Lúcas 21:7 - Dupade Uruode

⁷ Uje ore chudute Jesús uruode udore ga jĩrique ore catecã́ri ome. Ga ore chojningame: –Yocacadisṍri á, ¿jé cho rique jne a, ujetiga cuchade udore tocade a? ¿Jé chopo rique cuchade gãrapiérigui jne rĩ a ujetiga di iji yoque a?–

Lúcas 21:7 Iomraidhean Croise

Daniel 12:6

Jnanione uñai cháguena yodi gai iji yote quedéjnai ajei ga iguidedie póroropísi uje iguidedie udire pipesudei iji líno póroro. Uñai uje cháguena guesi ga catecã́ri yodi ajei jogosṍri uté uje cháguena yodi gai. Ga chojninga: "¿Cho rique jetiga cucha pagutéjoragosode udore chise deruénique?"

Daniel 12:8

"Daniel uyu yudute udore quigode mu que yiraja quitique gotique. Ga jé u uje yicatecã́ri uté to ga yojningame: 'Yangaráni á, ¿Cucha tocachutígo tocade iji udore quigade jne a?'

Matéo 24:3

Jé u uje Jesús, acadigode ore chise cucarani uje i tu Olívos enga qué ore chácariji. Enga Jesús acadigode ore catecã́ri iji quedéjnarique enga ore chojningame: –Yocacadisṍri á, ¿jé cho rique a ujetiga cuchade udore tocade a? ¿Jé pãrapiérigui jne iji baríringai, erámone eruei ore yui?–

Márcos 13:14

Dupade uruode atatasṍri Daniel urusãratígo déji uje chĩ́care cucha puyaguipísi ujetiga picháji pijogate quedéjnarique jne uje que gajnei tu mu ujetiga jogadi u uté. Mu ujetiga chise dayaridi uté ga a jé jogadi u jne ujetiga e íjnoque udore charidode jnese. –Cuchade udore ajirisórone uaque á, ajusópise udore guio, ujetiga ajichopise udore quigode jnese aja quigode.– Mu ujetiga cuchade udore tocade jne ga Judéa jogonóningo iji uaque, jĩrique boyo ga ayóyome ga beyoi cucaranone enga echo.

Lúcas 21:32

Jé ũré yojñane uje cuchade udore jnese a tocade jne uje cáma ore toi iji deréjnane unojo.

Lúcas 21:6

Mu Jesús chudute ore uruode udore ga chojninga: –A chise dínique jne ujetiga ore chajnangarasipise aja tijode Dupade iguíjna cuchábi udé. Ga a ca pimópo cucaranéringui jogatique jne rĩ ujetiga chuguéja ñane gánique.–

Lúcas 21:8

Enga Jesús chojningame ore: –A yingoba quigode aja uaque jne. Mu añuchopúsu uaqueo ujetiga ca pãraque uaque. Uje a jiépisi ayorérigo ore jne ujetiga ore chósi tome uaque: "Cachi uacangarádejnai Crísto uyu arĩ́e. Beyoi ga angáchoi yu." Jeoga ore nararirásome uaque jne ga ore chojningárasome uaque: "Erámi eruei e u udé." Mu jé ca angáchoi udore gotígo ore jne.