Lúcas 23:2 - Dupade Uruode

² Uje ore chimate rágaja Piláto iquei ga ore chijnime darade ome Jesús uje ore chaguhéta cuchade gai jnese. Ga ore chósi tome: –Eduguéjnai Piláto á, yico jnani udé iji ijnimingone dara gai ome yocurasade judío diríca. Chiese que yocajnei tu gotique ujetiga yoco yocoré ome rómagosode uaqueduguéjna cuchábi. Mu que gusu udojo mu chingopo raja uyoque rĩ enga chiese yoquijnati Crísto u ujetiga yoco yoqueduguéjna cuchábi iji.–

Lúcas 23:2 Iomraidhean Croise

1 Reyes 18:17

Enga uje Acab chimo Elı́as uté, chojningame uté: –¿Ama jé upúsu ua ya, israélgosode yocajnenie pujurei ijnimisṍri á?–

Sálmos 35:11

Pijogúsõre tágode ore chague ga ore chaguhéta cuchade yibai bisideque. Ga ore catecã́ri yu ome cuchade uje que yiraja quitique.

Sálmos 62:4

Gusu ore áyipie gaidi tu uté úringárique pucuayaque aja jnumi uje uté déji ore gai ome dáringai ayoré ibijoque. Ore imeserane u cucha tágode udore quigode. Ga ueracho ore acãraquéode quigode uje tṍraji ore pijnanone, mu iji ore áyipiedie ajei ga ore amangaqué gajnaréngone quigode upúsu.

Matéo 17:27

Enga chojningápo rĩ: –Ísenga a ca yorase yoré to uje yocangaráni Dupade ape yu gu. Mu jé dóji siñeque. Que yipota gu ujeta dequeteque yocatique. Jé yoco yocoré to. Be tié enga ṍra bojnai aja enga a jĩraque ajnime oyítique jne ujetiga tagu bojnai. Enga achẽre pijnani gai jne. Enga a jé u jne ujeta ajnime plátaraque iji pijnani. Enga a jé chopise yoque jne ujetiga yoco yocoré.–

Matéo 22:21

Ore chajnai enga ore chojningame: –Rómagosode ore asuté oré erĩ́e. Jecute i jé déji údi.– Mu Jesús chojningame ore: –Jé arec ujetiga asíñome rómagosi uté gajnepídi ome. Jé basa ga asíñome Dupade gajnepídi ome to rĩ.–

Matéo 27:11

Ore chijna Jesús aja eduguéjnai Piláto ujetiga chidójnanga bárique cucha. Jé u uje chojningame Jesús: –¿Ja jé ũré enga judíode eduguéjnai gotique u ua ya?– Mu Jesús chajnai uruode enga chojninga: –Baraja uje uyu u.–

Márcos 12:17

Jecute Jesús chojningame ore: –Que piraque quigode gotique. Asíñome rómagosode eduguéjnai gajnenie ome. Jé basa asíñome Dupade gajnenie ome Dupade.– Mu ore tijapísa Jesús uru quigode udore ome ore.

Márcos 15:2

Enga jĩrique Piláto uté catecã́ri Jesús ga chósi tome: –¿Ga jé ũré enga judíode eduguéjna cuchábi tu ua ya?– Enga Jesús chajnai ga chósi tome: –Jé upúsu baruode quigode udore.–

Lúcas 23:14

Enga chósi tome ore: –Judíode uacaríño jnani uté údi que aja yu. Uje uacojnichome yu que: "Jnani tudé que chajire re ome dajnimingone dara ome yocurasade." Yicatecãripísi jnani tuté que ome cuchade udore jnese. Mu que cucha marínga yise uté bárique cucha que, uje yucué jórogui uacaborátajade cucha ome que múñi.

Lúcas 23:5

Mu judíode asutedie ore chajopise rágaja dájningai ome. Ga ore chojningame Piláto: –Cachi uté bádatéode upúsu arĩ́e uje chijnime darade ome yocurasade ore iji Judéa údode jnese ujetiga ca ore tangaripísi deduguéjnane, rómagosode ore. Mu chajnerame dacajnaqué gajnaréngone gaté uje chacate ore iji Galiléa iji taningapísi ga jé chuságaja udé deréjnai ome Jerusalén idaisórone ore uyoque to.–

Juan 18:29

Jecute Piláto doi guesi iji daguíjnai ujetiga catecã́ri ore enga chojninga: –¿Uaquetétigai iji jnani uté a?–

Juan 18:30

Mu ore chojninga: –Ujetiga ca sijnanguirase uté enga a ca yijnángorásaja ua.–

Juan 19:12

Uje Piláto chudute Jesús uruode udore enga jĩraque chucué dáyipie ujetiga chirame Jesús. Mu judíode ore tibite gaté enga ore chojninga: –Bamo uje beduguéjna cuchábi umajósõri u Jesús uté. Chamáñaje pota dáringai eduguéjna cuchape to ome re. Jecute ujetiga arame Jesús enga obiréjna uje que bagaidedie u eduguéjna cuchábi César áyipiedie.–

Héchos 24:13

Jecute obiréjna uje cachi ore urúo uje ore chaguhéta yibai iji baquei. Enga que toc ujetiga ore chise datatagode udore úringane ũréo gotique.

Héchos 24:5

Mu yingongome ua uje jnani udé pésupúsu judíode yocujuredie iji erámi údode jnese. Chamáñaje chacate ore ujetiga ca ore tangárapoi cuchárique rĩ, enga jogadi u uje judíode ore chajuque ñane ajéode ome cuchade. Enga yingongopome ua rĩ uje nazarétgosi casicaite Jesús anguretasórone angarate jnani udé to.

Romános 13:7

Jecute ujetiga gobiérno eduguéjnane chiroque uágaja ujetiga oyo uacoré ome uacaplátarigui, beyoi ga amácho uacajnepídode oré iji ore jnese. Jeoga impuéstos u, jeoga impuéstos gajnúone uje i tu "aduána," jeoga impuésto ponáyone ore, mu amácho ore ĩcarane uacoré. Que gusu uté, mu uacajnepídi jé upo rĩ ujetiga uerate uacasocade ome gobiérno irógode ore. Ajuécho uágome ore áyipie quigode, ga jé ca abóyoja ore, mu asíyo ore gai ome ore isagode ome uaque.