Lúcas 19:12 - Dupade Uruode

¹² Ga chósi tome ore: –Jnanírique déji nanique uje ataque jogasui ore jnese. Diga eduguéjna cuchábi tibidi uté uje déji idáidatéi uñeque. Enga chojninga: "Acáji de ga yipésu ua ujetiga ese báringai eduguéjna to jne. Quigade enga a ajniápo aja bedai jne rĩ."

Lúcas 19:12 Iomraidhean Croise

Matéo 21:38

Mu uje jnanione udore ore chimo ujnacari uje e chicáji ore yui enga ore pésu dáyipiedie ome uté. Enga ore chojningame ñane: "A uté dayé toi jne, enga ujnacari uté gajneque jnumi uné jne. Yicoi enga yujégo jne, enga yocajnenguipise jnumi uné jnese jne."

Matéo 28:18

Jé u uje Jesús sose ore yui enga chojningame ore: –Yai Dupade e tẽra yúringa dacasuté ome yu iji guéode, erámone ore jnese.

Márcos 12:1

Jecute Jesús chacate ore gaté mu chacãra dacajnaquéode aja cuchade. Enga chósi tome ore: –Jnani déji nanique uje chaca dacadie úvai iji dajuyaquéode ajei. Mu jé u uje pésu guiguíjnarique ome dacadie udire ujetiga chijose úva udire adie iji ajei. Jecute pésapo cototé gajnúraque rĩ ujetiga chicha irodisóningo aja enga ore chajire udire ejode. Mu quigade ga jnani uté chajuguína dajnepídi uté aja darógode uñéngo ujetiga ore chajire dajnepítigo guejnai tuté yúode. Mu ujetiga diga ore na acárigui árigui ga ore chajuguína oredie ome ñane, jé aja ore irósõri to uje gajnei úvadie udire. Ga jé u uje uté jnome daquitique ome pachamite quedéjnarique.

Márcos 16:19

Uje Jesús chejna daruode udore guesi ome ore ga jé u uje Dupade jno údi aja gaté. Mu uté quítequiguíji Dupade ãrachua ga cháji iji dirode udojo.

Lúcas 20:9

Enga jĩrique Jesús catecã́ri ayorébui enga chacãra dacajnaquéode aja jnani uje irógode chujé abi. Enga chojninga: –Jnani déji nanique uje chaca úvadie iji dejnai. Mu quigade enga pota chicai punire uñai. Jecute catecã́ri jnanione uñane ujetiga ore chirote guejnai. Mu ujetiga e chise diri ujetiga ore na acadie enga ore tẽra uéchai ome raque. Jé basa ore chañuru uéchai uñai oredie guio ome guejnasṍri. Diga uté e jnome daquitique erãpe enga iyajmánguiji.

Lúcas 24:51

Mu uje chejna dacacãrátigade udojo guesi ga noñome ore, ga jno ga chicai gaté.

Juan 18:37

Jecute Piláto catecãrápoi rĩ ga chojninga: –¿Jé ũré ua ya ome báringai eduguéjna cuchape?– Enga Jesús chojninga: –Ejẽ́. Jé ũré baruode uje eduguéjna yu. Mu yibase nanique gu ujetiga yingo cucha uréone ome erámi unirisórone ore. Enga cucha uréone ijnorasórone ore jnese tangári yacajnaquéode quigode.–

Héchos 17:31

Dupade e chimate diri ujetiga pajirique erámi unirisórone yocadode aja quigode iji jne. Enga e chimate dajegaidi jnani to ujetiga chajire yocadode aja quigode. Ũrepise uté jne enga a ca cho parágome dajirigode udore ujetiga pésu yoquiquigode. Enga que potigayaquérique déji uje Dupade ajegaidi uté u Jesús. Chamáñaje toi mu Dupade chiquetápo uté rĩ iji itoringai ujetiga úringai Dupade utocaite obiréjna ome yoque.–

1 Coríntios 15:25

Uje Crísto e gajneque erámone ujetiga chijocase, enga a jé chuságaja jne ujetiga dayé Dupade sué uté umajosórone gáyode jnese.

Hebréos 9:28

Isocai jé u Crísto. Uje toi enga chojmára enga chisi ome re ujetiga pĩroque yoquisijnaringuéone. Quigade enga a diapo jne rĩ. Enga diringane gare uje chise erámi. Bajai u nanique ujetiga chĩro pisijnaringuéone. Mu diringai ejoi u ujetiga chiqueta uyoque jnese jne uje yiroco yui.

1 Pédro 3:22

Enga yirajágo uje Yoquiquetangóri Jesucrísto uté jnome gaté nanique enga e cháji Dupade ãrachua. Enga e sué gaté unirisórone ore gáyode jnese, jé aja dacasutedie, pujopiedie ore jnese rĩ.

Apocalípsis 1:7

¡Adójnachopísa yuruode! Uje Crísto a di jne, enga gue abujáraque oidája jnumi jne. Enga a ore chimo Crísto uté jne aja jnumi, jé aja udore ore to uje ore ichajuque nanique iji curesei gai. Enga a erámi unirisórone ore jnese iji dedáyode a ore popise jnese jne ujetiga ore chimo. Jé ũrepise yu ome cuchade unojo, enga a tocade jne enga a jé upúsu yuruode unojo quigode jne. Amén.