Lúcas 21:8 - Dupade Uruode

⁸ Enga Jesús chojningame ore: –A yingoba quigode aja uaque jne. Mu añuchopúsu uaqueo ujetiga ca pãraque uaque. Uje a jiépisi ayorérigo ore jne ujetiga ore chósi tome uaque: "Cachi uacangarádejnai Crísto uyu arĩ́e. Beyoi ga angáchoi yu." Jeoga ore nararirásome uaque jne ga ore chojningárasome uaque: "Erámi eruei e u udé." Mu jé ca angáchoi udore gotígo ore jne.

Lúcas 21:8 Iomraidhean Croise

Matéo 24:11

Jé u uje urupatáquechoquírigo a ore di jne enga a ore cho Dupade uruode atatasõre iji re jne. Enga a uásejna ore jne ujetiga ore jos eti jé ũré ore.

Matéo 3:2

Enga Juan acajnaquéode qui tu uje chojninga: –Ecãcho uacajéode. Ayáyopo uacate bajade rĩ, uje e idógosi ujetiga Dupade chijna dáringa dacasuté cuchabe aja jnumi uné.–

Matéo 4:17

Jesús e chacate capernaúmgosode enga chojninga: –Ayáyo uacasoca gajnaréngone ome Dupade. Uje e idógosi ujetiga Dupade chijna dáringa dacasuté cuchabe aja erámi uné.–

Lúcas 17:23

Uje a uñéngo potárasa jne jeta chãra uaque ga a ore chojningame uaque gosi jne: "Dupade utocaidi déji de arĩ́e." Jeoga uñéngo chojninga: "Yudúco to uje déji ta." Mu ca angáchoi udore gosode ore ujetiga abáchoi ore to.

Lúcas 21:7

Uje ore chudute Jesús uruode udore ga jĩrique ore catecã́ri ome. Ga ore chojningame: –Yocacadisṍri á, ¿jé cho rique jne a, ujetiga cuchade udore tocade a? ¿Jé chopo rique cuchade gãrapiérigui jne rĩ a ujetiga di iji yoque a?–

Lúcas 21:9

A angáchoi pujnoméringo ome pocaningane iji erámi údode jne. A adúchopo rĩ ujeta ore tagu yoqueduguéjnane aja ome dajocaningane ujeta ore chejna ñane iji erámone údode. Mu jé ca chajuque uacagutedie gotique. Uje a arajáyo jne uje bajácho cuchade udore jnese ujetiga tocade. Mu erámone eruei cáma upúsu gotique jne.–

Juan 5:43

Yai Dupade utocaidi uyu nanique ujetiga yacate erámone unirisórone uágome uruode. Mu que amesecho yu gotique. Jé basa ujetiga uñeque dirásiji uaque bisideque uje que Dupade utocaite, mu a amesechórase acajnaquéode.

Juan 8:24

Jecute yingome uaque que uje a atoyoi uacasijnaringuéone údi jne. Jetiga ca anguretáyo yu ome yúringárique ũré uje yingo yu aja uaque, enga diga yuruode a tocade jne ome uaque. Enga a atoyoi uacasijnaringuéone údi jne.–

Juan 8:28

Jesús jno darade údi enga chojninga: –Jecute yurúo udojo ome uaque: ujetiga apotingacho Dupade utocaidi uyu yajnei curesei dirome, jogadi jé u uté ujetiga arajáyo yúringai ũré uje yingo yu aja uaque. Enga a arajáyo to jne uje yacajnaquéode que garani u uyu mu yedu yirósõri Yai uruode uje yacate uaque.

1 Coríntios 6:9

A arajáyo jõ uje pisijnaringuéone ipesungórone a ca ore chise jogadi uté uje Dupade chácariji dáringai eduguéjna cuchape ome darasade ore. Jecute ca ajuécho ujetiga uñeque chãra uaque ome udore. Udire ore uje ore chachia re iji jnacarode ore, jeoga udore uje ore chachia re iji gapudíe ore, a ca ore chimo dáringáringo Dupade urása to jne. Jé aja amanachuguedie, acotẽrachugode ore rĩ uje ore pota punganingane ome chequé quedéjnanie, jeoga jnani quedéjnane. Jé aja jnanione udore ore to uje ore pota tungarája dojórigo jnanío. Jé aja udore ore to uje ore catecã́ri ayoré gajnúone. Jé aja oriechoquíode to. Jé u to udore ore uje ore jnari cuchade ome re. Jé u to yote pioi yuguébeode ore. Jé u to jutaréquechoquíode. Jé u to aringácachoquíode uje cachi ore gaidi tu poriquéode ome dojode ayoréo ugúchade. A ca udore ore uñeque chacája jogadi uté jne uje Dupade chácariji dáringai eduguéjna cuchape ome darasade ore.

Efésios 5:6

Yijorane uaque á, a uñane pota chãra uágome cuchade udojo, uje chiese ga ca puyaque pisijnaringuéiso udore ome Dupade. ¡Mu jé ca oyo ũréji ore aringaqué bisidégode udore! Ore gaidi tu ujetiga ore chorei uáguiji quedéjnarique ome Dupade gu. Mu que potigayaquérique déji uje Dupade ájningadatéi a tocade jne ome udore ore uje ore pésu cucha gajnaréngone udore.

2 Tesalonicénses 2:3

Jecute ajusópise uaqueo ujetiga ca paranguipise uaque. Uje cáma Yocangarádejnai di enga, a bajai u jne ujetiga jnanione iji erámi údode jnese ore tagu Dupade uruode quigode aja. Iji dirode udore enga a jnani tocade jne uje pisijnaringuéone edópise uté. U mu, Dupade imanique dimánei jnani uté qui. Enga quique obiréjnai u gajño pioi.

2 Timotéo 3:13

Mu arapatáquechoquíode, sijnángone ore a ca ore chibéro rome date gajnarenguipísode. Mu a ore isijnaringuéone chajnera dádi ome ore jne. Chamáñaje Satanás ãraque ore, enga jé basa ore chãra dojode ayoréo to.

1 Juan 4:1

Yijorane uaque á, jé ca angáchoi ore jnese ujeta ore cho Dupade uruode atatasórone iji raque. Mu adójningachopísa ore adode bajaque ujetiga Dupade Ujopié u uje déji ore gari, jeoga pujopié gajnarengue u. Uje uásejna arapatáquechoquíode uje ore déji erámone iji deréjnane unojo. Uje chiese ore garani tu Dupade ujetiga ore chatata uruode ome yoque.

2 Juan 1:7

Uje uásejna aringacade iji erámone unojo uje ore chotigase uje Jesucrísto cho ayoré iji re nanique uje díji erámone icaite. Mu gosi ujetiga chotigase Jesucrísto enga obiréjna uje aringácachoquí uté gosi. Enga Crísto etésõre uté gosi.

Apocalípsis 1:3

Pininaquei a jogadi tu jne ome gosi ujetiga naráraja darujna aode unojo gai. Chamáñaje gojñane unojo garani tupúsu Dupade gu. Mu que gusu ajirisórone ujetiga pininaquei chise ore, mu pininaquei a chise udore ore to jne ujetiga ore tangári quigode iji ajirisórone ore pijnanone enga ore doi udore quigode. Chamáñaje e idógosi diri ujetiga cucha dacadode udore jnese tocade gu.

Apocalípsis 12:9

Enga arócojna guichayai tuté jiei íode. I bajai tu Ugai. I uñai tupo Dicoré te rĩ. I uñai tupo Satanás te rĩ. Enga uté u uje chãra erámone jogosórone ore jnese. Diga uté patĩ́ora darógode ore uje ore tṍra ore aja erámone.