Lúcas 2:51 - Dupade Uruode

⁵¹ Mu udojo quigade ga nóna ore aja dajei uje ore chajni aja Nazaret. Enga jecucha ga tangaripísi ore. Mu daté que chicadígui cuchade udore iji dáyipie.

Lúcas 2:51 Iomraidhean Croise

Génesis 37:11

Mu jé ate uje dayé chijnorapise José enga jecucha ga áyipie que chiramurase José uri casodica iji dajei. Mu José uyade ore chiraja dayé ijnoraquei ome uraque dayai enga ore charatáyipísome dayé irasitigai tome uraque desai José.

Sálmos 119:11

Yujuse baruode guio iji yáyipie, uje yigaidi u gu jeta jé ca yipésu cucha gajnarétique ome ua.

Daniel 7:28

"Yujúdode udore eruei u udé. Daniel uyu u uje áyuguhebátaque yu ga yiserẽrája iji udore jmainie, mu que yatata udore quigode ome yujórique ayoré gotique. Gusu uje yurúsãre udore quigode iji aode udojo."

Matéo 12:46

Jesús cáma chejna dacajnaquéode guesi mu daté, jorane ore di mu ore cháji guesi. Enga ore pota jeta ore catecã́ri Jesús.

Matéo 3:15

Mu Jesús chojningame: –Areque ujetiga yipéco Dupade áyipiedie jnese. Jecute jé tiógara ujetiga aca yedodie iji tié.– Enga Juan chojningame: –Jé areque.– Do gojni enga chaca edodie iji tié.

Márcos 1:9

Uje qué Juan chacate ore ga Jesús chise ore to iji dirode udore. Enga tṍraji ore idai uje i tu Nazaret uje déji ore uniri Galiléa. Enga Jesús chise Juan ore ga Juan tṍra Jesús aja yodi iji tié to uje i tu Jordán.

Márcos 6:3

Cachi María, José ore ujnacari u uté arĩ́e uje poridie irábesṍre to. Enga Jacóbo, José, Júdas, Simón ore uyai u uté. Ga uté neronie déji udé to yoquidai, ga yocurása udire ore to.– Jecute ore popísaja Jesús uté enga que ore chise acajnaquéode unétique go.

Lúcas 18:37

Enga ore chojningame: –Cachi ore ichorájnai gajnengóri tu Jesús uje nazarétgose. E chirõre yoquidai.–

Lúcas 2:19

Mu María que chicadígui cuchade udore iji dáyipie. Mu jecucha jnusina ore ojñane udore.

Lúcas 2:39

Uje José, María ore chejna Dupade áyipiedie quigode guesi, enga jé u uje ore chajni aja dedáipisi uje i tu Nazaret uje déji puniri Galiléa.

Lúcas 4:16

Diga Jesús chajnésara dedáipisi uje i tu Nazaret uje dayode ore chimánaja gaté iji guidai uté. Enga Jesús chacate ore iji ore aquiningamei iji dire puyátique, uje adébeque gu uje chicáji ore aquiningaméone iji dire puyade. Mu jĩrique Jesús chague iji ore ajei uje imoi tu gu ujetiga naráraja Dupade urusarane.

Lúcas 4:23

Enga Jesús chojningame ore: –Ísega abóyoja yu jõ. Ga a ojnichome yu jne: "Daijná, be ga aqueta ua, jé aja barasade uyoque." Uje yuniri u udé ga a ojnichome yu to jne rĩ: "Yudúco uje baqueta ore iji ore idai Capernaúm diríca, jé go ca aqueta barasade ore iji banirípisi udé to."–

Efésios 5:21

Yujode Dupade anguresõre uaque á, ome uacáringane pajnotácho ome ñane ga oyo bajágu uacajorane ore ome cuchade. Ujetiga angachopísi ñane ga qui jé upúsu uje uacangáchoi uacarósõri Crísto uté.

1 Pédro 2:21

Uje Dupade áyipiedie u udire ome uaque ujetiga acãcho uágaja Crísto. Uacamóño uje Crísto chejnáreque re nanique ome uaque, ga jé uacajnei tu ujetiga oyo uacaba Crísto to.