Lúcas 20:8 - Dupade Uruode

⁸ Jecute Jesús chojningame ore: –A jé yi uacajmapié jne uje a ca yichajnai uágome yúringai piroque uje yipésu cuchade udore jnese aja quigode.–

Lúcas 20:8 Iomraidhean Croise

Matéo 16:4

Gajnarenguipíso uacadode. Que anguretáyopo Dupade gotique rĩ. Chamáñaje uacatáyoi yu ome yipesutique cuchadaté. Mu a ca yujuéga ome uaque jne. Gusu ujetiga amóño yisocai to jne uje jé u jnani bajai Jonás isocai to nanique.– Enga Jesús noñome ore iji te jmete enga jno.

Matéo 21:27

Jecute ore chajnai Jesús uruode enga ore chojningame: –Que yirajágo gosi ujetiga iroque Juan nanique uje chaca ore edodie iji yodi.– Jecute Jesús chojningame ore: –Yisocai jé u to. A ca yingo gosi uje iroque yu aja yúringa dacasuté jne ome uaque.–

Márcos 11:33

Jecute ore chojningame Jesús: –Que yirajágo gosi ujetiga iroque Juan uté.– Mu jé basa Jesús chojningame ore: –Jé cho yu, a jé yijna uacajmapié to ga a ca yingome uaque jne yipesudode udore guẽrasṍri.–

Lúcas 20:7

Jecute ore chajnai Jesús uruode ga ore chojninga: –Que yirajágo gosi ujetiga chiroque Juan ome ujetiga chaca ore edodie iji yodi.–

Lúcas 20:9

Enga jĩrique Jesús catecã́ri ayorébui enga chacãra dacajnaquéode aja jnani uje irógode chujé abi. Enga chojninga: –Jnani déji nanique uje chaca úvadie iji dejnai. Mu quigade enga pota chicai punire uñai. Jecute catecã́ri jnanione uñane ujetiga ore chirote guejnai. Mu ujetiga e chise diri ujetiga ore na acadie enga ore tẽra uéchai ome raque. Jé basa ore chañuru uéchai uñai oredie guio ome guejnasṍri. Diga uté e jnome daquitique erãpe enga iyajmánguiji.

Lúcas 22:68

Ujetiga yicatecã́ri uaque ome cuchárique, mu a ca achajnáñorasi yuruode. A ca arañopórasome yu jne rĩ.