Lúcas 20:5 - Dupade Uruode

⁵ Jecute ore botare ñane uje que ore chiraja daru quitígome. Ga ore chojningame ñane: –¿Jé yocorási ringome a? Ujetiga yojnicórasa: "Dupade iroque Juan aja nanique," mu a chojningárasome yoque gajneri: "¿Gotique gu a uje a ca ejnáño uágaja nanique ujetiga anguretáyo to a?"

Lúcas 20:5 Iomraidhean Croise

Matéo 16:7

Jesús acadigode ore chojningame ñane: –Chimo jóroque re ujetiga chĩ́care arurégode bisidi gu uje que yijnójo arurétigo.–

Matéo 21:25

¿Gosi iroque Juan el Bautísta nanique a ujetiga tṍra ore aja yodi? ¿Jetiga Dupade urúo nanique, jeoga jnaníringo ore urúo a?– Jecute ore botare ñane uje que ore chiraja daru quitígome. Enga ore chojningame ñane: –¿Jé yocorási ringome a? Ujetiga yojnicórasa: "Dupade iroque Juan el Bautísta nanique," mu a chojningárasome yoque gajneri: "¿Gotique gu a uje que ejnáño uágaja nanique enga anguretáyo uté to?"

Lúcas 20:4

¿Jé gosi iroque Juan casicaite ujetiga tṍra ore aja yodi nanique a? ¿Jetiga Dupade u, jeoga jnaníringo ore u a?–

Lúcas 20:6

Mu a yojnicórasa gajneri: "Cachi jnanione ore iroque Juan aja," ga a ayorébui chaguhetarase yoquibai gajneri. Ga a ore chimitingarirase yocúdode gajneri ome cucaranenie. Uje a ore changuretapise gu Juan casica ome úringai Dupade iroque ujetiga chatata Dupade uruode ome ore.–

Juan 1:30

Mu Juan jé jno dacatecãraitigade údi ome ore enga chojninga: –Yojningai jé u uté uje a di jne iji yiquigade mu sué yibai ome úringai Dupade utocaite. Mu uté jé jogate nanique uje cáma yibase.

Juan 1:34

Uje e yimo enga uté pijogúsõre yu to. Enga yingome uaque uje Dupade abipísi u uté.–

Juan 3:26

Juan acadigode ore tibágui Juan enga ore chojninga: –Pacadisṍri á, jé ca adute to a uje jnacari uje chise ua iji tié Jordán uéchamitó e chaca ore edodie iji yodi to. Yocojningai u uté uje bacate yógome ica. Enga ore jnese e ore tangári uté.–

Juan 3:36

Ujetiga gosi changureta Dupade Abi uté gosi gajneque pucuecaringué eyúgojmai. Mu gosi ujetiga ca pota changureta Dupade Abi a ca uté gosi chimo dacuecaringué ichai uté jne. Mu uté gosi a chimo Dupade ujuyaquédatéi ome re jne.–

Héchos 13:25

Uje Juan e chimanirase dajnéone Dupade iroquéo enga chojningame ayorébui nanique: "Uacajoso ati uacaquetangóri u yu. Mu que uyu u go. Mu a di jne iji yiquigade. Enga a uté suépise yibai jne ome dáringai Dupade utocaite."