Lúcas 19:9 - Dupade Uruode

⁹ Jecute Jesús catecã́ri ayorébui ore iji dejode ga chósi tome ore: –E yipáñangopísiji uje jnani tuté úringai piquetaque chise iji de deréjnai. Ga a chisápo uté jogasui ore to jne rĩ. Uje ore gãrapi tu jnani bajai Abraham gu.

Lúcas 19:9 Iomraidhean Croise

Lúcas 13:16

Mu chequé tuaté tagúripísi gai ujeta piqueta iji dire puyai. Uje Satanás utocaidode chigaru údode. Ga jé tiógara ujeta piqueta iji dire puyai. Uje uacarajáyo uje yocai jnani bajai Abraham ape disi ejo uaté to. Ga chequé tuaté ejnaréngone e iyajmácho iji uje guejnanie sequeré e gadióguiji yirídai uñai uje chisa. Ga cucha ueradi tu ujeta piqueta iji dire puyátique.–

Lúcas 13:30

Mu Jesús chojningame ore: –Adójnacho uje a uacuñéngo déji jne ujetiga ibijoque uaque iji udé, mu a ca ibijoque uaque to iji jogadi uté jne. Jé basa ga uñéngo ore déji jne uje que ibijoque ore to, mu a ibijoque ore jne jeta ore chise Dupade iji úringai eduguéjna cuchape jogadi uté.–

Lúcas 16:24

Jecute tibidi ga chojninga: "Yapá, Abraham, yajéode u ujeta qué osõrape yu. Ga arógape Lázaro aja yu ujetiga chaca dajmané iji yotique ga chutape yibijnani. Uje yisa yibade iji udé gu yebiedie ome pióquedatéi ocaraidie udaji gu."

Lúcas 16:30

Ga jé u uje jnani atai tuté chijócha Abraham ajei údi ga chojningame: "Yapá, Abraham, jé ũrepise ua, mu isocai jé urásu ujetiga ayoré totique chisírase ore ga a jé ore tangárirási uté gosi ujetiga ore cha dapesute gajnarétigo."

Lúcas 2:30

Uje e yimópise ome yedodie yoquiquetangóri uje disabi sudé su.

Lúcas 3:8

Juan chojningápome ore rĩ: –Ajusópise uacatígo guio ujetiga pimo uacasoca arétigo uje uaquecãcho uacadode. Enga jé ca ojnichome ñane: "Jé areguipise yoque arĩ́e uje jnani bajai Abraham ape disi ejo yoque." Mu que quigode u gotique. Ujetiga Dupade ajéo ga a pesurásu cucaranéringui to ga ore gajnunie urásu Abraham ape disi ejode to.

Romános 4:16

Jecute Dupade pésu ga yocajneque ingoméone cucha omío ome panguretigai uté. Gaidi tu gu ujetiga choqui guesi uje que tṍraji yocangoninguı́teguesáringane ome Moisés urusarane cucha puyácho udore, mu garani jé upúsu Dupade icaniratiguédatéi uté. Ome uté adi uté, ga Dupade chajo raja uje ingoméone cucha ome Abraham a chuságaja ájnape disi ejode jnese jne uje panguretigai déji ore. Enga qui tu uje que gusu ome Dupade anguresórone judı́o uyoque uje yajnángo Moisés urusarane cucha puyácho quigode, mu chapuse purása quedéjnane jnese aja to uje ore chirate Abraham aja anguretigai. Jecute yoco yocaji Abraham uté jnese ome yocanguretigai uté iji Dupade edominone.

Gálatas 3:14

Crísto pésu cuchade udore gu ujetiga Dupade uruode ome Abraham tocade uje chojninga: "A purása quedéjnane gajneque yosongaquéode jne." Jecute Jesucrísto anguresórone uyoque jnese yocajneque Dupade Ujopié Espíritu Sánto to uje Dupade jé urúo nanique ujetiga chirógaja yoque jne.

Gálatas 3:29

Ujetiga Crísto gajneque yoque ga jnani bajai Abraham e ape disi ejo yoque to. Ga a yocajneque Dupade osongaquéode to jne uje chichaga aja yocai Abraham nanique.

Gálatas 3:7

Jecute yo quique yocai bajai Abraham ape disi ejopísode ome uaque jne: u ore uje ore changureta Dupade.

1 Pédro 2:10

Dupade cáma urása uaque nanique, mu chise diri uje cho darása iji uaque. Que cuchárique déji nanique ujetiga chosõre uaque, mu chise diri uje Dupade chosõre uaque.