Eduguéjná, yujnusinángo Jesús urupatáringa casodé uje chojninga diríca: "A yiquecápo jne rĩ iji dire gadiótigo."

Matéo 28:6

Uacacuei uté e que déji ne go. E ecápo rĩ. Uje jé urúo diríca. Jé cajicho gojni jogadi casé to.

Márcos 16:6

Mu jnacari tuté chojningame ore: –Ca uacagutéraque cho jora ome yu. Uacacuei tuté Jesús, nazarétgose uje ore chujé diríca, ga ore chajo aja curesei diríca, e nijiápo que rĩ. Enga que dépoji de gotique rĩ. Qué beyoi ga ajicho jogadi casé to gojni uje ore chicháji diríca.–

Márcos 8:31

Jecute Jesús cho dacadigode quique ome dagachodi yui. Enga chojningame ore: –A Dupade utocaidi uyu a yejnárenguipísi jóroque ore josipiérigui jne ome yu. Ga yetésõredatéode upúsu judíode ore angaránone jne, jé aja Moisés uruode atatasórone ore to rĩ, jé aja sacerdóteode ore angaránone ore rĩ. Udojo a ore imanique yu aja jnumi dirome. Mu a chise dire gadiótigo iji yigachodi quigade ga jé u ujetiga yiquecápo rĩ iji yúringárique toque.–

Lúcas 24:34

Mu uje ore chise dajorane ore uje ore déji Jerusalén mu jĩrique ore chojningame dajõra díode: –Jé ũrepise uje yocangarádejnai Jesús e ecápo rĩ. Ga Simón Pédro chimópise to que.–

Lúcas 24:5

Enga chequedíe udire ore chajire jnumone uje ore todópisa ore gu. Mu jnacare gáreode udore ore narare ga ore chósi tome ore: –¿Gotique gu a uje uacacueyoi ayoré uecárique iji ducódedie udaji gari a?

Lúcas 9:22

Enga chojningame ore: –Dupade utocaidi uyu yajnei tu ujetiga yejnarenguipise cuchade ome yu. Yajnei tupo rĩ ujetiga judíode ore angaránone chetaguipise yu. Jé aja sacerdóteode ore eduguéjnane ore rĩ. Jé aja Moisés urusarane atatasórone ore rĩ. A ore chujé yu jne, mu a yĩriji jne iji yitoringai quigade iji dire gadiótigo.–

Lúcas 9:44

–Angachopísi yuruode udojo. Ga ca acadíchoi yuruode quigode. Uje uacuñeque a tẽra Dupade utocaidi uyu ome dojórigo jnanío jne.–

Héchos 2:24

Mu Dupade chiquetápo Jesús rĩ enga que juéga jeta pitoringai sué gai. Chamáñaje que toc ujetiga pitoringai sué gai.

2 Tesalonicénses 2:5

¿Ma jé ca ajnusináño uje yugúsiji uacari ica iji uaquedai enga yacate uágome cuchade unojo quigode ica ya?