Lúcas 16:8 - Dupade Uruode

⁸ Mu jnani atai e chudute to daroi ipesudode udore cucha. Ga chojninga: "Dimane yiróquegatéi áyipiedie jõ." Chamáñaje udore ore uje que ore changureta Dupade jé tiógara ore adode uje ore chãra yoc. Jé basa Dupade anguretasónique ga ca togome jeta chãra dojórique ayoré. Chamáñaje jogadi u dírecaringuéi gu.

Lúcas 16:8 Iomraidhean Croise

Génesis 3:1

Ugai u uje aringácachoquípise nanique ome dojode cuchiso ore jnese uje Pangarádejnai Dupade pésu ore nanique. Enga ugai tuté chise chequé bajaque nanique enga catecã́ri enga chojninga: –¿Jec ũré ga Dupade chãraque poridie udire jnese iji dejnai tuté ujetiga acho udire adie?–

2 Samuel 13:3

Mu Amnón jorámei dojo jnacare cuse uje i tu Jonadab. Enga uté chirajapise jeta chacose cuchade ga que pirajaque isocáringome ipoguiétique cucha. Ga David uyade uñai ujnacare uté uje uté dai i tu Simea.

2 Reyes 10:19

Uje a yẽra yẽrapáidode cucha ome Baal uté jne, ga cuchadaté jne. Jecute abichoi Baal irógode proféta jnese, jé aja Baal uté icotasórone ore jnese, jé aja sacerdóteode ore jnese uje ore dopı́si dangureni Baal adode. Arócho udore ore aja de jnese, ga jé ca uñeque chijna riji. Ujetiga Baal uté anguresónique uñeque ca dorási yibijnane, ga a chuque gosi jne.– Uje Jehú uruode u udore ome ayoré gajnui Baal ajnangórone ore, mu cachi Jehú aringaquéo ome ore. Uje gaidi tu ujetiga chejnápise ore jnese ujetiga ore chise uté.

Sálmos 17:14

Pangarádejná, ome bajmanai aqueta yu ome jnanione udore, ome udore ore uje ore gajnepídi déji erámi tudé ga gusu ore cho dagutíyabádode cucha iji erámi jogonórone cucha aja dacuecaringuei eruénique. Ua u uje bãreta ore icadie ome bañerane cucha pagutíyabácho udore ore. Ga ore abode nunaji udore to, enga ore noñome daquebéode iji cucha pagutíyabádode udore ore ome dape parátagabode sudore ore to iji daquigade.

Éxodo 1:10

Ga jé u uje ore eduguéjnai chojninga: "¿Jé yoco ringome jne a jeta yaquírango chequedíe udire ore ome dabode? Mu jeta ca ore cha dabode jne enga a jé ore chajnera dádi jne, enga a chise dínique jeta yocumajósoningo ore socárome yoque jne ga Israel ape disi ejode udore ore cháta raja yocumajósoningo ore ome yoque, ga ore jnoji yocujade jne enga ore chicáji toniñeque ga a ca yoquirótique cusapo jne rĩ."

Provérbios 12:8

Ujetiga gosi irajatigai garósi ga jé tiógara dáringai picotaque uje garósi. Jé basa ga ujetiga jiei gosi irajatigai ga jé tiógarapísa dáringai pisígai. Mu turuturéode jé ore tiógarapísa dáringane pichietabáicho.

Matéo 12:32

Mu ujetiga uñeque doi daru gajnarétigo ome Dupade utocaidi uyu to mu, a qué Dupade chĩrope uté gosi uru gajnarétigo jne. Jé basa ujetiga gosi chedo Dupade Ujopié Espíritu Sánto ome daru gajnarétigo enga a ca Dupade chĩro uté isijnaringuéringo jne. Enga a uté isijnaringuei jé jogate jne iji deréjna pitade.–

Matéo 17:26

Mu Pédro chajnai enga chojningame: –Ore utaidode u ayoré unejángone.– Enga Jesús chojningame: –Jecute a ca cucha putaite eduguéjnane atígo to.–

Lúcas 16:10

Uté gosi uje susípise deo ome ore iñomenie pláta garósirigui iji gari, ujetiga ore iñoméringui jiei iji gari doi ga susípise deo ome to. Jé basa ujetiga ca suse deo ome pláta garósirigui, ga adi jé u to ome pláta dipesedie uje ore noñome iji gari.

Lúcas 16:4

Mu chojningame re: "¡E yiraja yáyipiedie quigode to ome ayorérigo ore ujetiga yise ore iji ore iguíjnaringo jõ! Uje a íjnoque yipesutique cucha, mu a ca ore chuseque yu jne iji daguíjnaringo ujeta ore chosõre yu."

Lúcas 16:7

Enga uté catecã́ri ejoi to rĩ. Ga chojningame: "¿Cho rique bajnose carutígo to a?" Mu chojningame: "100 píode iji trígo." Jec u uje chojninga: "Yipéco darujna ao ichárique ome ua to ga ãro 20 ome ua jne. Ga 80 u béode amirone jne."

Lúcas 18:6

Mu yocangaráni Jesús cho quique daruode ome ore, ga chojninga: –Udé isocai u ome ore eduguéjna sijnátique.

Lúcas 20:34

Mu Jesús chajnai ore ga chósi tome ore: –Gusu yocuniri tudé erãpe uje jnanione, chequedíe ore chucué dabayode iji, dacotedie ore.

Lúcas 20:35

Mu punire uñai iji gatajnoquei gajnesórone u ore jne uje ore tangári Dupade. Uje diga ore niji iji datoringai quigade enga a ca ore áyipieraque dépoi chequé pijõráraque jne rĩ, jeoga chequé ga ca áyipieraque déji jnani pamanique.

Juan 12:36

Beyoi enga anguretáyo dírecaringuéi gajnui uté uje qué déji uacajade, ujetiga eso uacáringane dírecaringuéi gajnesõre.– Jesús chejna daruode udore guesi ga jé u uje jno ga chacose re ome ore.

1 Coríntios 3:18

Yijorane uaque á, jé ca aráño uaque. Ujetiga uaque gosi cho irajatáguiji re ome payuquetotiguei uté uje tṍraji erámi tudé adode, mu uté gosi gajnepídi tu ujetiga chosi riji jnumi enga cho re iji gosi uje cáma chiraja cuchárique. Ujetiga erámi unirisórone ore cho táyipieguiji uté marínga, a quene jogadi u jne ujetiga uté chise dáringai irajataque ome pirajatíga uréone quigode.

Efésios 5:8

Uacamóño gu uje ijnangununie jongosõre uaque to nanique; mu uje uacatojmárañoji Yocangarádejnai uté, ga e uacagúsoi dírecaringuéi ajei iji deréjnane udojo. Jecute beyórasi enga apijócho ome uacáringane dírecaringué jongosóño.

Filipénses 3:19

Mu a Dupade cho dajuñame udore ore jne. Uje cachi ca udore ore chajire Dupade yúrique go, mu cho ujetiga ore idupade u dapotiguéode cucha. Enga que ore chajéngome date gajnaréngone gotique, mu ore irasique re ome date gajnaréngone. Udore ore áyipiedie gaidode u cucha jnutiminórone gatuaque ome re.

1 Tesalonicénses 5:5

Uje Jesús anguresórone uaque uacajnui tu jetiga agúsoi dírecaringuérique, dínique ore ajénique. Que yoco ore go uje ore déji ijnangununie, dejade ore ajéode, uje que ore changureta Dupade.

1 Pédro 2:9

Jé basa ga Dupade ajegaite uáguiji punire quedéjnane. Enga uacoyo pangaránone uje ore catecã́ri Dupade ome darasade nanique, enga ore dopoi deduguéjna cuchábi iroquéode rĩ. Uacoyópo puniri unirisórone ore rĩ uje ueque ore ome pisijnaringuéone uje Dupade gajneque ore iji ore uniri gu. Jecute Dupade pijnangaite uaque nanique, enga chijnime uaque iji ijnangununie ajéode ujetiga acáyoja idírecaringué cuchábi. Gaidi u gu ujetiga uaque u ujetiga atatayo ipesudode cucha pitijabácho ome ore.

1 Juan 3:10

Jecute Dupade abode que piraque iji ayoréode. Satanás ajnangórone que ore piragápo rĩ. Uje gosi a ca chijnóra dojórique ayoré, enga que pésapo dátegoningárique rĩ, enga choquípisiji guesi uje Dupade que ape uté go.