Lúcas 17:2 - Dupade Uruode

² Mu chojninga: –Cucha ueradi tu ujetiga pigarique uté gosi ome cucarané cucháberaque aja etabi. Ga paranája yote quedéjnai. Uje Dupade ujuyaquei a ca chajire re ome uté gosi jne uje uté gosi chacadósi disi parátagabode ome pisijnaringuéone adode gu.

Lúcas 17:2 Iomraidhean Croise

Matéo 17:27

Enga chojningápo rĩ: –Ísenga a ca yorase yoré to uje yocangaráni Dupade ape yu gu. Mu jé dóji siñeque. Que yipota gu ujeta dequeteque yocatique. Jé yoco yocoré to. Be tié enga ṍra bojnai aja enga a jĩraque ajnime oyítique jne ujetiga tagu bojnai. Enga achẽre pijnani gai jne. Enga a jé u jne ujeta ajnime plátaraque iji pijnani. Enga a jé chopise yoque jne ujetiga yoco yocoré.–

Matéo 18:10

Ca etáchosi disabi suné ujátique disape ore. Yingo uaque gu uje ore irodingórone gaté unirísoño déji Yai gari to iji guéode.

Matéo 18:14

Isocai jé u uacai Dupade uje déji gatajnoquei iji guéode uéchai. Uje que pota to ujetiga disabode sudore uñátique bijnási ome.

Matéo 26:24

Dupade utocaidi uyu a yitoi jne uje Dupade uruode jé quicho gu. Mu iyieja Dupade ujuyaquei yui ome uté uje a tẽra yu ome yumajosórone jne. Uje a ca Dupade chajire dajuyaquérigo ome jne. Arei urásu ome nanique ujetiga ca basíji erámone unojo to.–

Márcos 9:42

Jesús qué chacate ore enga chojninga: –Ujetiga uacuñeque chijna yanguresóramone uñatígaja pisijnaringuéringo mu cucha arei a jé urásu ujetiga pisaque uté gosi, ga pigarique cucarané cucháberaque aja uté gosi etabi, ga nóna cucarané cuchabé uaté aja yote quedéjnai údi. Uje pujuyaquei uté jé chajire re ome uté gosi. Jé basa Dupade ujuyaquei a ca chajirirase re ome uté gosi jne.

Juan 21:15

Ore posode quigade enga Jesús catecã́ri Simón Pédro enga chojninga: –Simón á, Jonás abi á, ¿bajnorai upúsu yu a, jeoga bajnoraquei ome cuchade udore sué bajnoraquei gai ome yu a?– Mu Pédro chojninga: –Yangaráni á, baraja uje yirasiguipise ua.– Jecute Jesús chojninga: –Ujetiga jec ũré ua ome baruode udore enga ajusípise yanguresõre ichade ore guio. Uje ore gajnunie u áyasabidie gu.–

1 Coríntios 9:15

Jecute yajnei tu to ujetiga pisi yu. Mu que yutai uñeque gotique ujetiga chisi dẽratígo cucha ome yu. Enga que yurúsãre ome uaque gu ujetiga asíyo yu iji uaquẽratígo cucha. Jé tiógara ujetiga yirasique yu. Chamáñaje yijmainie imaningone u yibosode uje yiji Pujnomé Ueradi ome Crísto údi. Enga que yipotapísa gotique ujetiga uñeque doi enga chojninga: "Cachi Páblo gaidi u yoqueranone cucha arĩ́e uje chatata Dupade uruode ome yoque." Ujetiga jé ũrérase ore uruode udore enga a yipotárasa pitoringai.

1 Coríntios 9:22

Jé cho uje yugúsiji Dupade anguresórone ore ujade uje cáma ore taya iji danguretigade, enga jé yo udore ore to. Yigaidi tu gu ujetiga ca ore chise yacajnaquéode unerotiguérique enga ore quérã iji danguretigade. Jecute yucué yajéo ujetiga jé yo yacaditígo ore jnese iji yajesúode erámio. Yigaidi tu gu ujetiga yijnime udore uñéngo aja panguretigai ome Jesucrísto to.