Lúcas 16:2 - Dupade Uruode

² Jecute jnani atai uté tibidi daróquegatéi ga chojningame: "E yudute ore uruode ome ua. Angomome ore uruode quitígo ome ua ujetiga jé ũré ore uruode gotígo, jeoga tac ore. Uje ore chaguhéta cuchade babai. Atata batrabajándoringane quitígome yu uje a yijócãre ua jne gu. Uje baraja múñi uje yiroguipise ua."

Lúcas 16:2 Iomraidhean Croise

Matéo 12:36

Jesús chojningápo rĩ iji dacajnaquéode: –Jé ũrepise yu uje yaquĩ́ra uaque, uje a chise dínique jne ujetiga pajirique uacaru noñángone aja quigode jnese jne.

Matéo 20:8

Uje e cho sere enga guejnasṍri chojningame daroguipísi: "Abidi yirógode enga o ore oré ome diri uné. Mu o bajágu ejode jne. Jeque o ejoi iji bajade ore jne."

Lúcas 12:20

Mu a Dupade catecãrirási uté gosi ga chojningárasa: "A ca araja cuchárique jõ. A jé atoi iji de dejai ga bañera casodé bagúcha ¿jé gosi gajnenguíraso udore a?"–

Lúcas 12:42

Mu yocangarádejnai Jesús catecãrápoi Pédro rĩ enga chojninga: –Yacajnaquéode gajnesórone u udore ore uje ore gajnui u jnani uje irósõri noñome darógode uñéngo iji jmainie ujetiga chirote ore enga chisi ome ore posode ome ore iji deréjnane jnese. Uté irósõri chiraja gu úringai áyipierãque, jé aja úringai ũré rĩ.

Lúcas 16:1

Udojo quigade ga Jesús qué jno dacajnaquéode údi ome dacadigode ga chósi tome ore: –Jnanírique déji nanique uje ataguipise. Enga jnani atai uté chicha daróquegatérique aja darógode uñane ore gai ujetiga chajire ore yúode. Mu irógode ore chaguhéta cuchade iróquegatéi gai uje chejna uraque darósõri iplátadie aja re gu.

Lúcas 16:3

Mu que togome jnani tuté iróquegatéi ujetiga chingo cuchárique ome. Mu jno ga jé u uje chucué dáyipie ga chojningame re: "A yirósõri cha yu jne jõ. Ga a ca togome yu jne ujetiga yipésu cuchárique. Uje que yetotiguérique cuse gu ujetiga yĩrase jnumi. Mu pajegátiga cuchape rĩ ome yu ujetiga yiji ga yutai ayoréode to."

Romános 14:12

Jecute que potigayaquérique déji ome Pangarádejnai uruode udore uje Jesús anguresõre chojmara, chojmarane iji yoque a jé chatata dapesutígo cucha jnese jne ome Dupade iji edominone. ¡A jé yingongo yógaja uté jnese jne!

1 Coríntios 1:11

Yósi tome yi-hermánone uaque gu uje Cloé jogasúode uñane e chingopísa yu uje pibotaquéode déji uágome ñane uje uacajucho ñane ajéode iji jnumi gu.

1 Coríntios 4:2

E uacarajáyo arĩa ujetiga pangurete gosi ome darósõri iroquéode iji erámi udé, enga uté gosi gajnepídi u ujetiga chejna daguesi ome dajnéone piroquéo udore ome úringai ũré.

1 Coríntios 4:5

Jecute ayáyobu uacajiritigade ome ñane, uje cáma deréjnai u gu. Ga yuruode qui tu jetiga arochope Yocangarádejnai Jesús diringai yui. Uje a uté u jne ujetiga chajire yoquipesudode cucha aja quigode jnese. A yipójo yocadode jeoga yocáyipiedie iji deréjnane unojo marínga, Yocangarádejnai a chijnime jne ga chicháji dírecaringuéi ayoré chojmara, chojmarane ore ipesudode dacho, jé aja ore áyipie quitígo jnese to rĩ. Enga a jé u jne ujetiga Dupade chisi ore gáyode ome date arégode. Enga ayoré chojmara, chojmarane gajnéone picotaquéo a jé chirate date arégode udore úringane pipesucho jne.

2 Coríntios 5:10

Chamáñaje a chise dínique jne ujetiga Crísto chajire yocadode aja quigode jnese. Enga a ayoré chojmara, chojmarane a jé gajneque dapesutígo quitígo jne, uje pésu iji dáringai ayoré nanique. Ujetiga uerate atígo nanique enga jé gajnecho. Ujetiga gajnarécho atígo ga jé gajnecho to rĩ.

1 Timotéo 4:14

Uje Jesús anguresórone ore angaránone ore chicha dajmainie aja babai nanique enga imoi tu uje Dupade ajegaite ua ome daroquéode. Enga jogadi u uté to, uje Dupade chisi ome pirajatigai ome ua ome daroquéode. Jecute ca o cucha bisidéguiji barajatigade udore, mu bangúroméone u udore gatuaque jne uje babé Dupade iroquéode.

1 Timotéo 5:24

Obiréjnapise jnanione uñane ipesudode cucha gajnarécho iji deréjnane unojo, uje cáma ore chise deréjnai tuté ujetiga pajirique yocadode aja quigode iji. Jé basa ga a quene pirajaque jnanione uñane isijnaringuéone jne iji diri tuté dirome.

1 Pédro 4:10

Omi tu ujetiga Dupade anguresórone chojmara, chojmarane tagu ome Dupade guerani pirajatíga ome dejominónique ayoré. Enga yocajnui u ayorérique uje chirajapise dasocáringome daríjogonórone cucha enga ujode ayoréo ore chagutíñame ipesudode. Enga uásejna Dupade gueranone pirajatíga ome yoque enga ore cãra rome ñane.

1 Pédro 4:5

Mu a chise dínique jne ujetiga uacajorane udore a ore chatata dadode ome Dupade jnese. Uje Dupade e dimane ujetiga chajire ayoré togode, ayoré uecade ore adode aja quigode jnese.

Apocalípsis 20:12

Enga yimo ayoré togode ore jnese uje ore chague iji Dupade iquei. Ayoré atade déji, enga ayoré gajnaréngone ore déji jnese rĩ. Enga yimo uje puchẽraque darujna aode gáyode. Enga yimo darujna ao uñai uje pucuecaringuei gajnesórone ore íode déji. Enga ore adode pijogúsorone u darujna aode udore. Chamáñaje purusãracho ore adode iji darujna aode udore nanique gu. Diga a pingo ore adode aja ore jne, enga quigade enga patataque ore quigode ome ore.