Lúcas 18:9 - Dupade Uruode

⁹ Enga Jesús qué chacate ore mu chacãra dacajnaquéode aja cucha uñeque. Uje chimo ore gu uje ore chicotapise raque ome dáringane ayoré caniracho. Mu ore dojnóngapísaja dojode ayoréo.

Lúcas 18:9 Iomraidhean Croise

Provérbios 30:12

Ayoréode uñane ore josipis eti jé ca ore iñóñaringuetíque cusosi, mu que pejnaque cucha dacadode udore aja guetíguiji udore ore, ga jé ore ate noñángone qué jogate ore gatuaque.

Lúcas 10:29

Mu qué Moisés urusarane atatasṍri uté chajo raja Jesús ujetiga qué botárapo rĩ. Ga chojningame Jesús: –¿Jé gosírase a jeta yujuse guio a?–

Lúcas 15:2

Jecute fariséode uñéngo aja Moisés iroquéode atatasóningo ore dojnóngaja Jesús ga ore chojninga: –Cajicho to uje uté que tagu dejórigo ome cucha gajnaréngone ipesungórone ore ga chacásõra ore iji ore agápidóde to rĩ.–

Lúcas 16:15

Mu Jesús chojningame ore: –Yirajágo jnese uje ayoréode ore chicota uaque ome uacáringáringo jnani parácho mu que ore chiraja uacáyipiedie. Mu gusu Dupade uje chiraja uacáyipiedie jnese. Mu Dupade guetétiga ujetiga oyo ayorédatéi iji uaque.

Lúcas 18:11

Mu fariséo u uje chisi dabai ome dacatecãraitigade uje catecã́ri Dupade ga chósi te: "Dupade, yacaranguipis ome ua uje que yo yujórigo ayoréo. Uje oriechoquipise ore. Ga jecucha ore chécãre dacotedie rĩ uje que ore cho daja ome date gajnaréngone. Ga ore gajnui u jnani tudé uje déji yari iji de uje yoqueduguéjna cuchábi utocaite uje utaidé ore iplátadie.

Lúcas 19:7

Mu uje ayorébui chimo uje Jesús dejéna Zaquéo aja daquigade enga jĩrique ore poja. Enga ore chojninga: –Jé go uje Jesús pota nóna ayoré sijnanguipísi ujetiga chácariji iguíjnai.–

Lúcas 7:39

Mu fariséo uté uje inejéramáite Jesús que, chojningame re iji dajei: "Ísega ca Dupade uruode atatasórone jõra uté jõ. Uje que chimo chequé uaté ipesute gajnaréngone. Ujetiga chiraja enga a ca juégarása ujetiga pijocayaque ome uaté. Ga a chijócãrirase uaté iji dejode."

Juan 8:48

Jecute judíode ore chojningame Jesús: –¿Ja ca ũré yoque a? uje yojnicome ua: "Yoquetégode samáriagosode uñai u ua. Enga Satanás utocaitique déji bajei."–

Juan 9:28

Jecute judíode ore pojna edopari údode enga ore chojninga: –Bajegaidi u ujetiga be uté uruode quigode. Jé basa uyoque ga yicoi jnani bajai Moisés iroquéode.

Juan 9:34

Mu ore chojningame edopari uruode: –Basijnaringuéone u uje pésu ua ica enga edoparique ua aja guesi iji baté. ¿A ca ajéngome yoque to a? Uje bapota jeta acate yoque to ome cuchade.– Jé u uje judíode ore angaránone ore tṍra edopari aja guesi iji daquiningamei guiguíjna.

Héchos 22:21

Mu yocangarádejnai Jesús chojningame yu: "Bo ga bo. Uje a yorei ua iji tiiii jne. Yigaidi u gu ujetiga acate purása quedéjnane ome yadode."–

Romános 10:3

Uje que ore chirajapise Dupade uruode quitique uje chĩ́care gosi isocai jeta chise dáringárique ujñapetaque ome Dupade uté. Enga ore chucué jórogui dasocárique ome re ujetiga Dupade chorase ayoré ujñapetáguiji ore gu ore ipesudode dacho. Jecute jé qui tu uje ore chó Dupade uruode gai, uje que ore juéga re ome cucha ujñapetade quigode uje garani tu uté.

Romános 14:10

Jecute ome ua, ga ¿cuchárique u gu a, uje bacué bojórique Jesús anguresõre uté iyoguérique? Jeoga ua, ga ¿gotique gu a uje babója bojórique Jesús anguresõre uté to? Dupade gajnepídi tupúsu arĩa ujetiga pésu dáyipie ome yoquisocade udore jnese. Uje a yugúcoji uté iquei jnese jne, enga a yingongo yógaja uté jnese jne iji ajiripídi jogadi uté. Enga uté a chajire yocadode udore aja quigode jnese jne.

Romános 14:3

Mu ome gosi uje chapuse dameserane cucha pibose aja jnese ga, jé ca uté pojárasa uté gosi uje chãraque re ome cucha pibosode uñane úringáringo pibose. Jé basa ga uté gosi uje chotigase jetiga Dupade juéga cucha pibosode uñane ome re ga, a jé ca chorase máranguiji uti uñai uje juéga cucha pibose ponáyone úringane pibose ome re, uje Dupade u uje e chimesẽre udore jnese gu.

Romános 7:9

Ome Páblo uyu iji yucuecaringué casica ga agúpurai yu ome Moisés urusarane cucha puyácho iroquéode udore. Enga que yo yáyugu yu iji deréjnane udore ome yisijnaringuéone gotique nanique; jé basa ga quene yiraja Dupade garéngone cucha ome Moisés urusarane cucha puyácho nanique, enga e pijógome yu uje yajneque pitoringai ome yiyógayode Dupade iroquéo udore.