Lúcas 16:1 - Dupade Uruode

¹ Udojo quigade ga Jesús qué jno dacajnaquéode údi ome dacadigode ga chósi tome ore: –Jnanírique déji nanique uje ataguipise. Enga jnani atai uté chicha daróquegatérique aja darógode uñane ore gai ujetiga chajire ore yúode. Mu irógode ore chaguhéta cuchade iróquegatéi gai uje chejna uraque darósõri iplátadie aja re gu.

Lúcas 16:1 Iomraidhean Croise

Génesis 15:2

Mu Abram chajnai Dupade uruode udore, enga chojninga: –Yangarádejna, Dupade á. Barajapise uje que yatique cus ujetiga cho dajnenguíji yugúcharique jne iji yiquigade jetiga yitoi. Jecute a o yoré jne mu que cucha beranone ome yu. Baraja gu uje gusu yirógode uñai, damáscogosi Eliezer ujetiga gajnecho bẽratígo cucha jne ome yu ujetiga e yitoi.–

Génesis 43:19

Ga jé u uje ore chise José iguíjna piagoi enga ore catecãripísi José iroguipísi údode ome raque.

Provérbios 18:9

Ducutáquechoquí jõrápisi cuse to, ga jõrai u uje que pañeraque cuchárique guio, jecute que ore chimo cucháringome raque jnese.

Matéo 20:8

Uje e cho sere enga guejnasṍri chojningame daroguipísi: "Abidi yirógode enga o ore oré ome diri uné. Mu o bajágu ejode jne. Jeque o ejoi iji bajade ore jne."

Lúcas 12:42

Mu yocangarádejnai Jesús catecãrápoi Pédro rĩ enga chojninga: –Yacajnaquéode gajnesórone u udore ore uje ore gajnui u jnani uje irósõri noñome darógode uñéngo iji jmainie ujetiga chirote ore enga chisi ome ore posode ome ore iji deréjnane jnese. Uté irósõri chiraja gu úringai áyipierãque, jé aja úringai ũré rĩ.

Lúcas 15:13

Mu uje dirode garósiji yui mu ape ungarómi uté chamáta dagúchade jnese ujetiga chicáji ore idai uñeque iji sañeque. Mu uje chise ta ga que suse daplátadie guio go. Ga jĩrique chejna jnese ome dapotiguédatéode. Uje gajnarenguipise adode ga que suse deo gotique.

Lúcas 15:30

Yetétigade upúsu uje bape doi uté chejnápise daplátadie ome dibéchoquídie, pútadie ore, mu a jé ajé bachidé urojna ome que. Uje gajnarécho adode múñi."

Lúcas 16:19

Jesús qué chajnerame dacajnaquéode ga chacate ore ome jnaropié adode enga chósi tome: –A yatataba jnanírique adode ome uaque jne. Uje ataque nanique. Ga que chuseque re ome daguidé ueradedie iji dirode jnese. Ga pésu dajñaminone iji dirode jnese uje dicotárechoquí.

Lúcas 16:2

Jecute jnani atai uté tibidi daróquegatéi ga chojningame: "E yudute ore uruode ome ua. Angomome ore uruode quitígo ome ua ujetiga jé ũré ore uruode gotígo, jeoga tac ore. Uje ore chaguhéta cuchade babai. Atata batrabajándoringane quitígome yu uje a yijócãre ua jne gu. Uje baraja múñi uje yiroguipise ua."

Lúcas 19:20

Enga jé u uje ejogatei chingongara raja to ga chósi tome: Yocangaráni á, bapláta casidica de daji uje yañurupúsu guio ga yipocásu gai iji borapei.

Lúcas 8:3

Ga uñáraque i tu Juána uje Chúza gotique acoté. Uje eduguéjna cuchábi Heródes iróquegaté uté. Jé uña i u Susána. Mu jiépisi udire ore ujórigui chequei to uje ore chátaja Jesús, ore to ome dacaniratiguérigo.

Títo 1:7

Chamáñaje Jesús anguresórone angaránone anciáno ore gaidode urásu Dupade iroquéode iji dojode Jesús anguresóño ujade. Jecute omi tu ujetiga ore atígo omío gatuaque. Ujetiga ca ore cho dajosipié ome dojode ayoréo. Ujetiga ca jĩrique ore cho júruru. Ujetiga ca ore chóji yote pioi. Ujetiga ca sijnaque ore. Ujetiga ca ore jnari pláta docoidé bisidégueraque ome re.

Santiágo 4:3

Mu ujetiga atáyoi cuchade udore iji Dupade, mu que chisi ome uaque gu uje chiraja uacáyipie gajnarénguenie enga todo ujetiga uacajñamáicho.

1 Pédro 4:10

Omi tu ujetiga Dupade anguresórone chojmara, chojmarane tagu ome Dupade guerani pirajatíga ome dejominónique ayoré. Enga yocajnui u ayorérique uje chirajapise dasocáringome daríjogonórone cucha enga ujode ayoréo ore chagutíñame ipesudode. Enga uásejna Dupade gueranone pirajatíga ome yoque enga ore cãra rome ñane.