Lúcas 23:4 - Dupade Uruode

⁴ Enga jé u uje Piláto chojningame judíode ore eduguéjna cuchábode ore: –Que yisípise jnani tuté bárique gotique jõ.–

Lúcas 23:4 Iomraidhean Croise

Matéo 27:19

Uje qué Piláto déji dayaripi gai uje qué chirote ayorébui ore ajéningo, enga acoté chiroque daruode aja uje chojningame: –Ca báyipieraque gajnaréngaja uté to. Uje que bárique cuse. Yĩ́cara que gu enga yurigode gajnaréchome que.–

Márcos 15:14

Mu Piláto uté chojningame ore: –¿Mu jé uté ipesutique cucha gajnareque que a?– Mu qué ore chajo raja dabijnane udore ga jé u uje ore chojninga: –¡Ajo aja curesei!–

Lúcas 23:22

Enga e chise gadióguei uje Piláto qué catecãrápoi ore gaté rĩ ga chósi tome ore: –¿Jé uté ipesutique cucha gajnareque que a? Uje yajiripise uté adode aja quigode mu que yise uté bárique gotique ome úringárique chuque. A yope yujuñame ga a jĩrique yĩrapome jne rĩ.–

Juan 18:38

Piláto chojninga: –¿Gotique a cucha uréone quigode?– Uje Piláto chejna daruode udore guesi enga dopoi guesi te rĩ ujetiga catecã́ri judíode ore, enga chojningame ore: –Que yiraja jnani uté bárique cucha.

Héchos 25:25

Mu uté bade que cuchadatéo gotique. Jecute que tiógara ujetiga chuque ome yajéode. Mu uté pota jetiga eduguéjna cuchábi emperador César Augústo chajire adode aja quigode. Jecute yajéode u ujetiga yoréji eduguéjnai Augústo.

Héchos 3:13

Mu que quigode u gotique. Yocai cásodicáite jnani bajácho Abraham, Isaac, Jacob ore angureni Dupade pésu dajnacari Jesús ujetiga sué ore gáyode jnese. Yocojningai Jesús uté u uje uaquẽchome eduguéjnane ica. Enga uje Piláto pota jeta chirame ica mu uaquetácho.

Hebréos 7:26

Jecute Jesús jé upúsu yocucuei pangarate cuchape ujetiga catecã́ri Dupade ome yoque. Uje ueque gu ome cucha gajnaréngone, pisijnaringuéone ore jnese. Enga Dupade e cãra jogadi ome pisijnaringuéone ipesusórone ore jnese. Enga uté jogadi jé upúsu Dupade gari iji guéode uéchai.

1 Pédro 1:19

Mu Jesucrísto gaite oré uacáringane piquetaque uje chojne ome dayoi ome yoque. Enga Dupade cho cucha orerã́quedatéi iji Jesucrísto iyoi. Enga Jesucrísto gajnua tu áyasa uje ueradéjna enga que iyoguérique cuse, uje jnani bajade ore tẽrája Dupade nanique ome ore isijnaringuéone.

1 Pédro 2:22

Crísto que pésu pisijnaringuérique nanique go. Enga que paringaquérique dépoji ome uñeque rĩ.

1 Pédro 3:18

Uacamóño uje Crísto toi ome yoquisijnaringuéone ga chojmarápise enga e gusu. Mu que tiógara dáringai pujuya nanique uje ate areque gu, mu cho daba sijnángone uyoque enga toi ome yoquisijnaringuéone. Gaidi tu gu ujetiga chinoningase yoque enga chijna yógaja Dupade jogadi. Yirajágo to uje Jesús aoi u uje toi nanique, mu Ujopié u uje chiringare aja gaté.