Lúcas 23:11 - Dupade Uruode

¹¹ Enga Heródes, jé aja soldádode que ore ajéngome Jesús go uje ore chujñieta. Uje ore doi ga ore na Jesús aja iguidé ueradedie uje cho eduguéjnane iguidedie. Ga jĩrique Heródes chirógapo aja Piláto rĩ.

Lúcas 23:11 Iomraidhean Croise

Sálmos 22:6

Mu uyu ga que ayorépo uyu to rĩ, ga yajnui tu júpuchaque quedéjnarique. Jnanione udore ore cho detéquedatéi iji yu, ga yujode ayoré ore chujna yu jnese.

Isaías 53:3

Ga ujode jnani ore tagu dejode ome uté, ga que ore pota úringárique pijõra. Ga áyuguhebátaque uté iji dojode ayoré yoquijmainie, ga jecucha isocabei u uje chejnáreque rome cucha dacadode jnese iji yocujade. Ga uté jé chopise yoquimojmárique yocujo ayoré uje que gosi cho cheme iji yocujade, ga que piyaque uté gosi urúrique unétique.

Matéo 14:1

Iji dirode udore nanique ga eduguéjna cuchábi Heródes chudute Jesús ipesútedatéode ujnoméone iji dajnepídi punire Galiléa.

Matéo 14:3

Juan uté u uje chaquĩ́ra ore eduguéjnai Heródes nanique gu uje uté chijna desai Felipe acotéragaja re uje uaté i tu Herodías, enga Moisés urusarane cucha puyácho chãraque pisocai uté. Mu Heródes que tangári Juan aquĩraquéode. Enga chisa Juan gu dacoté uje uté chaquĩ́ra ome. Jé u uje chigaru uté enga suru gai iji soldádode iguíjnai.

Matéo 14:6

Mu chise Heródes batiga sequeré nanique enga jé u uje uté pésu dajñamítedatériguiji nanique. Enga Herodías uro doi ore ajñamini to. Enga gapua uaté doi baile iji ore ajei nanique. Enga jé u uje Heródes irasépise dabejñua.

Márcos 9:12

Enga Jesús chajnai ore enga chojninga: –Jé ũrepise ore uje Elías u bajátique jne ome Dupade utocaidi Crísto. Mu uté a ipesute cucha dacadode aja úringáringo ueracho jne ome Dupade utocaidi Crísto yui. Mu ore urusarane Dupade urúo uñane déji to ome Dupade utocaidi Crísto to. Uje ore urusarane udore quigode u ujetiga dequetéquedaté Dupade utocaidi Crísto jne, uje a chejnárengui jóroque jne dajnetígo pujuyaquéo.

Lúcas 23:10

Mu qué judíode ore asutepísedie sacerdote déji uté to, jé aja Moisés urusarane atatasórone ore. Enga ore chaguhéta cuchade Jesús gai enga ore chajo raja daruode quigode.

Juan 19:5

Diga Jesús doi guesi iji ore iguíjnai uje ayo gajnui qué déji gatoi uje ore ipesudi iji pore ojnacúcodie jmanecade. Enga qué chigui eduguéjnane ore iguidé gatíjna. Enga jé u uje Piláto chojningame ore: –Yojningai jnani déji de.–

Santiágo 2:2

Enga socaseti ayoré dacasutéraque chacája Dupade iguíjnai to uje jmanepié óro déji jmané, enga iguidedie ueradéjnapisi. Enga uacojnichome: "Ácariji charipi ueradi gai." Mu socaseti ayoré gajnarétique chacápoja Dupade iguíjnai to rĩ. Enga uacojnichome ayoré gajnarei tuté: "Ayáguena gaté, jeoga ácariji jnumi."