Lúcas 17:3 - Dupade Uruode

³ Jecute ajusópise uaqueo. Ujetiga bojórique Dupade anguresõre pésu cucha gajnarétique ome ua, mu bo ga o uté gosi quique. Mu ujetiga uté gosi ajéo ga chécãre datígo ome ua ga, jĩrique aya bájningai ome.

Lúcas 17:3 Iomraidhean Croise

Sálmos 141:5

Ajuéga jeta jnani ujñapetátique chiqueta yedodie ga chinguíra dasatique cucha aja yu, uje chijnóra yu gu, ga que yejnáreque; uje cho aseque puyai uje panire aja yójo to, uté isocai ome yu. Mu érãtique yimesẽre cucha gajnaréngone ipesusórone udore ore jmapié noñánguenie, ga yicatecãraitigade quigode a jecucha u udore ore jne, uje yetaguipise udore ore isocade udore.

Éxodo 34:12

Enga jé ca acatecãchoi puniri uté unirisórone ore jne jeta ore pota cháta dáyipie quitígo aja uaque. Uje a udore ore gajnunie u pujuyadie jne uje ore chicháji dajuya aja uacaquei jne ga ore gaidi u jne jeta abasója enga a udore ore sué uacabai jne.

Provérbios 17:10

Ujetiga ayorérique cho ayoré áyipierã́tique quique iji ipesute gajnarétique enga gosi cho quique ga chojmára mu jĩraque uté cha dapesute gajnarétique cucha. Jé basa ayoré táyipietique jeta ayorérique cho jóroque quique gatuaque mu que cha dapesutique date gajnarétique gotique. Ujetiga gajnéone pejopo chise 100 marínga, cáma cha ate gajnarei tuté.

Provérbios 27:5

Ujeta ayorérique chojninga: "Yiraja uté ate gajnaréngone mu que yatata uje yijnorapise uté gu." Mu uté ojningai dajnoraquei que pijoque iji daruode udore. Mu ujetiga gosi chingo dojórique ayoré ate gajnarétigaja ga quene pijoque uje gosi chijnóra dojoi tuté ayoré.

Provérbios 9:8

Jecute ujetiga o ayoré ducusurérique quique ga bajnei tu uté ajei dotáningai tome ua. Jé basa ujetiga o ayoré áyipierã́tique quique enga bajnéone u uté achietaquéode ome ua.

Matéo 18:21

Mu Pédro sose Jesús yui enga chojningame: –Yangarádejná, ujetiga yujórique Dupade anguresõre gajnareque atígo ome yu enga ¿ja garijiti a ujetiga yicadígui uñeque atígo ome yu to?–

Lúcas 21:34

Jecute añuchopúsu uacadode guio. Socaseti ca anínaño yu jeta yise uáguiji uacate gajnarétigo gánique: ujetiga qué beyoi piboqueréringai adode ome uaque to, jeoga qué ójiyo yote pioi ga yote pioi yuque uaque. Jeoga yise uáguiji uacáyuguhebátigarique ome erámi jogosóningo cucha udore.

Efésios 5:15

Obiréjna uje cuchadaté uacáringane dírecaringué jongosóño, yijorane uaque á. Jecute ajusópise uacadode guio iji uacacuecaringuei udé jnese. Jé ca beyoi áyipie eyúgode udore isocade gotique, uje payuquetotiguei chonapísa ore; e mu beyoi ga jecucha ajnáño payuquetotiguei quigode iji jnumone gatuaque.

Hebréos 12:15

Dupade pota jetiga chátaja yoque. Jecute ajuso uaqueo ujetiga ca etácho Dupade úringai paraque ome uaque. Ajusópise uaqueo to ujetiga uaque gosi ca cho pore paca uje adie iringonguei. Chamáñaje que cuchárique tṍraji adie udire, mu gusu uje pésu uñane ore igajnarétigade to.

Santiágo 5:19

Yujode Dupade anguresõre uaque á, ujetiga uaque gosi cho caru ome Dupade adode enga beyoi enga oyo quique ujeta chajniápo Dupade gai rĩ.

2 Juan 1:8

Jecute ajusópise uaqueo ome aringacade udore ujetiga ca uacapesudode cucha orérigui bijna ome uaque jne. Mu jé ajóyo uágaja uacajnéone Dupade iroquéo enga a amóño orérigui jnese jne.