Lúcas 16:3 - Dupade Uruode

³ Mu que togome jnani tuté iróquegatéi ujetiga chingo cuchárique ome. Mu jno ga jé u uje chucué dáyipie ga chojningame re: "A yirósõri cha yu jne jõ. Ga a ca togome yu jne ujetiga yipésu cuchárique. Uje que yetotiguérique cuse gu ujetiga yĩrase jnumi. Mu pajegátiga cuchape rĩ ome yu ujetiga yiji ga yutai ayoréode to."

Lúcas 16:3 Iomraidhean Croise

Ester 6:6

Ga jé u uje eduguéjnai catecã́ri daroguipísi uje i tu Amán ga chojningame: –¿Ama eduguéjna cuchape ua ga orási ringome gosi átegoningáne ome ua, jeta ẽrája gosi ome átegoningáne to a?– Ga Amán jos eti eduguéjna cuchábi ojningai tu re ga chojningame re iji dajei: "Ise mu yoqueduguéjnai ojningai u yu jõ, ga pota tẽrája yu."

Provérbios 13:4

Ducutáquechoquíode ujetiga ore pota jóroga cuchade to mu que togome ore, uje ducutáquechoquí ore gu. Jé basa ga ayoré chaguesíode ore pota cuchade ga jĩraque ore doi uje chaguesi ore gu.

Provérbios 15:19

Ducutáquechoquíode cho jetiga ore chajna dajetique jetiga ojnatígo piéjnapis. Jé basa ga ayoré parágode cho jetiga ore isoca arégode pésu ore iquéode ga icha jnumi ome ojnane enga guesája qui.

Provérbios 18:9

Ducutáquechoquí jõrápisi cuse to, ga jõrai u uje que pañeraque cuchárique guio, jecute que ore chimo cucháringome raque jnese.

Provérbios 19:15

Ayoré ducutáquechoquíode udore ga unéri tu ome ore jeta ore mo gatuaque. Mu ujetiga ore iyaguhénique chejna ore ga que ore chajmárapo moi gotique rĩ.

Provérbios 20:4

Uje e putáningai u, ga ayoré utacade chutãre jnese, jé basa ga ducutáguebéi que áyipieraque déji dáringárique utáca gotique to. Mu ujetiga ore na dacatígo cucha ga ayoré utácajmái chucué jórogui náraque cucha to mu que chiraja jogatique.

Provérbios 29:21

Ujetiga ayorérique chosi darógabi iji disatique ga que chuségosi ga chise dáringai jnacare jne enga que tangárapoi cuchárique rĩ gu uje irósõri cana gáyode nanique iji úringai disi enga que todopo darósõri casica gotique rĩ.

Matéo 20:8

Uje e cho sere enga guejnasṍri chojningame daroguipísi: "Abidi yirógode enga o ore oré ome diri uné. Mu o bajágu ejode jne. Jeque o ejoi iji bajade ore jne."

Márcos 10:46

Udojo quigade ga Jesús ore chise ore idai Jericó. Mu uje Jesús jnopóji ore idai uté enga acadigode, ayorébui ore nóna. Mu ore chise jnani edoparitique iji ore idai eruei uje i u Bartiméo. Uje Timéo ujnacari u. Mu charidébeque dajere edúdi uje utaidébeque dojode ayoréo iji uté gatuaque.

Lúcas 12:17

Jecute jnani tuté chucué dajéo. Ga chojningame re: "¿Jé yo píringome yacade cucha udojo jne a? Que yiraja jogatígo iji yiguíjnane."

Lúcas 16:2

Jecute jnani atai uté tibidi daróquegatéi ga chojningame: "E yudute ore uruode ome ua. Angomome ore uruode quitígo ome ua ujetiga jé ũré ore uruode gotígo, jeoga tac ore. Uje ore chaguhéta cuchade babai. Atata batrabajándoringane quitígome yu uje a yijócãre ua jne gu. Uje baraja múñi uje yiroguipise ua."

Lúcas 16:20

Mu jnani jmatátique déji to uje i tu Lázaro nanique. Enga Lázaro uté que chise dajóningárique nanique uje pugórodie yuque. Ga moji jnani atai uté piagoi.

Lúcas 16:22

Mu chise dínique uje jnani jmatai uté toi. Ga Dupade irógode ore chijna áyipie aja yocai jnani bajai Abraham gari iji jogadi. Ga jé basa ga jnani atai uté toi to mu ore chijóchame. Mu áyipie qui tu jnaropié.

Lúcas 16:4

Mu chojningame re: "¡E yiraja yáyipiedie quigode to ome ayorérigo ore ujetiga yise ore iji ore iguíjnaringo jõ! Uje a íjnoque yipesutique cucha, mu a ca ore chuseque yu jne iji daguíjnaringo ujeta ore chosõre yu."

Lúcas 18:4

Iji taningai ga que juez uté tangaripísi chequé eca. Mu e chachopise chequé tuaté uje ijója. Enga chojninga: "Que yangári cuchárique. Mu a yangarami chequé eca tuaté jne uje qué chutṍri yu. Enga chabu chisape yu iji de jne. Yiji ga yirotape jne."–

Juan 9:8

Enga jnani uté chise dejominórone ayoré uñane ore mu ore chirajaque enga ore chojninga: –¿Ja ca uté u uje utaidé yoquiplátadie ica?–

Héchos 3:2

Jnani noñai jecucha ga déji Dupade iguíjna cuchábi piagoi iji dirode jnese uje noñaque aja guesi iji daté. Enga jnani uté jorane jecucha ga ore chijnóngaja Dupade iguíjna cuchábi piagoi uje i tu Piago Ueradi ujetiga chutai ayoréode uje ore chacája Dupade iguíjna cuchábi.

Héchos 9:6

Sáulo tãrara ome dasadodéringai enga chojningame Jesús: –Yangaráni á, ¿bapotigátique a ujetiga yipésu ome ua ya?– Enga yocangarádejnai Jesús chojningame: –Ayague. Bo ga acáji ore idai enga a ore chingo bapesutígaja ua jne.–

2 Tesalonicénses 3:11

Uje ore chingome yoque uje uacuñéngo que chisa cucha pisatígo. Enga ore áyipie jogadípise uje que pésu cuchárique.