Lúcas 2:1 - Dupade Uruode

¹ Udojo quigade ga eduguéjnai Augústo pota cénso, jecute chiroque dáyipiedie aja erámi údode ujetiga ore chisecãru ayoréode iji erámi údode.

Lúcas 2:1 Iomraidhean Croise

Ester 10:1

Ga ore eduguéjnai Asuéro ujnomeranguipise nanique ga chiroque dejnane puníño unirisórone aja nanique ujetiga ore cho doré ome jnese. Que gusu punirone udore uje ore déji jnumipísi, mu jé chuságaja dejnane pidáyo uñane to iji yote quedéjnane ajã́ronie. Ga guejnane udore pidáyo ore cho doré ome jnese uje ore dosóñime uté gu.

Matéo 22:17

Jecute angomome yoque ujetiga uerate ome judíode uyoque ujetiga yoco oré rómagosode ore eduguéjna cuchábi ome impuéstos, jeoga jé ca yoco oré.–

Matéo 24:14

Enga a ore jno Dupade ujnomei údi aja erámone jnese jne uje ore potapísa gu ujetiga erámone unirisórone ore chiraja uje Dupade pota cho darása iji ore. Enga eruei a u jne.

Márcos 14:9

Jé ũrepise yu ome yuruode udojo quigode: ujetiga diga ore jno yujnomei údi ome erámi údode jnese ujetiga ore chimate erámi unirisórone aja ore úringáringo piquetacho, mu a jé jogadi tupo jne rĩ ujetiga ore chatata chequé uaté úringáraque ibijogue ome dacaniratiguéode udojo ome yu. Ga a ore jnusinamané uaté gatuaque to jne.–

Márcos 16:15

Enga jé jogadi u uje chojningame ore: –Boyo jne ga angoño yujnomei tome óriji erámone údode jnese jne, ujetiga ore chise dáringáringo piquetacho jnese to jne.

Lúcas 2:3

Enga jé u uje ayoréode jnese ore chajni aja dabatigade punire ujetiga ore churúsãre déode iji, ujetiga ore chisecãru ore iji.

Lúcas 2:5

Enga José, María ore nóna ñane aja Belén ujetiga ore churúsãre déode iji uté. Uje José jé gajmato María. Mu María ica déji ajei.

Lúcas 3:1

Iji dirode udore ga Tibério e chise sequeredie uje chejna yirídai ome dáringai eduguéjna cuchape. Enga uté ipesute darasade ore úringanie dacasuté uje urasade ore ero tu gu. Enga chorei Póncio Piláto iji judéagosode ore ujetiga ore cho deduguéjna iji. Enga chorei Heródes iji galiléagosode ore. Enga chorei Heródes jõrai Felipe iji ituréagosode, traconítegosode ore rĩ. Enga chorei Lisánias iji abilíniagosode ore.

Héchos 11:28

Udore uñai i tu Agábo enga uté chague iji dojode Jesús anguretasóño ajei. Enga chingo ore uje chaguhérigo a di jne iji erámi údode jnese. Chiraja udojo gu uje Dupade Ujopié Espíritu Sánto chingome. Enga jé ũrepise uje atatagode udore tocade uje ore eduguéjnai u Cláudio.

Héchos 25:11

Ujetiga jec ũré yibárique u cuchadatei enga que yãraque yu ujetiga ore chujé yu. Mu ujetiga cachi ore chaguhéta cuchade yibai enga que ese udore ore atatagode úringane ũréo enga que tiógara go ujetiga pẽrate yu ome judíode ore. Yipotigádi u ujetiga rómagosode eduguéjna cuchábi emperador chajire yadode aja quigode.–

Héchos 25:21

Mu Páblo pota jeta rómagosode yoqueduguéjna cuchábi emperador Augústo chajire adode aja quigode. Jecute qué yaquĩ́ra iji úringai pujurúgai iji de, jé aja diri ujetiga yorei iji Róma.–

Romános 1:8

A qué yiji yuruode údi ome yijorane uaque, mu bajaque ga yipota ujetiga arajáyo to uje yicatecã́ri Yangureni Dupade iji Jesucrı́sto i, enga yacãre uté gai ome anguresórone rómagose uaque jnese iji uaquedai uté. Chamáñaje uacajnomei chubu erámi údode jnese gu, uje ũrepise uágome uacanguretigai iji Jesucrı́sto uté.

Filipénses 4:22

Dupade anguresórone ore jnese iji ne, jé aja rómagosode ore eduguéjna cuchábi irógode ore rĩ, ore pota to jetiga adúcho to uje ore irasiguipise uaquei to rĩ.