Lúcas 23:9 - Dupade Uruode

⁹ Heródes catecã́ri jóroque Jesús ome cuchade, mu que Jesús chajnai gotique.

Lúcas 23:9 Iomraidhean Croise

Sálmos 39:9

Yopise paraque, ga yajnui tu pijnate parigode, uje ua u uje bapesute cuchade udore gu.

Isaías 53:7

Uje ore cho damitiguéome uté mu que chajire ore yúrique caru gotique. Ga que chuchẽrápo dabijnani gai gotique rĩ jeta narare damánique. Ga ore jno údi, ga gajnua jé upúsu áyasa chuguéraque ome áyasadie yungóremétique. Ga uté jé cho udiji uje etéquetí cho cheme ome desórone. Uje jé chopise áyasadie uje chácariji dayaridi ga cho paraque iji uje ore chuju ojoi iji gai, mu cho paráguiji ore jmainie.

Matéo 27:12

Mu judíode angaránone, ore asutépisedie ore chaguhéta cuchade Jesús gai. Mu que Jesús chajnai ore gotique.

Matéo 27:14

Mu Jesús jé ate uje que narare. Jecute Piláto que chiraja dasocáringome, enga tija uje Jesús que cho chimíñimi iji ore jmainie.

Matéo 7:6

Jesús cho ore quique enga chojninga: –Ca apemérañoji Dupade uruode ejórique ome ayoré táyipietique ujetiga acachome. Chamáñaje a ca chisírase Dupade uruode unétique. Socaseti socárome uágome uacacajnaquéode. Gajnui jé urásu ujeta ayorérique chisi ome cucha tĩriachuguéjnarique ome yãcoré quedéjnarique, tamocórique uñeque uje que chiraja úringai tĩriachuguéjna enga chuchiéjna iji jnumi.–

Márcos 15:5

Mu que Jesús narare dabai gotique, mu cho parac. Jecute Piláto uté que chirajapise dasocáringome.

Lúcas 13:32

Mu Jesús chajnai ga chojningame ore: –Boyo ga angoñome jnani josipíerãquedatéi uté uje qué yigaidedie u Dupade áyipiedie ome yu uje qué yiqueta ayoréode aja yiqui ome ore piésorone Satanás utocaicho iji ore údode. Jé upome ore ejnaréngone uñéngo rĩ. Uje jé yajnei tu gu.

Lúcas 23:10

Mu qué judíode ore asutepísedie sacerdote déji uté to, jé aja Moisés urusarane atatasórone ore. Enga ore chaguhéta cuchade Jesús gai enga ore chajo raja daruode quigode.

Juan 19:9

Jecute Piláto chacapója daguíjna cuchábi te rĩ enga catecãrápoi Jesús rĩ enga chojninga: –¿Banínique jé déji rique a?– Mu Jesús que chajnai uruode.

Héchos 8:32

Ajiripídi u iji Dupade uruode uje chojninga: Jnani uté gajnua tu áyasa uje ore jno údi ujetiga ore chujé. Gajnua upo áyasa ape pujúgayabia rĩ uje que pijnatique cuse uje ore chuju ojode iji gai. Adi jé u jnani tuté. Gajnareque ore adode ome mu que cho chimíyimi.

1 Pédro 2:23

Uje ore uruode gajnarécho ome Crísto nanique mu que urúrique gajnareque aja ore to go. Uje ore socárome nanique, mu que jmongarája ore to. Mu chingo ore ome Dupade ujetiga jé doi dasocáringome ore. Uje chiraja gu uje áyipierãque Dupade uje chajire cucha dacadode aja quigode.