Lúcas 23:16 - Dupade Uruode

¹⁶ Jecute chojninga: –Gusu jne ujetiga yo yujuñame uté mu a jĩrique yĩrapome jne rĩ.–

Lúcas 23:16 Iomraidhean Croise

Isaías 53:5

Mu uté chicha raja yoqui ga Dupade chujé uté údode. Mu a yocajnechóraso Dupade yupídode udore, ga gose yoquetétigade ome Dupade uru quigode. Ga uté ujñapié ajámiji dabade yocate gajnarécho jmainie. Mu gajnei pocaninga u uje di pajesereringai údi iji yoc. Enga uté gajnéone chupícho di pijóningai údi iji yoque.

Matéo 27:26

Diga Piláto doi ore áyipiedie enga chirame Barrabás. Jeque chiroque darógode aja Jesús ujetiga ore chaquesu údode bajaque. Enga quigade enga ore jno údi ujetiga ore chajo aja curesei gai.

Márcos 15:15

Mu jé jogadi tu uje Piláto que pota dáringárique petégome ayorébui ore, ga jé u uje doi ore uruode ome Barrabás, enga diga chirame. Quigade enga chiroque darógode aja Jesús ujetiga ore chaquesu údode. Ga quigade ga chirógapo ore aja rĩ ujetiga ore chajo aja curesérique.

Lúcas 23:17

(Uje e chise ore jnusinamáni dire ga Piláto gajnei tu ujetiga chirame dajurúgayode chojmarárique, mu jecucha doi judíode ajegaitíguiji pujurúgayode ore ujetiga chirame.)

Lúcas 23:22

Enga e chise gadióguei uje Piláto qué catecãrápoi ore gaté rĩ ga chósi tome ore: –¿Jé uté ipesutique cucha gajnareque que a? Uje yajiripise uté adode aja quigode mu que yise uté bárique gotique ome úringárique chuque. A yope yujuñame ga a jĩrique yĩrapome jne rĩ.–

Lúcas 6:37

Jesús qué jno dacajnaquéode údi ga chósi te: –Mu ca apéso uñane iyoguérique. Uje Dupade a chise uacayoguérigo to jne jõ. Enga ca acueyoi uñane ba uje a Dupade chise uacabárigo cucha jne. Mu ayáyo uacájningane ome ñane ome uacapesute gajnarétigo enga a Dupade chĩro uacasijnaringuéringo to jne.

Héchos 16:37

Mu Páblo chojningame guidai irodisórone: –Rómagose yoque mu ore chaquesu yocúdode bisideque iji ayorébui ajei diríca. Enga que ore chajire yocadode bajaque uje ore suru yoquibai. ¿Ja apóchorásu yoque a ujetiga ajnicho yoque a? Úngare. Eduguéjnane a doi yoque jne enga ore chijnime yoque jne.–