Lúcas 16:4 - Dupade Uruode

⁴ Mu chojningame re: "¡E yiraja yáyipiedie quigode to ome ayorérigo ore ujetiga yise ore iji ore iguíjnaringo jõ! Uje a íjnoque yipesutique cucha, mu a ca ore chuseque yu jne iji daguíjnaringo ujeta ore chosõre yu."

Lúcas 16:4 Iomraidhean Croise

Provérbios 30:9

Bamo ujeta ugúcharã́que yu ga a ca yise banétique jne ga a yo cucha bisidéguiji badode jne. Jé basa jeta yijmátapis ome cuchade ga a yoria cuchárigo ga jé yipésu yibai tome ua to enga ore chietáyime ua gu yadode udore ome ua.

Lúcas 16:3

Mu que togome jnani tuté iróquegatéi ujetiga chingo cuchárique ome. Mu jno ga jé u uje chucué dáyipie ga chojningame re: "A yirósõri cha yu jne jõ. Ga a ca togome yu jne ujetiga yipésu cuchárique. Uje que yetotiguérique cuse gu ujetiga yĩrase jnumi. Mu pajegátiga cuchape rĩ ome yu ujetiga yiji ga yutai ayoréode to."

Lúcas 16:5

Ga jé u uje jno ga tibidi jnanione udore uje ore ijnose carubode déji ore irósõri gari to. Ga chijnire ore aja ujetiga pésu ore ijnose carubode aja quigode. Ga chojningame bajai: "¿Cho rique bajnose carubode iji yoquirósõri gari a?"

Lúcas 16:9

Jecute a qué yingo uacapesute arétigo quitígo aja uaque jne. Ujetiga eso cucha orerã́quedatérigo iji pisijnaringuéone jogadi udé erãpe, enga beyoi enga ejnáñoja uacojode ayoréo enga diga a ore irasique uaque jne iji dajade. Mu ujetiga e íjnoque cucha orerane udore mu a eso uacapusiétique eyúgojmane iji Dupade idai jne.

Santiágo 3:15

Yirajágo uje pirajatigade uñane que garani u Dupade go. Mu uñane garanone u erámi tuné, jeoga páyipie ayoredie, jeoga garani u Satanás.