Lúcas 2:9 - Dupade Uruode

⁹ Ga ore chuniname eti Dupade utocaidode gateminore uñai chiqueta raja ore enga chijninguese ore gai. Chamáñaje Dupade ijningueñai nóna iroi aja ore gu. Enga chajuque áyasadie irodisórone agutedie enga ore todópisa.

Lúcas 2:9 Iomraidhean Croise

1 Reyes 8:11

Enga gue abuja uaté pésu ga que togome Dupade irógode sacerdóteo ujetiga qué ore chisapo cucha pisatı́guiji Pangarádejnai iguı́jna cuchábi ajei nanique rı̃. Uje Pangarádejnai ingoningájnai e irágupúsu daguı́jna cuchábi uté ajei gu.

Éxodo 16:10

Ga Aarón doi ga catecã́ri Israel ájnape disi ejode ore, mu uje qué catecã́ri ore ga jogadi u uje Israel ájnape disi ejode ore chajire garáijnane qui ga ore chimo gue abuja cuchabé ga Dupade ingoningájnai pijoguipı́siji gue abuja uaté.

Matéo 1:20

Mu José qué cho dáyugu re eti Dupade iroi gaté unirísõre chiqueta raja iji imoi. Enga chojningame: –José a, David ape disi ejo a, ca o báyugu ua. Enga ca etaque bajma María. Enga ca aya. Uje Dupade Ujopié Espíritu Sánto ipesute uaté abi iji ajei.

Lúcas 1:28

Enga Dupade utocaidi chacája María gari iji jogadi. Enga chojningame: –Qué yibágui ua, María. Dupade ajegaidé ua iji bojodie chequei ujade. Enga Dupade déji bari iji de.–

Lúcas 2:8

Enga áyasadie irodisóningo déji Belén ejórique uje ore chirote dachidédie iji dejade.

Lúcas 24:4

Enga jé u uje chajuque ore agutedie. Uje que ore chimo uté atíguiji go, ga a ca ore chiraja dasocáringome raque. Mu diga ore chajire dejoi mu ore chimo jnacare gáreode iji uje ore iguidedie chijninguese te.

Juan 12:41

Jnani bajai Isaías urúo udore gu uje chimo Jesús ingoningájnai nanique enga uruode udore júdi u Jesús.

Héchos 12:7

Pédro chuningame eti Dupade utocaitique chiqueta raja enga díreca guiguíjnai ajei uje Dupade utocaidi díji ore gu. Enga Dupade utocaidi uté chisa Pédro orotabidode ga chiringare enga chojninga: –Pédro, aguito enga ãriji.– Enga jĩrique ojnaquérodie basíji Pédro jmanegataidie.

Héchos 27:23

Uje Dupade iroi gaté unirísõre uñai chiqueta raja yu que iji dejai udé. Yajnesṍri Dupade chiroque uté aja yu. Chamáñaje yiji Dupade uté iroquéode gu.

Héchos 5:19

Mu dejaque ga Dupade utocaidode gateminore uñai, chuchẽre guiguíjna piagoi gai enga jno ore údi aja guesi.

2 Coríntios 3:18

Jecute uje e yanguretágo Jesucrísto ga e que chopo rĩ ujetiga qué yacógo borapei tuté yoquedodie yui gai. Mu yocajnui tu ajicarani uje obiréjna Yocangarádejnai ingoningájnai tiji yoque. Jecute Yocangarádejnai uté jé chosi dangoningájnai tiji yoquíode iji dirode jnese. Jecute uté ingoningájnai chise yoque ga jé yoco uté ome ingoningájnai. Enga que yoquipesute udore go, mu Yocangarádejnai uje Dupade Ujopié jé upúsu uté ipesucho udore ome yoque.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

1 Timotéo 3:16

Jé ũrepise yu uje cuchadatei u Dupade adode ome erámi unirisórone uyoque uje yanguretágo. Mu que pirajaque udore quigode ome ore jnese go. Mu quiguipísi tu unojo: Dupade pésu re enga ayoré to nanique enga chingo raja erámi unirisórone. Ujopié Espíritu Sánto chajo raja uje ũrepise uté. Dupade irógode gaté unirísoño ore chimópise adode to nanique. Ujnomei chubu erámi enga erámi unirisórone iji erámi údode ore changureta. Mu diga poite uté aja gatajnoquei enga e pijógapo cutejmai ingoningájna rĩ.

Hebréos 12:21

Iquiyiringuetáguipíse ore imone cucha udore nanique to. Jé ũré uje Moisés todópisa to, enga chojninga nanique: "¡Yitãrara ome yisadodéringai!"

Apocalípsis 18:1

Quigade enga yimópo Dupade iroque uñai rĩ uje ujopíeranguipíse uje tṍraji gaté. Enga uté chijñate erámone gai jnese ome dangoningájnadatéi.

Apocalípsis 20:11

Enga yimo piyaripi cuchábi uje póroropise. Enga yimópo charipísõri to rĩ. Enga yimo to uje jnumi, gaté ore íjnonguiji uté iquei bisideque. Chamáñaje que ore charitique cuse gu.