Lúcas 23:43 - Dupade Uruode

⁴³ Enga Jesús chajnai uté uruode ga chósi tome: –Jé ũrepise yu ome yuruode uje yósi te ome ua, a jĩrique yimóngo ñane gajneri iji yapade idai iji gaté, jnupe ueradi, uje baqui jé u to gu.–

Lúcas 23:43 Iomraidhean Croise

Sálmos 32:5

Mu yatata yipesudode cucha gajnarécho ome ua, ga que yipógusu yisijnaringué uñátique ome ua. Ga e yimate yáyipie, ga yojninga: –A yatata yate gajnaréngone ome Pangarádejnai uté jne.– Enga jé u uje jĩraque banoningase yúringai máraque ome yisijnaringuéone iji yu.

Sálmos 50:15

Enga abichoi yu iji uacajnenie pujurei dire, ga a yijnime uáguiji udire jmainie jne, enga a jé u ujetiga asíyo yibai jne.–

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Lúcas 23:42

Enga jé u uje jnani oriechoqui tuté uje chirota Jesús qué catecã́ri Jesús ga chósi tome: –Jesús á, ujetiga ese báringárique dacasuté dirome iji bedai ga ca báyipieraque jnoji yu to dirome.–

Juan 14:3

Mu ujetiga yiji, enga e dimane uacajogadode ome uaque, enga a yĩriápo jne rĩ. Enga jogadi u ujetiga yiji uacádi. Yigaidi u gu ujetiga agúsoji ta to yiyaridi.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

2 Coríntios 5:8

Jecute dicase yógome yoquitoringai yui ujetiga yijíñongome yocao ayorei tudé to. Enga yoquipotigádi upúsu ujetiga e yugúcoji Yocangarádejnai gari to iji gaté.

Filipénses 1:23

Que toc ujetiga yiraja arétiguiji cucha gáreode unojo. Yipotárasa jetiga e yitoi enga yicáji Jesús gari to. Ísenga ueratigai u uné ome yu jetiga yitoi.

Hebréos 7:25

Ujetiga ayorérique pota tibágui Dupade enga doi enga changureta Jesús ome Dupade yui, enga Jesús ujopié cuse ome udore ore jnese ujetiga chiqueta ore. Chamáñaje eca Jesús iji deréjnane jnese gu enga jecucha ga chijócha Dupade ajei údi ome yoque.

Apocalípsis 2:7

Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a yujuéga poria tome uaque jne uje déji yidai iji gatajnoquei. Enga a acho adie udire jne enga pucuecaringuei a déji uaque jne iji deréjnane jnese."–