Lúcas 23:5 - Dupade Uruode

⁵ Mu judíode asutedie ore chajopise rágaja dájningai ome. Ga ore chojningame Piláto: –Cachi uté bádatéode upúsu arĩ́e uje chijnime darade ome yocurasade ore iji Judéa údode jnese ujetiga ca ore tangaripísi deduguéjnane, rómagosode ore. Mu chajnerame dacajnaqué gajnaréngone gaté uje chacate ore iji Galiléa iji taningapísi ga jé chuságaja udé deréjnai ome Jerusalén idaisórone ore uyoque to.–

Lúcas 23:5 Iomraidhean Croise

Sálmos 22:16

Udore ore uje ore chaparu yibai ga ore cho tamoco sijnátigo uje ore besája dajesúode. Ate gajnaréngone udore uáguedaté cho to-to-to yibai. Ga ore chichagu yijmanáyone, jé aja yirídade ore uje ore pésu udore edodie.

Sálmos 57:4

Uje yumajosórone ore socárome yu ga cho jetiga yugúsi caraté quedéjnanie udire ujade. Yimóji jnumi iji udore ujade uje ore cho darosipéguiji ayoréode ore, ga jnanione udore ore patarane u asórenie, docojodie ore. Ga ore arei cho quesé asícorique.

Sálmos 69:4

Yetesórone jiei ore ga ore etétigade udore ome yu ga que yitiógara gotique. Ga udore ore betígajnai sué yatererodie batigai gai. Etoguipise udore ore uje ore pota yúringárique pejnaque, yumajósõre bisidégode udore ore. Uje que yoria ore atique marínga, ore chiroque yuja jeta yatire cuchade ore gai uje chiese yoricho ome ore.

Matéo 11:1

Uje Jesús chejna dacajnaquéode udore guesi ome dacadigode ore uje gare ore iji yirídai, enga jé u uje uté jnome guidáyode iji erámi uté enga chacate ore aja daquigode guidáyo jnese.

Matéo 2:1

Uje Jesús e basíji guidai Belén iji ore uniri Judéa nanique, ga Heródes qué déji dáringai eduguéjna cuchape iji ore uniri uté. Iji Jesús uté batigai quigade enga guédodie irajasóningo ore chise idai cuchábi Jerusalén. Enga udore ore tṍraji punire quedéjnai iji guedé garani.

Matéo 27:24

Mu Piláto chiraja uje que chijnime ayorébui ãrírique ome Jesús, enga e todópo rĩ ujetiga diga ca chiraja dasocáringome ayorébui atique. Jecute churu dajmainie iji ayorébui ore iquei jnese. Enga chojningame ore: –¿Amóño a? uje yuru yijmainie iji uacaquei. Qui tu gu uje que yajéo uté úringai chuque uje que yiraja bárique cucha gu. A oyo uacaba uté jne.–

Matéo 4:23

Enga Jesús diguiji Galiléa údode. Enga chacate judíode ore iji ore aquiningaméone udore, udore, udore. Enga omío atatagode ome ore. Uje chingo ore uje idógosi ujetiga Dupade cho darásaji danguresórone ore to. Chiquetápo ore ejnareque ponáyone jnese to rĩ.

Márcos 1:14

Diga Juan cho daba dacajnaquéode ga ore suru gai. Enga udojo quigade ga jé u uje Jesús chicáji pachamini Galiléa uté ujetiga chatata Dupade ujnomédatéi ome udore ore ujetiga ore chise dáringáringo Dupade urása to.

Lúcas 11:53

Uje Jesús chejna daruode udojo guesi ome ore ga jé u uje Moisés urusarane atatasórone, fariséode ore ájningaránguipíse ore ome uté. Mu qué ore chajo raja uje ore chingome cuchade ome gaté.

Lúcas 23:23

Mu ayorébui chajnerame dájningane ome. Ga judíode eduguéjnane sacerdóteo, jé aja ayorébui ore, ore chinguíra dabijnanone aja jnese uje ore ajegaidi tu ome úringárique chuque gu. Mu Piláto chachopise ore ipojnaquéode gu uje ore chajnera dájningane údi ome.

Lúcas 23:6

Uje Piláto chudute udore ore ojningane cucha ga chojningame ore: –¿Ga jec ũré uaque ga galiléagosípise uté a?–

Juan 1:43

Dire uñai enga Jesús pota chicai ore uniri uje i tu Galiléa mu tuangóa jnacari uje i u Felipe. Enga chojninga: –Felipe á, ajína yu to.–

Juan 19:15

Mu ore tibite enga ore chojninga: –¡Yocajegaidi u ujetiga toi! ¡Yocajegaidi u ujetiga toi! ¡Ajo aja curesei gai!– Piláto chojninga: –¿Ja uacajéode u ujetiga yajo uaqueduguéjnai aja curesei a?– Mu sacerdóteode ore eduguéjnane chajnai Piláto uruode enga ore chojninga: –Que yoqueduguéjnai uñeque cus. Gusu uje yoco yoqueduguéjnai iji beduguéjna cuchábi uje déji Róma.–

Juan 2:11

Jesús pésu dapesútedaté bajai uté iji ore idai Caná iji ore uniri Galiléa, uje chécãre yodi enga nóña enga víno. Enga isocai u uje chingo dáringai cuchape aja ore. Jecute acadigode ore changuretapise to.

Juan 7:41

Uñane ore chojninga: –Yoquijnati Crísto jé u.– Mu uñane ore chojninga: –A ca yoquijnati Crísto u go. ¿Ja yoquijnati Crísto tõrarásiji Galiléa jne a?

Juan 7:52

Jé u uje ujode fariséo ore chojninga: –¿Ja Galiléa gose ua ya uje bãrarare uté gai? Ajire Dupade uruode. Jogadi u ujetiga araja uje que Dupade uruode atatasõre proféta uñeque tṍraji Galiléa.–

Héchos 10:37

Uacarajáyo uje bajaque Juan nanique uje chacate ayoréode enga chaca ore edodie iji yodi. Mu quigade u uje Jesús chatata Dupade uruode ome ore. Ore chudute atatagode Dupade urúo bajaque iji Galiléa iji taningai mu quigade enga chubu erámi enga chise ore to iji Judéa údode.

Héchos 23:10

Ore botaripise ñane enga soldádode eduguéjnai todo ujetiga ore chaquesu Páblo aja jnumi. Jecute chiroque darógode aja Páblo ujetiga ore napo aja soldádode iguíjnane ajei rĩ.

Héchos 5:33

Uje eduguéjnane chudute ore uruode enga ore ajéode dotãre ome ore. Jecute ore pésu dáyipiedie ome ñane ujetiga ore chisi ome pitoringai ome ore.

Héchos 7:54

Uje ore chudute Estéban uruode udore enga ore chigase dajúode ome Estéban uje ájningarãque ore.

Héchos 7:57

Mu ore pijnacarachi enga ore suru dangoninguinone gáyode. Enga ore cugujnai Estéban.