Lúcas 23:10 - Dupade Uruode

¹⁰ Mu qué judíode ore asutepísedie sacerdote déji uté to, jé aja Moisés urusarane atatasórone ore. Enga ore chaguhéta cuchade Jesús gai enga ore chajo raja daruode quigode.

Lúcas 23:10 Iomraidhean Croise

Matéo 27:12

Mu judíode angaránone, ore asutépisedie ore chaguhéta cuchade Jesús gai. Mu que Jesús chajnai ore gotique.

Lúcas 11:53

Uje Jesús chejna daruode udojo guesi ome ore ga jé u uje Moisés urusarane atatasórone, fariséode ore ájningaránguipíse ore ome uté. Mu qué ore chajo raja uje ore chingome cuchade ome gaté.

Lúcas 23:11

Enga Heródes, jé aja soldádode que ore ajéngome Jesús go uje ore chujñieta. Uje ore doi ga ore na Jesús aja iguidé ueradedie uje cho eduguéjnane iguidedie. Ga jĩrique Heródes chirógapo aja Piláto rĩ.

Lúcas 23:2

Uje ore chimate rágaja Piláto iquei ga ore chijnime darade ome Jesús uje ore chaguhéta cuchade gai jnese. Ga ore chósi tome: –Eduguéjnai Piláto á, yico jnani udé iji ijnimingone dara gai ome yocurasade judío diríca. Chiese que yocajnei tu gotique ujetiga yoco yocoré ome rómagosode uaqueduguéjna cuchábi. Mu que gusu udojo mu chingopo raja uyoque rĩ enga chiese yoquijnati Crísto u ujetiga yoco yoqueduguéjna cuchábi iji.–

Lúcas 23:5

Mu judíode asutedie ore chajopise rágaja dájningai ome. Ga ore chojningame Piláto: –Cachi uté bádatéode upúsu arĩ́e uje chijnime darade ome yocurasade ore iji Judéa údode jnese ujetiga ca ore tangaripísi deduguéjnane, rómagosode ore. Mu chajnerame dacajnaqué gajnaréngone gaté uje chacate ore iji Galiléa iji taningapísi ga jé chuságaja udé deréjnai ome Jerusalén idaisórone ore uyoque to.–

Lúcas 23:9

Heródes catecã́ri jóroque Jesús ome cuchade, mu que Jesús chajnai gotique.

Héchos 24:5

Mu yingongome ua uje jnani udé pésupúsu judíode yocujuredie iji erámi údode jnese. Chamáñaje chacate ore ujetiga ca ore tangárapoi cuchárique rĩ, enga jogadi u uje judíode ore chajuque ñane ajéode ome cuchade. Enga yingongopome ua rĩ uje nazarétgosi casicaite Jesús anguretasórone angarate jnani udé to.