Lúcas 16:9 - Dupade Uruode

⁹ Jecute a qué yingo uacapesute arétigo quitígo aja uaque jne. Ujetiga eso cucha orerã́quedatérigo iji pisijnaringuéone jogadi udé erãpe, enga beyoi enga ejnáñoja uacojode ayoréo enga diga a ore irasique uaque jne iji dajade. Mu ujetiga e íjnoque cucha orerane udore mu a eso uacapusiétique eyúgojmane iji Dupade idai jne.

Lúcas 16:9 Iomraidhean Croise

Sálmos 73:26

Yáyipie jé aja yúringai ayoré udé a ore chicáji jnumi ome dáringane basucho. Mu Dupade u yáyipie etotiguei guẽrasṍri uté, enga yajneque uté iji deréjna pitade jnese gatuaque.

Provérbios 14:24

A pipesute ducayórigo jne ujetiga gare. Ga ayoré irajatade, jé aja ayoré turuturéode a pirajaque ore ome ducayode udore jne. A obiréjna irajatai jne gu uje chacája ducayo uje irajatigai gueranome uté. Jé basa a obiréjna ayoré turuturei to uje chacája ayoré turuturéode ore turuturéringai garãsore ducayo.

Provérbios 19:17

Ujetiga gosi chimo dojórique ayoré jetiga ca urénga taya ga que toque jeta chise dabotique cucha, mu gosi a chisírasome dapláta ome ga chojninga: "Ajnáma, mu amate yu jne jeta amate yu," enga cho jetiga gosi osongaquei gajnesṍri jé u Dupade to. Enga a Dupade u ujeta chatire uté osongaquei casica gai jne.

Provérbios 23:5

Bamo uje que cucha piquetangore pugúcha uásode gotique. Uje udore jé chopise chugúpẽredatéode uje aramanie cuse ga chó ga jĩraque jnome dajesúode, ga adi jé u ome cuchade iji erámi tudé jnese.

Daniel 4:27

Eduguéjná, jé yo baquique jeta angári yu ga a jé ca baricáidode cucha udore chimate ua aja jnumi jne. Ósi tome badode ga jé ca apésu cuchade uje gajnarécho, ga ajuse beo. Jeta abéro ua ome josipíerãi, ga áta cuchade aja jmatágode ore ga a ore chimo bosongaquei gajnetígo cucha to. Jeta be yojningane udojo cucha quigode ga a pajesereringai déji ua to jne, ga a jé bayarite bayaridi iji báringai eduguéjna uté.'"

Matéo 19:21

Mu Jesús chojningame: –Qué cucha amiri déji ome ua ujetiga ese báringárique ujñapetaque. Be jne enga ẽra bagúchade jnese enga asi ome oredie ome ayoré jmatágode. Enga jogadi jé u jne ujetiga ese báringárique piquetaque iji Dupade idai to iji gaté. Enga a Dupade tẽrája ua jne ome bacaniratiguérique iji gaté. Ujetiga ejna badode unojo guesi enga be enga ajína yu to.–

Matéo 6:19

Jesús jé chajnera dacajnaquéode údi enga chojninga: –Ca acueyoi ujetiga ajéyo uacagúcharigo aja ñane gáyode iji erámone unojo. Uacamóño uje pugúchade jĩraque dijite enga jĩraque íjnongapo rĩ. A ca dijidírase mu socase ore toria.

Matéo 6:24

Uacarajáyopise uje que togome jnanírique ujetiga doi darósõre gárerigo ore ajéningo jnese. Áyipie quigode a u jne uje chijnóra uñai, jé chetaque uñai. Isocai jé u uje a pésupúsu uñai áyipiedie jne, mu a chó uñeque áyipierigui gáningo jne. Enga jé gajnui tu uje a ca togome gosi jne ujetiga cháta Dupade, plátadie ore aja ñane ujetiga chijnóra ore jnese.–

Lúcas 11:41

Jecute ajuso uacáyipiedie guio uje asíyo uaqueranone ome ore ujetiga uacosõraquéode u ome ore. Enga quene uacáringane icha jogadi u ome Dupade.

Lúcas 12:33

Jecute ẽcho uacagúchade uje déji uaque ga asi ome uacojode ayoré jmataque. Ga jé jogadi tu jne ujetiga Dupade tẽrája uáguiji gaté ome uacosongaquei uté. Jecute acueyoi uacáyipie quitígo ome uacajnetígo cucha iji gaté. Yirajágo to uje a ca toque jeta ayoré oriechoquírique chise gaté ga toria uacuñeque ugúcharique. Enga a ca pimópo cucha pijaroriguíji jne rĩ.

Lúcas 14:14

Ga báringárique pirasique pijoque ome ua jne. Uje que togome ore ujetiga ore cho boré. Mu a Dupade u jne ujeta cho bosongaquei uté oré jne iji diri ujetiga chiquetápo ayoré ate ujñapetade ore rĩ ujetiga ore nijiápo rĩ iji dáringai toque quigade.

Lúcas 16:11

Ujetiga ca pangurete uaque ujetiga ajuso plátadie guio iji pisijnaringuéone jogadi tudé erãpe, jé basa a ca pangurete uaque to ome Dupade iroquéode uje iroquéode udore oredie suépise cuchade jnese gáyode.

Lúcas 16:13

Uacarajáyopise uje que togome jnanírique ujetiga doi darósõre gárerigo ore ajéningo jnese. Uje áyipie quigode u uje chijnóra uñai. Jé chetaque uñai. Ga isocai jé u uje a pésupúsu uñai áyipiedie mu a chó uñeque áyipierigui gáyode. Ga jé gajnui tu uje que togome gosi ujetiga áyipie chijnóra Dupade mu áyipie chijnorapo plátadie rĩ iji deréjnarique.–

Lúcas 16:4

Mu chojningame re: "¡E yiraja yáyipiedie quigode to ome ayorérigo ore ujetiga yise ore iji ore iguíjnaringo jõ! Uje a íjnoque yipesutique cucha, mu a ca ore chuseque yu jne iji daguíjnaringo ujeta ore chosõre yu."

Héchos 10:31

Enga uté chojningame yu: "Cornélio á, Dupade chudute bacatecãraitigade enga chimo to bátegoningáne uje basi jmatágode iji baplátadie.

Héchos 10:4

Mu Cornélio todópisa ga toji Dupade utocaidi gai, enga chojninga: –¿Gotique a?– Enga Dupade utocaidi chajnai ga chojninga: –Dupade chimesẽre bacatecãraitigade. Enga irasique ua ome bátegoningáne uje basi jmatágode iji baplátadie.

2 Coríntios 4:17

Yirajágo uje pirarã́itigade chise yoque iji jnumi tudé mu jĩraque jnopo rĩ, jnopo rĩ iji yoque. Mu ujetiga yimáco yógaja udore uéchai ga yocajneque cucha eyúgojmane iji Dupade idai ueradéjnai tuté. Enga yocucuecaringuei tuté a suépise yocucuecaringueque baja casé iji jnumi tudé.

Júdas 1:21

Jé ca acayoi quedéjnane ome Dupade ijnoraquédatéi. Mu arochópise Yocangarádejnai diringai yui. Chamáñaje diri uté u gu ujetiga chingo dosõraquéode ome yoque, enga chisi ome pucuecaringué eyúgojmai ome yoque jne.