Lúcas 21:12 - Dupade Uruode

¹² Mu ujetiga cáma cuchade udore tocade jne enga a qué ore chisa uaque bajaque jne ujetiga ore socárome uaque ga ore cho damajo uaque. Ga a jé u ujetiga ore jno uacádi aja judíode ore aquiningaméone ujetiga ore chaquĩ́ra uágome yadode. Jeoga ore suruábu uacabai. Jeoga ore chijna uágaja ore eduguéjna cuchátigo ujetiga uacabade u yadode ujeta atatayo.

Lúcas 21:12 Iomraidhean Croise

Matéo 22:6

Mu ibididique uñane ore chisa eduguéjna cuchátique irótigo. Enga ore chujé ore údode, jé aja ore úringáringo toque.

Matéo 24:8

Mu taningami qué su ome cuchadatéode uje a pésu erámi unirisórone ore ujuredie jne.

Lúcas 21:11

Ga a jnupe tãrarachutígo chise uaque to. Jé aja chaguhéode ujetiga socárome uaque. Jé aja dequejnaréquedatérigo rĩ ujetiga tṍraji dajñarenie ome uaque. Jé basa ga cuchárigo a tṍraji gaté to jne ujetiga cucha pimojma ujetiga chajuque ayoréode uacagutedie iji jnumi tudé jnese jne.

Juan 15:20

Ajnusináño yacajnaqué casodica uje yojninga: "Que togome uñeque irótique ujetiga sué darósõri gai." Ujetiga jé ũré enga ore umajo yu enga a ore cho damajo uaque to. Jé basa ga ujetiga ore doi yacajnaquéode quigode enga a ore doi uacacajnaquéode quigode to.

Juan 15:21

A ore cho damajo uaque gu yadode. Chamáñaje que ore chiraja yirósõri gosi gu.

Héchos 22:30

Dire uñai enga eduguéjna cuchábi chiroque darógode aja sacerdóteode, jé aja judíode eduguéjnane uñane ore rĩ ujetiga ore chamáta ñane enga catecãripísi ore ome Páblo bárique cucha. Chejñu ojnaquérodie iji Páblo jmanegataidie enga jno údi aja judíode eduguéjnane aquiningamei enga chijnája ore iquei.

Héchos 5:40

Eduguéjnane udore ore chimesẽre Gamaliel uruode. Enga ore tibidápoi Jesús irógode apóstol udore rĩ, enga ore chaquesu ore údode. Enga ore chãraque ujetiga ore chacate ayoréode ome Jesús adode.

Héchos 8:3

Mu Sáulo e socárome Jesús anguretasórone to. Enga chacája ore iguíjnane ujetiga jno ore údi aja ore jurúgaisórone ujetiga ore suru ore gai. Enga chátaja jnanione aja chequedíe ore.

Héchos 9:4

Enga Sáulo cṍraja jnumi enga chudute darade uje chojningame: –Sáulo á, Sáulo á. ¿Jé gotique gu a uje bo bamajo yu?–

1 Pédro 2:13

Yocangarádejnai ajéode u ujetiga yangacopísi yoqueduguéjna cuchábi iji yocuniri, jé aja uté iróquegatéode ore rĩ. Uje uté ichajapite ore aja ore jogadode gu ujetiga ore cho dajuñame ate gajnaréngone ore, enga ujetiga ore chañuru ore guio to uje ore ipesudode arécho enga ore chisi ore gáyode.

Apocalípsis 2:10

A ejnárecho uaque jne, mu ca atodóyo yui jne. Chamáñaje Satanás a chetingare uacanguretigade jnese jne gu. Enga a ore suru uacuñane gáyode jne iji soldádode iguíjnane. Mu a ejnárechopise uacajnéone petingaquéo udore jne jé aja díningo ujetiga chejna yijmanáyone. A ore chujé uacuñane jne mu ujetiga gosi jno danguretigai údi jne ome yu jé aja datoringárique, enga jogadi a u jne ujetiga yẽrája uté gosi. Enga a yerani u pucuecaringué eyúgojmai jne ome uté gosi.