Lúcas 17:7 - Dupade Uruode

⁷ Jesús qué jno dacajnequéode údi ome ore ga chósi te: –A uacuñeque dérasi ujetiga uacuñeque irótique cuse. A gosi iroi chajnirase re iji dasatígo mu que togome uté gosi ujetiga jĩrique taque.

Lúcas 17:7 Iomraidhean Croise

Matéo 12:11

Jesús chajnai ore enga chojningame ore: –¿Ja ca uacuñeque chijnimírase dachidéraque áyasa ya ujetiga basája ejóraque iji dire puyátique?

Lúcas 13:15

Jecute Jesús chajnai uruode ga chósi tome: –Táquechoquíode uaque á, ¿ga uacuñeque dérasi a? ujetiga ca chosõre dachidéraque aquirájna, jeoga búrro iji dire puyátique ujetiga chijnája yodi jeta chaningare.

Lúcas 14:5

Udojo quigade ga jé u uje Jesús catecã́ri fariséode ore ga chojningame ore: –¿Ga uacuñeque gachidéraque aquirájna basirásaja ejopiéraque, jeoga búrro, ga uacuñeque ga ca chijnimírase e? Mu a uacasocai urásu to ujetiga jĩrique ajnicho iji dire puyátique ujetiga dire puyaque múñi.–

Lúcas 17:6

Mu yocangaráni Jesús chojningame ore: –Ujetiga atíãpe uacanguretigátique múñi, ujetiga gajnua tu cucha ajñu atíãtaque uje i tu mostáza, mu a jé cuchárique tṍraji. Ga a uacarúrigo tocaderase ga a ojnichórasa ome pore cucháberaque: "Be ga écãre bajogatíguiji de, ga jé ayábiji yote quedéjnai ajei." Ga a uaté dorási uacuñeque urúrigo quitígo.–

Lúcas 17:8

Mu a uaque gosi chojningárasome darótique: "Be ga apésabu yoquibotígo ga bo údi ome yoque. Ga a yejnangorase yoquibosode guesi ga quene baque to."

Lúcas 17:26

A yiji ome uaque jne. Mu a chise dínique jne ujetiga yĩriápo rĩ. Ga a yiríringai yui gajnui ta u jnani bajai Noé ore urasade.