Lúcas 18:1 - Dupade Uruode

¹ Jesús qué jno dacajnaquéode údi ga chósi tome ore: –Acatecãchoi Dupade gatuaque enga ajóyo uágaja uacacatecãraitigade.

Lúcas 18:1 Iomraidhean Croise

Sálmos 102:17

A uté tangári ayoré jmataguipísode ore icatecãraitigade jne ga chajnai udore ore; enga que chujna ore icatecãraitigade quigode udore gotique.

Sálmos 27:13

Mu yanguretapise yui jeta yimo Pangarádejnai uté átegoningáne ome yu iji uecade ore jogadi udé erãpe.

Sálmos 65:2

Picatecãraitigade Angarásõri á, ayoré ponáyone jnese a ore tibágui ua jne.

Sálmos 86:3

Be ga osṍrape yu, Pangarádejná, uje yibidi ua iji deréjnai údode.

Jonás 2:7

E yapu yu ga quene yáyipie doi ua ome yu, Pangaradejná, Dupade á. Uje yicatecã́ri ua iji uté, mu cho ujetiga yuruode tibágui ua iji baguíjna cuchape iyiejájnai.

Lúcas 21:36

Jecute ajuso uaqueo ga dimane uágome yiríringárique yui. Enga ca oyo uacaja ujetiga acatecãchoi Dupade iji deréjnane jnese ujetiga apíchome cuchade udore jnese jne ujetiga chise uaque. Acatecãchópoi Dupade rĩ ujetiga ca agutúyo uágome Dupade utocaidi uyu jne ujetiga agúsoi yiquei.–

Romános 12:12

Beyoi ga anínañopúsu uágome uacangurenone cucha yúode, uje uneréjnapise Dupade áyipiedie yui ome uaque. Ujetiga cucha dacate gajnarétique guiyaque uaque marínga, beyoi ga adotáyopisa uágaja ome udore. Jecucha ga ajóchayo Dupade ajéode údi ome uaque gatuaque, enga ca ayáyo uacangoroné ome yui ujetiga chátaja uaque.

2 Coríntios 4:1

Jecute que yoco jṍro ome Dupade iroquéode iji deréjnane jnese. Chamáñaje Dupade chosõre yoque ga chisi ome picasitigai ome yoque ome daroquéode.

Gálatas 6:9

Mu yicoi ga ca yachógo yocátegoningáne ome Dupade ujetiga yipéco adode. Ujetiga ca yachógo yipéco udore ga a chise dínique jne ujetiga yimóngo yocátegoningáne udore adie ome yoque.

Efésios 6:18

Uje uacagúsoji uacajnéone cucha dacate udojo gai jnese, mu jé ca acadíchoi ujetiga jecucha acatecãchoi Dupade, jé iji dirode jnese gatuaque. Ujetiga Dupade Ujopié Espíritu Sánto chijocase uacáyipiedie, enga jĩraque atatayo uacáyuguhebátigade cucha jnese ome Dupade, jé aja uacajei jochaquéode cucha ponáyo udore jnese to rĩ. Uje cuchade udore déji uacáyipiedie ga ãrijínaño uaquejode gatuaque, enga jé ca abéroyo uágome uacacatecãraitigade udore ome Dupade. ¡Enga jé ca ayáyo uacangoroné ome yui ujetiga Dupade chátaja uaque! Mu que gusúrasu ujetiga ajóchayo uté ajei údi ome uaque arĩa; mu jecucha atáyoi uté ome uacojode Dupade anguretasóño uñane jnese gatuaque to rĩ.

Filipénses 4:6

Ca oyo uacáyugu uáguiji udore bisideque, mu acatecãchoi Dupade ome uacajnusiétigade jnese. Jé u uacapotigádode cucha rĩ ujetiga acatecãchoi Dupade ome udore to. Atáyoi Dupade ome cuchade, enga acãcho Dupade gai to ome guẽratígo cucha ome uaque.

Colosénses 4:12

Uacarasade uñai Epáfras dopísi Crísto iroquéode to, enga chi yiguíjna uaquei ome uté to. Uté jecucha catecã́ri Dupade ome uaque ujetiga apúyoja uacanguretigade enga ejnáño uágaja Dupade áyipiedie gaté ome uaque.

Colosénses 4:2

Jecucha acatecãchoi Dupade, enga ãrijínaño uaquejode. Enga jecucha acãcho Dupade gai to ome cuchade.

1 Tesalonicénses 5:17

Acatecãchoi Dupade gatuaque rĩ.

1 Samuel 1:12

Uje Ána iyajmé iji dacatecãraitigade gai ga Elí chose eti ore jodé yugué Ána uaté. Uje Ána catecã́ri Dupade iji dajei gu ga Elí chimo uje pijnanane cho cuyuc, cuyuc uje catecã́ri Dupade iji dajei.