Lúcas 2:44 - Dupade Uruode

⁴⁴ Ore jos eti Jesús nóna ore jorane aja dajei. Jecute que ore chucué míraque. Mu uje ore chejna dire chojmarárique iji dajei enga jé u uje ore jnusina Jesús. Enga jé u uje ore chucuesi iji dajorane ore ujade.

Lúcas 2:44 Iomraidhean Croise

Sálmos 42:4

Yujnusinamánone cucha u udojo, ga yáyipie eyugue iji jmainie: Iji dire omi casodica ga jecucha ayoré bujna uyoque yijínango ñane, ga ore cho dajñánguiji uyu aja Dupade iguíjnai uté yui. Ga jecucha yachietágoji yoquiqui uté yui ga yinguíraño yoquibijnanone aja yoquejode uje yicotágo Dupade uté aja yocajesui. Enga yipéco dire puyaque cuchábode iji uté nanique.

Lúcas 2:43

Mu uje José, María ore chejna dasocabei adode guesi enga jé u uje ore chajni aja dedai. A ore jos eti Jesús déji gague dipesei ore gari to uje ore nóna ore aja dajei. Mu Jesús a qué chácariji Jerusalén que.

Lúcas 2:45

Mu que ore chise Jesús go iji darasade ore ujade. Jecute ore chajni Jerusalén gai ujetiga ore chucué iji.

Lúcas 23:49

Mu Jesús jõráringo jnanío jnese, jé aja chequérigui rĩ uje ore chajna Jesús iji Galiléa, qué ore cháji Jesús cachodi ujetiga ore chirote iji. Mu ore ujánique cuse iji cachodi tuqué.