Lúcas 17:1 - Dupade Uruode

¹ Jesús qué cho dacadigode ore quique ome pipesute gajnarétigo atígo yui. Ga chósi tome ore: –A jecucha ga cucha gajnarétigo déji erámi jne ujetiga pésu uacajuredie ome uacapotiguérigo jne. Mu yirajágo uje Dupade ujuyaquei gajnengórone a udore u jne uje ore acadique dojode ayoré ome pate gajnaréngone.–

Lúcas 17:1 Iomraidhean Croise

Matéo 16:23

Mu Jesús chajnai Pédro enga chojningame: –Boji ti yejode, Satanás angúromei á. Bajéode u ujetiga ca yicáputaji Yai áyipiedie ome yu. Mu que báyipiedie cunguésõri yai Dupade áyipiedie go. Báyipiedie udire garani tu báringai ayoré.–

Matéo 18:7

Yo yáyugu uje pisijnaringuei jé jogate erámone unojo uje unéningai cuse ome erámone unirisórone. Mu a jé ate unojo jne iji deréjnane. Mu iyieja Dupade ujuyaquei yui ome gosi ujetiga chacate dojoi ayoré ome pisijnaringuéone unéningai.

Lúcas 16:31

Mu Abraham chojningame uté: "Úngare. Que isocai tu gotique. Ujetiga ca ore chise Moisés urusarane, Dupade uruode atatasórone ore unétique ga a jé ore gajnui tu ujetiga ca ore tangári deyasónique ayoré to ujetiga chiquetárase raja ore múñi iji dáringárique toque."–

Romános 14:13

Jé ũrepise uje Dupade gajneque jeta chajire yocadode aja quigode jne, jecute yicoi ga yiyágo yoquijmapié uaté uje yucuegoi yocujórigo Jesús anguresõre iyoguérigo. Ga yipécorásu yocáyipiedie jeta jé ca yoquipesudode cucha uñeque gajnui turásu cucarané pucuáya jeoga pujuya ome gosi. Enga yoquigaidi turásu jetiga jé ca yoquisocárique pésu ga gosi basája pisijnaringuérique.

Romános 16:17

Yijóchapise uacajéode údi, yujode Jesús anguresóño uaque á, ujetiga ajusópise uaqueo ome udore ore uje ore pota chajuque uáguiji ñane ome dajnimingone pibotaquéo. Jé upo rĩ uje ore gaidi u ujetiga ore chijnime uáguiji cucha omone ome dacajnaqué tágode uje cãrápisa rome pacajnaquéode udore uje pacadique uágome ica. ¡Jé ca ajuécho uaquejode ome udore ore gotique!

1 Coríntios 10:32

Jecute ajusípise badode guio ujetiga ca judírique, jeoga purása quedéjnarique, jeoga bojórique Dupade anguresónique ca chise batígo iyoguérigo, enga ore doi enga ore cho caru ome Dupade adode.

1 Coríntios 11:19

Que potigayaquérique déji yu ome udore. Chamáñaje que toc ujetiga Dupade anguresõre uréone ca ore chamáta rágaja ñane to ome uaque. Uje ore gaidi tu gu ujetiga ore úringane ũréo pijoque.

1 Coríntios 8:13

Jecute ujetiga yibotique u uje ipesute yijõrárique iñoñaringuérique, enga arei tu ujetiga ca yagupórasu ayoré gajnúone gajnéone cucha piboso rĩ iji deréjnane jnese. Yigaidi tu gu ujetiga yijõrai ca pésu pisijnaringuéringo to.

1 Timotéo 4:1

Dupade Ujopié Espíritu Sánto acajnaquéode choqui guesode ome yoque, uje chojninga: a chise dínique jne ujetiga jnanione uñane a ore cha changureta Dupade uru uréone, uje Dupade uru uréone udore u uje cho yoquiquique ome panguretigai ome Jesucrísto. Enga a udore ore tangaripísi pacajnaqué tátigo jne uje pacajnaquéode udore garani tupúsu Satanás irógode ore.

Apocalípsis 2:14

Mu yetégode cucha qué déji uaque: enga u uje uacuñane iji uaquedai Pérgamo que apótayo piyátique ome jnani bajai Balaam adode. Uje uté chacate dojoi jnani bajai Balac nanique ujetiga pésu pisijnaringuéone unéningárique ome israélgosode. Enga Balac uté doi enga chingo gapudíe aja ore ujetiga ore tungarája ore. Enga chingopo ayoré gajnúone gajnéone cucha ãrío aja ore to ujetiga ore tagu. Chamáñaje cucha puyácho gu udore ome israélgosode nanique ujetiga ore tagu.

Apocalípsis 2:20

Mu yetei cucha qué déji uaque: enga yetei cucha u uje uacangáchoi chequé iji uacajade uje isocade u chequé bajé Jezabel isocade to nanique. Uje chequé tuaté cho Dupade uruode atatatóji re mu chãra yirógode uaque ome dacajnaqué tágode. Enga uaté acajnaquéode quigode u ujetiga ca abéroyo uágome punganingane ome gapu quedéjnanie. Enga u to ujetiga acho ayoré gajnúone gajnenie cucha arágajñui to rĩ.