Lúcas 19:4 - Dupade Uruode

⁴ Jecute Zaquéo edosare re ga jno ga chayóji ore iquei. Ga cheru pojnaque iji ore iquei ujeta chimo Jesús to uje a Jesús ajnai u dajei tuté jne gu.

Lúcas 19:4 Iomraidhean Croise

1 Reyes 10:27

Iji dirode udore ga Salomón pésu ujetiga pláta guebéode jiépisi iji Jerusalén údode nanique ga cho ujetiga pláta guebéode udore chopise cucaranépitabidie iji jnumi, uje que plátaraque chona uñeque gu. Enga jé isocai upo rı̃ ome pore orerenie uje udire i tu cédro, uje jiépisi udire to iji ore idai Jerusalén údode, enga gose Salomón uté. Enga udire batigai e cho pore gajnarénguenie higuéra batigai uje udire piéjna orónenie údode iji ore uniri Judá uté.

Sálmos 78:47

Uté chejna ore acade erejna quedéjna ome ebe cuchábedie, ga ébedíe upo rĩ uje chejna poridie uje ore i tu higuéra.

Lúcas 17:6

Mu yocangaráni Jesús chojningame ore: –Ujetiga atíãpe uacanguretigátique múñi, ujetiga gajnua tu cucha ajñu atíãtaque uje i tu mostáza, mu a jé cuchárique tṍraji. Ga a uacarúrigo tocaderase ga a ojnichórasa ome pore cucháberaque: "Be ga écãre bajogatíguiji de, ga jé ayábiji yote quedéjnai ajei." Ga a uaté dorási uacuñeque urúrigo quitígo.–

Lúcas 19:3

Enga jnacari tuté potapísa ujeta chimo Jesús to. Mu que togome uje catadape Zaquéo gu. Ga ayorébui irágu ejode.

Lúcas 19:5

Uje Jesús chise Zaquéo tiógarei mu jĩrique chajire gaté mu chimósi iji. Enga Jesús chojningame Zaquéo: –Zaquéo á, be jnumi to ga aguito iji jnumi yui. Uje yipotigádi u gu ujeta qué yiyáji baguíjnai to iji de deréjnai.–

Lúcas 5:19

Mu a ca togome ore ujetiga ore nája guiguíjnai ajei uje ayoréode ore chapédugu guiguíjnai ajei gu. Jecute ore cheru guiguíjnai ome. Ga ore pésu guiguíjnai ójo edóraque iji gaté ga ore na ayoré ejnarétai aja damané edo. Ga ore chiramurase ome ducarigode iji ayorébui ajei aja Jesús iquei.