Lúcas 17:6 - Dupade Uruode

⁶ Mu yocangaráni Jesús chojningame ore: –Ujetiga atíãpe uacanguretigátique múñi, ujetiga gajnua tu cucha ajñu atíãtaque uje i tu mostáza, mu a jé cuchárique tṍraji. Ga a uacarúrigo tocaderase ga a ojnichórasa ome pore cucháberaque: "Be ga écãre bajogatíguiji de, ga jé ayábiji yote quedéjnai ajei." Ga a uaté dorási uacuñeque urúrigo quitígo.–

Lúcas 17:6 Iomraidhean Croise

Matéo 17:20

Enga Jesús chojningame dacadigode: –¡Chimo jóroque re uje uacanguretigai qué chonasia disabi ejnarei! Uje a atíamirase uacanguretigai marínga, enga chosi cucha ajñu atíãtaque, a jé cuchárique tõrarásiji. Enga a ojnichórasa ome cucarãte cototéraque: "Écãre bajogatique iji ne." Enga a chécãrirase dajogatique. Que cucha ibiratique cuse ome uñeque ujetiga anguretigai ũrepise ome Dupade.–

Matéo 21:21

Jesús chojningame ore: –Jé ũré yu uje yojningame uaque, ujetiga anguretáyo yu enga ca abóyoja yu, a ca gusúrasu uacapesutique uté gajnúrique. Mu a ojnichórasome cucarãte chaguesírique: "Écãre bajogatíguiji de. Enga jé ayabíji yote quedéjnai ajei." A dorási uacarúrigo.

Márcos 9:23

Mu Jesús chojningame jnani tuté: –Que cucha ibiratique cuse ome uaque gosi ujetiga uacuñeque changureta yu. ¿Ga panguretigárique déji ua ome uyu a?–

Lúcas 13:19

Mu e yiraja ore gajnui cucha. Uje Dupade isocai gajnua tu cucha ajñu atíãtaque ujetiga quene pacape. Mu sué ga poredaté iji jogadi. Ga jé u uje pijoque. Ga poredaté iji ejoi ga chugúperone basája ga pésu daguíjnane iji jmanecade.–

1 Coríntios 13:2

A yacadírase ore ome yajnéone Dupade urúpiso, enga a yirajapórase cucha pipoguiédode jnese rĩ ome cutejmai yirajatígadaté. Enga ome yanguretígadatéi a yiji enga yicatecãrirási Dupade ujetiga chécãre cucaranone jogadode, enga Dupade a dorási yuruode. Mu ujetiga pijnoraquei ca déji yu, enga cucha bisideque yadode udore jnese.

Lúcas 19:4

Jecute Zaquéo edosare re ga jno ga chayóji ore iquei. Ga cheru pojnaque iji ore iquei ujeta chimo Jesús to uje a Jesús ajnai u dajei tuté jne gu.

Márcos 4:31

Gajnua tu cucha ajñu atíãtaque uje i tu mostáza ujetiga pacáji jnumi. Uje cucha ajñua suaté atiãpísape ome ujodie cucha ajñui jnese iji erámi udé.

Lúcas 7:13

Mu Jesús chimo uaté ga chosõripise ga chojningame: –Ca abo.–

Lúcas 7:19

Uje Juan ajegaidi tupúsu ujetiga irógode ore catecãripísabi Jesús ujetiga jec ũrepise ga Crísto upúsu uje israélgosode ijnati tu uje Dupade ichagája ore nanique ujetiga chiqueta ore iji ore uniri. Ujetiga ca u go ga ore chirodape uñeque yui.

Lúcas 17:7

Jesús qué jno dacajnequéode údi ome ore ga chósi te: –A uacuñeque dérasi ujetiga uacuñeque irótique cuse. A gosi iroi chajnirase re iji dasatígo mu que togome uté gosi ujetiga jĩrique taque.

Matéo 14:29

Enga Jesús chojningame: –Be enga abágui yu.– Jecute Pédro doi jnumi tiji cucoi enga diguiji yodi gai aja Jesús yui.